ირინა ბაირამაშვილი: "შეყვარებულთან აღარ ვარ"
2 256 ნახვა
ახალბედა მომღერალი ირინა ბაირამაშვილი საზოგადოებამ "ჯეოსტარიდან" გაიცნო. იმ პერიოდში ირინამ "ვარსკვლავურ" ცხოვრებას გაუგო გემო, უხვად მიიღო ქება, ტაში, აპლოდისმენტები, დიდი სცენის ხიბლს ეზიარა. მერე კი, მალე, ყველაფერი გაქრა, ნიჭიერი მომღერალი აღარსად ჩანდა. თურმე ამ დროის განმავლობაში ბარებში მღეროდა, შემდეგ ამასაც დაანება თავი და კინაღამ ყველას დაავიწყდა, სანამ მის ცხოვრებაში პროექტი "ახალი ხმა" არ გამოჩნდა. ამ კონკურსში ის ნინო ჩხეიძის გუნდშია და თავისი არჩევანით ამაყობს კიდეც. ეს გადაწყვეტილება იქ მისვლამდე ერთი დღით ადრე მიიღო, არადა მწვრთნელ დათო ფორჩხიძესთან შეთანხმებული იყო, რომ ირინა სწორედ მას აირჩევდა. თავისი ნაბიჯით მაყურებელიც გააკვირვა და დათო ფორჩხიძეც. ერთ რინგზე უკვე გაიმარჯვა. თავისი მოულოდნელი გადაწყვეტილებისა და ცხოვრების განვლილი ეტაპების შესახებ 26 წლის კონკურსანტი "სარკეს" უამბობს.
– ირინა, "ჯეოსტარმა" პოპულარობა კი მოგიტანათ, მაგრამ შემდეგ უცებ გაქრით. რა ხდებოდა ამ ხნის განმავლობაში თქვენს ცხოვრებაში?
– "ჯეოსტარის" შემდეგ მეც მეგონა, რომ ბევრი შემოთავაზება მექნებოდა და აქტიურ ცხოვრებას დავიწყებდი, მაგრამ, სამწუხაროდ, ასე არ მოხდა. წავედი და საგარეჯოს მუნიციპალიტეტში დავიწყე მუშაობა, სადაც ახალგაზრდულ საქმეთა წამყვანი სპეციალისტი ვარ. ამ საქმეს ჩემს პროფესიასთან რაღაც საერთო კი აქვს, მაგრამ საყვარელი საქმიდან მოწყვეტა ძალიან რთულია. ეს ნაწილობრივ ჩემი ბრალიც არის, რადგან ფინანსების არქონის გამო ახალი სიმღერები ვერ ჩავწერე. რატომღაც ყველამ დამივიწყა. ორი წელი ბარებში ვმღეროდი. მერე ესეც ყელში ამომივიდა და შევეშვი.
"ჯეოსტარში" საკუთარი თავი ვერ წარმოვაჩინე, მაგრამ ის დრო მაინც მენატრება. ვარსკვლავური ცხოვრებით ვცხოვრობდი. ჟურნალის ყდებზე ჩემი ფოტოები და ინტერვიუები ძალიან მენატრება, თუმცა "ახალი ხმისგან" არანაკლებს ველოდები. ისიც უნდა ვთქვა, რომ ამ პროექტში ჩემმა გამოჩენამ ხალხი იმიტომ გააღიზიანა, რომ მე ჯეოსტარელი, პოპულარული ვიყავი. მე თუ უკვე პოპულარული ვარ, საგარეჯოს მუნიციპალიტეტში არ უნდა ვმუშაობდე. იმ კონკურსის შემდეგ არც ერთ გადაცემაში ვყოფილვარ. ჩემი თაობის ჯეოსტარელები, სალომე ბაკურაძე ან თუნდაც გიორგი სუხიტაშვილი, ჩემზე პოპულარულები არიან. წუწუნი არ მიყვარს, მაგრამ მომღერალს სცენაზე დგომისთვის ბევრი სჭირდება. სიმღერის ჩასაწერად საკმარისი ჰონორარი კი არასდროს მქონია.
– პროექტ "ბრავოს" მონაწილეც იყავით.
– დიახ და ჩემს ცხოვრებაში რაც კი ყველაზე წარუმატებელი ყოფილა, ეს პროექტი "ბრავო" იყო. იმის საშუალება არ მომცეს, რომ რაც მინდოდა, ის მემღერა. რეპერტუარი არასწორად შემირჩიეს, რის გამოც ძალიან დაბალი ქულები დამიწერეს. ამან ძალიან დამწყვიტა გული.
– ამბობენ, რომ ახალ პროექტში მისვლა დათო ფორჩხიძემ გირჩიათ.
– ეს ნამდვილად არ ყოფილა დათოს შემოთავაზება, მაგრამ ამ ყველაფერს მასთან კავშირი აქვს. ერთმანეთი პროექტის დაწყებამდე ორი თვით ადრე გავიცანით. მის სტუდიაში ჩემი დაწერილი სიმღერა ჩავწერე. დათომ მაშინვე მითხრა, "ჯეოსტარის" პერიოდში არ მომწონდიო, მაგრამ იქ რომ წავიმღერე, მივხვდი,აზრი შეიცვალა. მეორე დღეს "ახალი ხმის" კასტინგზე უნდა გავსულიყავი და დათოსაც ვუთხარი, მაგრამ მას არ უთქვამს, რომ ჟიურიში თვითონ იქნებოდა. კასტინგი რომ გავიარე, ეს მერე მითხრა და შემომთავაზა, თუ გინდა, ჩემს გუნდში იყავიო. მის გუნდში ყოფნა მართლა ძალიან მინდოდა. ის ორი თვე მეგობრული ურთიერთობა გვქონდა.
– საბოლოოდ ნინო ჩხეიძე რატომ აირჩიეთ?
– ძალიან დაბნეული ვიყავი. ნინოს არჩევა ერთი დღით ადრე გადავწყვიტე. პროექტის შესახებ თავიდან ბოლომდე ყველაფერი რომ გავიგე, ნინოს გუნდში მოხვედრა ვარჩიე. ეს იმიტომ არ მოხდა, რომ მე დათოსთან მოხვედრის შემეშინდა. დათოც ასე ფიქრობდა, რომ მას ბოლომდე არ ვენდე და მითხრა კიდეც, ალბათ რაღაც დაგაკელი, შენი ნდობა ვერ მოვიპოვეო. ნდობა მართლა არაფერ შუაშია. ჩემთვის უბრალოდ პროდიუსინგი იყო მთავარი.
– რატომ ფიქრობთ, რომ დათო პროდიუსინგს ვერ გაგიკეთებდათ?
– რატომღაც ვფიქრობდი, რომ, დათოს გუნდში უფრო მეტად მეგობრები ჰყავდა, მათ არ გაწირავდა. ჩემი აზრით, არ შეიძლება წინასწარ იცოდე, გუნდში ვინ გეყოლება. მე და დათოს ახლაც კარგი ურთიერთობა გვაქვს. დათოს ბოდიში – არა, მაგრამ ჩემგან დიდი მადლობა ეკუთვნის.
ჩემი მიზანი ამ პროექტში ბოლომდე მისვლა იყო, რასაც დათოს გუნდში ყოფნით ვერ შევძლებდი. ახლაც მგონია, რომ ის პროექტიდან დროზე ადრე გამიშვებდა. დათოც მეუბნება, რეპერტუარში არც მე შეგზღუდავდიო, მაგრამ მე იმხელა სკოლა გავიარე, რომ სიმღერაში ბევრს ვეღარაფერს ვისწავლიდი. სწორი პროდიუსინგი მინდოდა და, ვფიქრობ, რომ გამიმართლა. ზუსტად იქ ვარ, სადაც უნდა ვიყო. თუმცა ახლა პროექტი ძალიან არაპროგნოზირებადი გახდა, რადგან ყველაფერი ესემეს–ებზე იქნება დამოკიდებული. ასე რომ, წინასწარ არაფერი ვიცი.
– სულ ცოტათი მაინც არ ნანობთ, რომ ნინო ჩხეიძის გუნდი აირჩიეთ?
– არჩევანს არ ვნანობ! ძალიან მაგარი გუნდი ვართ. ნინომ თავისი პირდაპირობით, გულწრფელობით და სხვა ბევრი კარგი პიროვნული თვისებით ძალიან შეგვაყვარა თავი. თამამად შემიძლია ვთქვა, რომ დედასავით გვყავს. მიუხედავად იმისა, რომ მის მოვალეობაში ჩვენს იმიჯზე ზრუნვა არ შედიოდა, ამას მაინც აკეთებს და თანაც თავისი ფინანსებით. ნინო რომ შემოგვხედავს, იცის, რა გვჭირდება. მაგალითად, მე თმა დამიგრძელა. თუმცა ისიც შეიძლება, ადამიანი ზედ გყვებოდეს, მაგრამ ისეთი "სტერვა" იყოს, ყველაფრის სურვილი დაგაკარგვინოს. ნინოს პიროვნებამ გამაოცა. კახელი ვარ და პირფერობას ვერ დავიწყებ, მაგრამ მან ჩემს მოლოდინს გადააჭარბა. სიმღერაშიც დიდ თავისუფლებას გვაძლევს. სხვა გუნდებში, არ ვიცი, რა ხდება, მაგრამ ჩვენ ვმღერით იმას, რაც გვინდა.
– კონკურენცია რამდენად დიდია?
– მთლიანად პროექტშიც და ჩვენს გუნდშიც დიდი კონკურენციაა. თავდაჯერებულად ვერ ვიტყვი, რომ მე გავიმარჯვებ. ამ პროექტმა შემშალა! ძალიან მაგარი მონაწილეები არიან! არ ვიცი, ეს ბავშვები აქამდე სად იყვნენ, რას აკეთებდნენ. შოკირებული ვარ! თითო გუნდში ჩემი ფავორიტი მყავს, მაგრამ ჩემს გუნდში ირინა ბაირამაშვილს ვგულშემატკივრობ! კონკურსანტები სულ ერთმანეთთან მისვლა–მოსვლაში ვართ, ყოველ შემთხვევაში, ჩვენს გუნდში ასეა. საგარეჯოდან მიწევს სიარული და კარავს ხან სად დავცემ და ხან – სად. ამას წინათ ორი კვირით ჯამბურიებს ჩავუსახლდი (თიკა ჯამბურია. ავტ.).
– ახლობლებმა რა გითხრეს, როცა თქვით, რომ კიდევ ერთ კონკურსზე აპირებდით გასვლას?
– ბიძაჩემმა კახურად მითხრა, ახლა სულ ფრანციცულად იმღერებ და მე რას გავიგებო. ინგლისური არ ვიცი და მეტყობა კიდეც. ჩემს ვიდეოებზე კომენტარებს წერენ, შე უბედურო, ჯერ ინგლისური ისწავლე და ინგლისურად მერე იმღერეო. კახური ინგლისური ვიცი, მაგრამ სამაგიეროდ ისეთი აქცენტი მაქვს, რომ მსმენელს მაინც "ვაბოლებ". ბევრისგან მსმენია, პედაგოგი არ მყოლიაო. მე კი ამას ვერ უარვყოფ. ჩემი პედაგოგი რობერტ ბარძიმაშვილი იყო და დღემდე ძალიან მეხმარება ნანა გოგიშვილი. მომღერალს პედაგოგი სიკვდილამდე სჭირდება, მაგრამ, თუ რაღაც არ გამიჭირდა, მასწავლებელთან არ მივდივარ.
– თქვენს პირად ცხოვრებაში ცვლილებები არ მომხდარა?
– მნიშვნელოვანი არაფერი ხდება. შეყვარებული მყავდა, მაგრამ ახლა ერთად აღარ ვართ. მე ვარ ადამიანი, რომელიც რაღაცეებით არ ითრგუნება. ვიმღერებ და კარგ ხასიათზე ვდგები. ვატყობ, როცა კარიერაში წინსვლა მაქვს, პირადში რაღაცეები მერევა. ადამიანის შეყვარება ერთ დღეში შემიძლია, მაგრამ სიყვარულის დასრულებით ტრაგედიას არასდროს ვქმნი.
სოფიო ბოჭორიძე
– ირინა, "ჯეოსტარმა" პოპულარობა კი მოგიტანათ, მაგრამ შემდეგ უცებ გაქრით. რა ხდებოდა ამ ხნის განმავლობაში თქვენს ცხოვრებაში?
– "ჯეოსტარის" შემდეგ მეც მეგონა, რომ ბევრი შემოთავაზება მექნებოდა და აქტიურ ცხოვრებას დავიწყებდი, მაგრამ, სამწუხაროდ, ასე არ მოხდა. წავედი და საგარეჯოს მუნიციპალიტეტში დავიწყე მუშაობა, სადაც ახალგაზრდულ საქმეთა წამყვანი სპეციალისტი ვარ. ამ საქმეს ჩემს პროფესიასთან რაღაც საერთო კი აქვს, მაგრამ საყვარელი საქმიდან მოწყვეტა ძალიან რთულია. ეს ნაწილობრივ ჩემი ბრალიც არის, რადგან ფინანსების არქონის გამო ახალი სიმღერები ვერ ჩავწერე. რატომღაც ყველამ დამივიწყა. ორი წელი ბარებში ვმღეროდი. მერე ესეც ყელში ამომივიდა და შევეშვი.
"ჯეოსტარში" საკუთარი თავი ვერ წარმოვაჩინე, მაგრამ ის დრო მაინც მენატრება. ვარსკვლავური ცხოვრებით ვცხოვრობდი. ჟურნალის ყდებზე ჩემი ფოტოები და ინტერვიუები ძალიან მენატრება, თუმცა "ახალი ხმისგან" არანაკლებს ველოდები. ისიც უნდა ვთქვა, რომ ამ პროექტში ჩემმა გამოჩენამ ხალხი იმიტომ გააღიზიანა, რომ მე ჯეოსტარელი, პოპულარული ვიყავი. მე თუ უკვე პოპულარული ვარ, საგარეჯოს მუნიციპალიტეტში არ უნდა ვმუშაობდე. იმ კონკურსის შემდეგ არც ერთ გადაცემაში ვყოფილვარ. ჩემი თაობის ჯეოსტარელები, სალომე ბაკურაძე ან თუნდაც გიორგი სუხიტაშვილი, ჩემზე პოპულარულები არიან. წუწუნი არ მიყვარს, მაგრამ მომღერალს სცენაზე დგომისთვის ბევრი სჭირდება. სიმღერის ჩასაწერად საკმარისი ჰონორარი კი არასდროს მქონია.
– პროექტ "ბრავოს" მონაწილეც იყავით.
– დიახ და ჩემს ცხოვრებაში რაც კი ყველაზე წარუმატებელი ყოფილა, ეს პროექტი "ბრავო" იყო. იმის საშუალება არ მომცეს, რომ რაც მინდოდა, ის მემღერა. რეპერტუარი არასწორად შემირჩიეს, რის გამოც ძალიან დაბალი ქულები დამიწერეს. ამან ძალიან დამწყვიტა გული.
– ამბობენ, რომ ახალ პროექტში მისვლა დათო ფორჩხიძემ გირჩიათ.
– ეს ნამდვილად არ ყოფილა დათოს შემოთავაზება, მაგრამ ამ ყველაფერს მასთან კავშირი აქვს. ერთმანეთი პროექტის დაწყებამდე ორი თვით ადრე გავიცანით. მის სტუდიაში ჩემი დაწერილი სიმღერა ჩავწერე. დათომ მაშინვე მითხრა, "ჯეოსტარის" პერიოდში არ მომწონდიო, მაგრამ იქ რომ წავიმღერე, მივხვდი,აზრი შეიცვალა. მეორე დღეს "ახალი ხმის" კასტინგზე უნდა გავსულიყავი და დათოსაც ვუთხარი, მაგრამ მას არ უთქვამს, რომ ჟიურიში თვითონ იქნებოდა. კასტინგი რომ გავიარე, ეს მერე მითხრა და შემომთავაზა, თუ გინდა, ჩემს გუნდში იყავიო. მის გუნდში ყოფნა მართლა ძალიან მინდოდა. ის ორი თვე მეგობრული ურთიერთობა გვქონდა.
– საბოლოოდ ნინო ჩხეიძე რატომ აირჩიეთ?
– ძალიან დაბნეული ვიყავი. ნინოს არჩევა ერთი დღით ადრე გადავწყვიტე. პროექტის შესახებ თავიდან ბოლომდე ყველაფერი რომ გავიგე, ნინოს გუნდში მოხვედრა ვარჩიე. ეს იმიტომ არ მოხდა, რომ მე დათოსთან მოხვედრის შემეშინდა. დათოც ასე ფიქრობდა, რომ მას ბოლომდე არ ვენდე და მითხრა კიდეც, ალბათ რაღაც დაგაკელი, შენი ნდობა ვერ მოვიპოვეო. ნდობა მართლა არაფერ შუაშია. ჩემთვის უბრალოდ პროდიუსინგი იყო მთავარი.
– რატომ ფიქრობთ, რომ დათო პროდიუსინგს ვერ გაგიკეთებდათ?
– რატომღაც ვფიქრობდი, რომ, დათოს გუნდში უფრო მეტად მეგობრები ჰყავდა, მათ არ გაწირავდა. ჩემი აზრით, არ შეიძლება წინასწარ იცოდე, გუნდში ვინ გეყოლება. მე და დათოს ახლაც კარგი ურთიერთობა გვაქვს. დათოს ბოდიში – არა, მაგრამ ჩემგან დიდი მადლობა ეკუთვნის.
ჩემი მიზანი ამ პროექტში ბოლომდე მისვლა იყო, რასაც დათოს გუნდში ყოფნით ვერ შევძლებდი. ახლაც მგონია, რომ ის პროექტიდან დროზე ადრე გამიშვებდა. დათოც მეუბნება, რეპერტუარში არც მე შეგზღუდავდიო, მაგრამ მე იმხელა სკოლა გავიარე, რომ სიმღერაში ბევრს ვეღარაფერს ვისწავლიდი. სწორი პროდიუსინგი მინდოდა და, ვფიქრობ, რომ გამიმართლა. ზუსტად იქ ვარ, სადაც უნდა ვიყო. თუმცა ახლა პროექტი ძალიან არაპროგნოზირებადი გახდა, რადგან ყველაფერი ესემეს–ებზე იქნება დამოკიდებული. ასე რომ, წინასწარ არაფერი ვიცი.
– სულ ცოტათი მაინც არ ნანობთ, რომ ნინო ჩხეიძის გუნდი აირჩიეთ?
– არჩევანს არ ვნანობ! ძალიან მაგარი გუნდი ვართ. ნინომ თავისი პირდაპირობით, გულწრფელობით და სხვა ბევრი კარგი პიროვნული თვისებით ძალიან შეგვაყვარა თავი. თამამად შემიძლია ვთქვა, რომ დედასავით გვყავს. მიუხედავად იმისა, რომ მის მოვალეობაში ჩვენს იმიჯზე ზრუნვა არ შედიოდა, ამას მაინც აკეთებს და თანაც თავისი ფინანსებით. ნინო რომ შემოგვხედავს, იცის, რა გვჭირდება. მაგალითად, მე თმა დამიგრძელა. თუმცა ისიც შეიძლება, ადამიანი ზედ გყვებოდეს, მაგრამ ისეთი "სტერვა" იყოს, ყველაფრის სურვილი დაგაკარგვინოს. ნინოს პიროვნებამ გამაოცა. კახელი ვარ და პირფერობას ვერ დავიწყებ, მაგრამ მან ჩემს მოლოდინს გადააჭარბა. სიმღერაშიც დიდ თავისუფლებას გვაძლევს. სხვა გუნდებში, არ ვიცი, რა ხდება, მაგრამ ჩვენ ვმღერით იმას, რაც გვინდა.
– კონკურენცია რამდენად დიდია?
– მთლიანად პროექტშიც და ჩვენს გუნდშიც დიდი კონკურენციაა. თავდაჯერებულად ვერ ვიტყვი, რომ მე გავიმარჯვებ. ამ პროექტმა შემშალა! ძალიან მაგარი მონაწილეები არიან! არ ვიცი, ეს ბავშვები აქამდე სად იყვნენ, რას აკეთებდნენ. შოკირებული ვარ! თითო გუნდში ჩემი ფავორიტი მყავს, მაგრამ ჩემს გუნდში ირინა ბაირამაშვილს ვგულშემატკივრობ! კონკურსანტები სულ ერთმანეთთან მისვლა–მოსვლაში ვართ, ყოველ შემთხვევაში, ჩვენს გუნდში ასეა. საგარეჯოდან მიწევს სიარული და კარავს ხან სად დავცემ და ხან – სად. ამას წინათ ორი კვირით ჯამბურიებს ჩავუსახლდი (თიკა ჯამბურია. ავტ.).
– ახლობლებმა რა გითხრეს, როცა თქვით, რომ კიდევ ერთ კონკურსზე აპირებდით გასვლას?
– ბიძაჩემმა კახურად მითხრა, ახლა სულ ფრანციცულად იმღერებ და მე რას გავიგებო. ინგლისური არ ვიცი და მეტყობა კიდეც. ჩემს ვიდეოებზე კომენტარებს წერენ, შე უბედურო, ჯერ ინგლისური ისწავლე და ინგლისურად მერე იმღერეო. კახური ინგლისური ვიცი, მაგრამ სამაგიეროდ ისეთი აქცენტი მაქვს, რომ მსმენელს მაინც "ვაბოლებ". ბევრისგან მსმენია, პედაგოგი არ მყოლიაო. მე კი ამას ვერ უარვყოფ. ჩემი პედაგოგი რობერტ ბარძიმაშვილი იყო და დღემდე ძალიან მეხმარება ნანა გოგიშვილი. მომღერალს პედაგოგი სიკვდილამდე სჭირდება, მაგრამ, თუ რაღაც არ გამიჭირდა, მასწავლებელთან არ მივდივარ.
– თქვენს პირად ცხოვრებაში ცვლილებები არ მომხდარა?
– მნიშვნელოვანი არაფერი ხდება. შეყვარებული მყავდა, მაგრამ ახლა ერთად აღარ ვართ. მე ვარ ადამიანი, რომელიც რაღაცეებით არ ითრგუნება. ვიმღერებ და კარგ ხასიათზე ვდგები. ვატყობ, როცა კარიერაში წინსვლა მაქვს, პირადში რაღაცეები მერევა. ადამიანის შეყვარება ერთ დღეში შემიძლია, მაგრამ სიყვარულის დასრულებით ტრაგედიას არასდროს ვქმნი.
სოფიო ბოჭორიძე
