ევროპაში 2012 წლის საუკეთესო ავტომობილები დაასახელეს
1 920 ნახვა
აღწერა : ჰიბრიდული ავტომობილი Opel Ampera ევროპული კონკურსი Car of the Year 2012-ის გამარჯვებული გახდა. წლის საუკეთესო ავტომობილის წოდება მან Chevrolet Volt-ს გაუზიარა. შეფასების სახით, ორივემ თანაბარი - 330 ქულა მიიღო. კონკურსში 35 უახლესი ავტომობილი მონაწილეობდა. 59 ჟურნალისტისგან შემდგარმა ჟიურიმ ელექტრონულ ძრავიან ავტომობილებს მიანიჭა უპირატესობა. წლის საუკეთესო ავტომობილის შერჩევისას ჟიურის წევრები არამარტო ტექნოლოგიურ მახასითებლებს, დიზაინს და კომფორტულობას ითვალისწინებდნენ, არამედ - საწვავის ეკონომიურ მოხმარებასაც. ავტომობილების ევროპულ კონკურსზე მეორე ადგილი 281 ქულით Ford Focus-მა დაიკავა, VW Up-ს კი, 256 ქულა და მესამე ადგილი ერგო.
