ვისთან აღარ მეგობრობს "კომედი შოუდან" გაშვებული ნიკა გრიგოლია
3 537 ნახვა
ნიკა გრიგოლია გადაცემა "კომედი შოუდან" გაუშვეს. შოუმენი გულნატკენია. თვლის, რომ მეგობრები უსამართლოდ მოექცნენ და გული ატკინეს. ჯერ კიდევ რამდენიმე თვის წინ გავრცელდა ხმა, რომ ნიკა გრიგოლიასა და მის თანაგუნდელებს შორის კონფლიქტი არსებობდა. "სარკესთან" საუბარში ნიკა ამბობს, რომ კონფლიქტი – არა, მაგრამ გარკვეული დაძაბულობა ნამდვილად იყო.
ის ბოლო დროს "ფეისბუქზე" გაკეთებული სტატუსის გამოც მოექცა ყურადღების ცენტრში, როცა თავის გვერდზე თავისი მეგობრის, შს სამინისტროს გენინსპექციის ყოფილი უფროსის, თენგიზ გუნავას დაკავების გამო აღშფოთებულმა გინება ატეხა:
"უკვე მართლა გული მერევა! რა ვართ ასეთი ცხვრები ეს დედანატირები?! ხალხო, ადამიანი, რომელიც მთელი ცხოვრება პოლიციაში მუშაობდა და ნარკომანებს იჭერდა (მომხმარებელს, გამსაღებელს და მათ მეწილე "პოლიციელებს"), თურმე ისეთი დებილია, რომ, როცა მისი "შეფი"–მეგობარი დაიჭირეს... წავიდა და ნარკოტიკების შეძენა და მოხმარება დაიწყო, თან ისე, რომ ყოველდღე იმ შენობასთან იდგა, სადაც ბაჩო ახალაია ჰყავდათ... ბოდიში უცენზურობის გამო, მაგრამ, ბრძენო ქართველო ხალხო... ჩვენ შიგ ხომ არ გვაქვს?! მეც ბაჩო ახალაიას და თენგო გუნავას მეგობარი ვარ... დამიჭირეთ, თქვენი დედაც მ...ნ!!!".
ერთი სიტყვით, შოუმენთან სალაპარაკო დაგვიგროვდა და კითხვებზე პასუხების მისაღებად მივმართეთ.
– ნიკა, რატომ გამოგიშვეს "კომედი შოუდან", კონკრეტულ მიზეზად რა დასახელდა?
– ჩემი გათავისუფლება ოპტიმიზაციას უკავშირდება. არ ვიცი, ეს რას ნიშნავს, მაგრამ ასე მითხრეს. საერთოდ, პერიოდულად ასე ხდება ხოლმე, ხან ვარ, ხან აღარ ვარ.
– მარტო თქვენ აღარ ხართ გუნდში?
– სიკოც (ჭუმბურიძე) გამოუშვეს. ისიც ასევე ოპტიმიზირებულია. უბრალოდ მითხრეს, რომ "კომედი შოუში" ვეღარ ვიქნებოდი. ისიც თქვეს, სამომავლოდ შეიძლება ვილაპარაკოთო, მაგრამ არ ვიცი, რაზე შეიძლება ვილაპარაკოთ. რაც ეს გადაცემა არსებობს, სულ იქ ვარ და...
– ვინ შეგატყობინათ გათავისუფლების შესახებ?
– ალეკო მალხაზიშვილმა, რომელიც უშუალო ხელმძღვანელია.
– როგორი რეაქცია გქონდათ ამაზე?
– რამდენიმე თვის წინაც გამიშვეს და უკვე მივეჩვიე. იმდენად გაუგებარი მიზეზი მითხრეს, სიმართლე გითხრათ, ვერც მივხვდი – ამ ეტაპზე "კომედი შოუში" აღარ უნდა იყოო. ადამიანი, რომელიც ხელმძღვანელი და მეგობარია, ამას რომ გეტყვის, მიზეზები აღარც უნდა იკითხო. ჩემი გაშვება მარტო ალეკოს აზრი არ იყო, ალბათ სხვებიც ეთანხმებოდნენ, მაგრამ ვიცი, გუნდში ყველა ასე რომ არ ფიქრობს.
– თქვენი ბოლოდროინდელი სტატუსი ხომ არ გახდა ამის საფუძველი? იქნებ თანაგუნდელები პოლიტიკური პოზიციის დაფიქსირების გამო გაგინაწყენდნენ, რადგან, წესით, იუმორისტული გადაცემა პოლიტიკას უნდა ემიჯნებოდეს.
– პოლიტიკასთან შეხება საერთოდ არ მაქვს და არც იმ ადამიანებს აინტერესებთ პოლიტიკა. თან ვერც გახდებოდა ჩემი სტატუსი ამის საფუძველი, რადგან მის დაწერამდე გამათავისუფლეს. საერთოდ ვერ ვიგებ, ამან პოლიტიკური სახე რატომ მიიღო. ეს სტატუსი იყო მეგობრის მხარდასაჭერი. მე და თქვენ ხომ ვლაპარაკობთ? ახლა სახლში რომ წახვიდეთ და დაგიჭირონ, იგივენაირად ვიტყვი, ნოდია რატომ დაიჭირეთ, ნამდვილად ვიცი, ნარკომანი არ არის–მეთქი. ჩემი აღშფოთება იმან გამოიწვია, რომ თენგო გუნავა ნარკომანი არ არის. ამ ადამიანს ვიცნობ. საერთოდ, ჩემს "ფეისბუქს", სატელევიზიო გამოსვლებს თუ ნახავთ, ეგრევე მიხვდებით, რომ საერთოდ აპოლიტიკური ვარ.
– ჭორი გავრცელდა და, ბუნებრივია, თქვენთან უნდა გადავამოწმო. თურმე გუნდში დაპირისპირება, კონფლიქტი მოგივიდათ და ამიტომაც გამოგიშვეს. მართალია?
– კონფლიქტი არ მოგვსვლია, მაგრამ მცირე დაძაბულობა იყო. ეს რამდენიმე თვის წინ, პირველად რომ გამომიშვეს, მაშინ მოხდა. იმ დროსაც უცნაური ფორმით გამათავისუფლეს. ერთ დღეს ჩვეულებრივად მივედი და მითხრეს, რომ იქ აღარ ვმუშაობდი. ახლა კი მე და სიკოს გამოგვიცხადეს, რომ გაგვიშვეს. არ ვთვლი, რომ სიკო "კომედი შოუში" არ უნდა იყოს.
– რატომ არ ჩაეძიეთ მიზეზებს?
– ამას აზრი არ ჰქონდა. როცა ისეთი ადამიანი გეუბნება, აქ აღარ უნდა იმუშაოო, ვისგანაც არ ელი, უნდა წამოხვიდე. რადგან ასეთი გადაწყვეტილება მიიღო შენმა ხელმძღვანელმა, რომელთანაც მეგობრობდი, აღარ ღირს ლაპარაკი. ალეკო მალხაზიშვილმა მითხრა, რომ ხელფასს ვეღარ გადამიხდიდა. საერთოდ, რაზეც ვილაპარაკეთ, ყველაფერი გაუგებარი იყო ჩემთვის, თუნდაც ის, რომ ანაზღაურებას ვერ მომცემდნენ, რადგან, მართალია, "კომედი შოუში" აღარ ვარ, მაგრამ "რუსთავი 2" ხელფასს მაინც მიხდის.
– რისთვის გიხდიან ხელფასს?
– ამ არხზე ახალ პროექტზე ვმუშაობ სხვა ჯგუფთან, რამდენიმე პროექტის იდეა გვაქვს და იქიდან ერთ–ერთს აუცილებლად განვახორციელებთ.
– რა პროექტები გაქვთ, თუ საიდუმლო არ არის?
– ადვილი და მარტივი პროექტის გაკეთება არ მინდა. თუ იდეას განვახორციელებ, ეს იქნება აბსოლუტურად განსხვავებული გადაცემა ქართულ ტელესივრცეში, თუმცა ამაზე საუბარი ჯერ არ მსურს.
– ვანო ჯავახიშვილთანაც გაგიფუჭდათ ურთიერთობა?
– რასაც კონფლიქტი ჰქვია, ასეთი რამ არ მომხდარა. წერენ, რომ ვანო ჯავახიშვილს ვეჩხუბე. არა, ჩვენ არ გვიჩხუბია. უბრალოდ რაღაცაზე გვქონდა უთანხმოება და ამაზე არ ვილაპარაკებ. ვანო ჯავახიშვილი ჩემი მეგობარი იყო და, როცა სახლი არ მქონდა, მასთან ვცხოვრობდი. იმის მერე ცოტა შეიცვალა ურთიერთობები. ახლაც მაქვს ვანოსთან შეხება, მაგრამ არა ისეთი, როგორც ადრე. სამწუხაროდ, ასე ბევრ მეგობარს ვეღარ ვეკონტაქტები.
– ალბათ ნაწყენი ხართ ყოფილ თანაგუნდელებზე.
– ძალიან ნაწყენი ვარ. ჰკითხონ ნებისმიერ ადამიანს, უნდა ვიყო თუ არა "კომედი შოუში". თუნდაც ხელფასის გამო არ უნდა გავეთავისუფლებინე მაშინ, როცა ჩემი მეგობრები რჩებიან იქ. მათ მსგავსად, ჩემთვისაც შეემცირებინათ ხელფასი. შემიძლია საერთოდ ანაზღაურების გარეშე ვიმუშაო "კომედი შოუში", რადგან "რუსთავი 2" ისედაც მიხდის ხელფასს. არავის უკითხავს, ხელფასის გარეშე ვიმუშავებდი თუ არა, ამიტომაც მგონია, რომ ეს მიზეზი სისულელეა.
– ძველი გუნდი თითქმის დაიშალა. როგორ ფიქრობთ, ამით "კომედი შოუმ" ბევრი დაკარგა?
– დღემდე ვთვლი, რომ "კომედი შოუში" უნდა ყოფილიყვნენ ამიკო (ჩოხარაძე), თემო (მჟავია) და ფაქო (ლევან გოგორელიანი), რომლებიც სხვა არხზე გადავიდნენ და ვიცი, კარგ რაღაცეებს გააკეთებენ. თავად კი გამოთქვეს ჩვენგან წასვლის სურვილი, მაგრამ ეს სურვილი რაღაცამ ხომ გაუჩინათ? ადამიანს, რომელიც სამსახურში რაღაც სისულელეების გამო თავს კარგად ვერ გრძნობს, სხვაგან წასვლის სურვილი უჩნდება.
– თქვენი გათავისუფლების მიზეზი ისიც ხომ არ იყო, რომ ამიკოს და ფაქოს იცავდით?
– მათ კი არა, საკუთარ თავს ვიცავდი და სხვებსაც. სამწუხაროდ, დღეს ამიკოსთან და ფაქოსთან აღარ მაქვს ურთიერთობა. ალბათ იმიტომ, რომ ისინი სხვა მხარეს არიან, მე – სხვა მხარეს. ვმეგობრობთ, მაგრამ ისე აღარ, როგორც ადრე. რაც შეეხება თემო მჟავიას, მასთან ამ ინტერვიუს დასრულების შემდეგ მივდივარ, თითქმის ყოველდღე ვნახულობ.
– თემო რამდენიმე თვის წინ მოტოციკლეტით ავარიაში მოყვა და მძიმედ დაშავდა. ახლა როგორ არის?
– ნელ–ნელა კარგად ხდება. მალე ახალ მოტოციკლეტებს ვიყიდით და ისევ ერთად ვივლით.
– თქვენს ოჯახში რა ხდება, ახალ წევრს ხომ არ ელოდებით?
– ჩემს ოჯახში ყველაფერი კარგად არის. ბავშვზე ჯერ არ ვფიქრობთ, გვინდა, ცოტა ხანი "ვიგულაოთ". მერე ბავშვიც გვეყოლება აუცილებლად. ახლა ცხოვრებაში ისეთი პერიოდი მაქვს, რომ გულწრფელად გეუბნებით, ასეთი ბედნიერი არასდროს ვყოფილვარ. ძალიან მაგრად ვარ. უამრავი შემოთავაზება მაქვს სხვადასხვა არხიდან და არასატელევიზიო სფეროდანაც. ქართულ კინოთეატრებთან ვთანამშრომლობ. საახალწლო კომედიაში მიღებენ, სადაც ჩემი მეწყვილე რუსკა მაყაშვილია. ერთ–ერთი მთავარი როლი მაქვს. მოკლედ, დაკავებული, საქმიანი და ბედნიერი ვარ.
მანანა ნოდია
ის ბოლო დროს "ფეისბუქზე" გაკეთებული სტატუსის გამოც მოექცა ყურადღების ცენტრში, როცა თავის გვერდზე თავისი მეგობრის, შს სამინისტროს გენინსპექციის ყოფილი უფროსის, თენგიზ გუნავას დაკავების გამო აღშფოთებულმა გინება ატეხა:
"უკვე მართლა გული მერევა! რა ვართ ასეთი ცხვრები ეს დედანატირები?! ხალხო, ადამიანი, რომელიც მთელი ცხოვრება პოლიციაში მუშაობდა და ნარკომანებს იჭერდა (მომხმარებელს, გამსაღებელს და მათ მეწილე "პოლიციელებს"), თურმე ისეთი დებილია, რომ, როცა მისი "შეფი"–მეგობარი დაიჭირეს... წავიდა და ნარკოტიკების შეძენა და მოხმარება დაიწყო, თან ისე, რომ ყოველდღე იმ შენობასთან იდგა, სადაც ბაჩო ახალაია ჰყავდათ... ბოდიში უცენზურობის გამო, მაგრამ, ბრძენო ქართველო ხალხო... ჩვენ შიგ ხომ არ გვაქვს?! მეც ბაჩო ახალაიას და თენგო გუნავას მეგობარი ვარ... დამიჭირეთ, თქვენი დედაც მ...ნ!!!".
ერთი სიტყვით, შოუმენთან სალაპარაკო დაგვიგროვდა და კითხვებზე პასუხების მისაღებად მივმართეთ.
– ნიკა, რატომ გამოგიშვეს "კომედი შოუდან", კონკრეტულ მიზეზად რა დასახელდა?
– ჩემი გათავისუფლება ოპტიმიზაციას უკავშირდება. არ ვიცი, ეს რას ნიშნავს, მაგრამ ასე მითხრეს. საერთოდ, პერიოდულად ასე ხდება ხოლმე, ხან ვარ, ხან აღარ ვარ.
– მარტო თქვენ აღარ ხართ გუნდში?
– სიკოც (ჭუმბურიძე) გამოუშვეს. ისიც ასევე ოპტიმიზირებულია. უბრალოდ მითხრეს, რომ "კომედი შოუში" ვეღარ ვიქნებოდი. ისიც თქვეს, სამომავლოდ შეიძლება ვილაპარაკოთო, მაგრამ არ ვიცი, რაზე შეიძლება ვილაპარაკოთ. რაც ეს გადაცემა არსებობს, სულ იქ ვარ და...
– ვინ შეგატყობინათ გათავისუფლების შესახებ?
– ალეკო მალხაზიშვილმა, რომელიც უშუალო ხელმძღვანელია.
– როგორი რეაქცია გქონდათ ამაზე?
– რამდენიმე თვის წინაც გამიშვეს და უკვე მივეჩვიე. იმდენად გაუგებარი მიზეზი მითხრეს, სიმართლე გითხრათ, ვერც მივხვდი – ამ ეტაპზე "კომედი შოუში" აღარ უნდა იყოო. ადამიანი, რომელიც ხელმძღვანელი და მეგობარია, ამას რომ გეტყვის, მიზეზები აღარც უნდა იკითხო. ჩემი გაშვება მარტო ალეკოს აზრი არ იყო, ალბათ სხვებიც ეთანხმებოდნენ, მაგრამ ვიცი, გუნდში ყველა ასე რომ არ ფიქრობს.
– თქვენი ბოლოდროინდელი სტატუსი ხომ არ გახდა ამის საფუძველი? იქნებ თანაგუნდელები პოლიტიკური პოზიციის დაფიქსირების გამო გაგინაწყენდნენ, რადგან, წესით, იუმორისტული გადაცემა პოლიტიკას უნდა ემიჯნებოდეს.
– პოლიტიკასთან შეხება საერთოდ არ მაქვს და არც იმ ადამიანებს აინტერესებთ პოლიტიკა. თან ვერც გახდებოდა ჩემი სტატუსი ამის საფუძველი, რადგან მის დაწერამდე გამათავისუფლეს. საერთოდ ვერ ვიგებ, ამან პოლიტიკური სახე რატომ მიიღო. ეს სტატუსი იყო მეგობრის მხარდასაჭერი. მე და თქვენ ხომ ვლაპარაკობთ? ახლა სახლში რომ წახვიდეთ და დაგიჭირონ, იგივენაირად ვიტყვი, ნოდია რატომ დაიჭირეთ, ნამდვილად ვიცი, ნარკომანი არ არის–მეთქი. ჩემი აღშფოთება იმან გამოიწვია, რომ თენგო გუნავა ნარკომანი არ არის. ამ ადამიანს ვიცნობ. საერთოდ, ჩემს "ფეისბუქს", სატელევიზიო გამოსვლებს თუ ნახავთ, ეგრევე მიხვდებით, რომ საერთოდ აპოლიტიკური ვარ.
– ჭორი გავრცელდა და, ბუნებრივია, თქვენთან უნდა გადავამოწმო. თურმე გუნდში დაპირისპირება, კონფლიქტი მოგივიდათ და ამიტომაც გამოგიშვეს. მართალია?
– კონფლიქტი არ მოგვსვლია, მაგრამ მცირე დაძაბულობა იყო. ეს რამდენიმე თვის წინ, პირველად რომ გამომიშვეს, მაშინ მოხდა. იმ დროსაც უცნაური ფორმით გამათავისუფლეს. ერთ დღეს ჩვეულებრივად მივედი და მითხრეს, რომ იქ აღარ ვმუშაობდი. ახლა კი მე და სიკოს გამოგვიცხადეს, რომ გაგვიშვეს. არ ვთვლი, რომ სიკო "კომედი შოუში" არ უნდა იყოს.
– რატომ არ ჩაეძიეთ მიზეზებს?
– ამას აზრი არ ჰქონდა. როცა ისეთი ადამიანი გეუბნება, აქ აღარ უნდა იმუშაოო, ვისგანაც არ ელი, უნდა წამოხვიდე. რადგან ასეთი გადაწყვეტილება მიიღო შენმა ხელმძღვანელმა, რომელთანაც მეგობრობდი, აღარ ღირს ლაპარაკი. ალეკო მალხაზიშვილმა მითხრა, რომ ხელფასს ვეღარ გადამიხდიდა. საერთოდ, რაზეც ვილაპარაკეთ, ყველაფერი გაუგებარი იყო ჩემთვის, თუნდაც ის, რომ ანაზღაურებას ვერ მომცემდნენ, რადგან, მართალია, "კომედი შოუში" აღარ ვარ, მაგრამ "რუსთავი 2" ხელფასს მაინც მიხდის.
– რისთვის გიხდიან ხელფასს?
– ამ არხზე ახალ პროექტზე ვმუშაობ სხვა ჯგუფთან, რამდენიმე პროექტის იდეა გვაქვს და იქიდან ერთ–ერთს აუცილებლად განვახორციელებთ.
– რა პროექტები გაქვთ, თუ საიდუმლო არ არის?
– ადვილი და მარტივი პროექტის გაკეთება არ მინდა. თუ იდეას განვახორციელებ, ეს იქნება აბსოლუტურად განსხვავებული გადაცემა ქართულ ტელესივრცეში, თუმცა ამაზე საუბარი ჯერ არ მსურს.
– ვანო ჯავახიშვილთანაც გაგიფუჭდათ ურთიერთობა?
– რასაც კონფლიქტი ჰქვია, ასეთი რამ არ მომხდარა. წერენ, რომ ვანო ჯავახიშვილს ვეჩხუბე. არა, ჩვენ არ გვიჩხუბია. უბრალოდ რაღაცაზე გვქონდა უთანხმოება და ამაზე არ ვილაპარაკებ. ვანო ჯავახიშვილი ჩემი მეგობარი იყო და, როცა სახლი არ მქონდა, მასთან ვცხოვრობდი. იმის მერე ცოტა შეიცვალა ურთიერთობები. ახლაც მაქვს ვანოსთან შეხება, მაგრამ არა ისეთი, როგორც ადრე. სამწუხაროდ, ასე ბევრ მეგობარს ვეღარ ვეკონტაქტები.
– ალბათ ნაწყენი ხართ ყოფილ თანაგუნდელებზე.
– ძალიან ნაწყენი ვარ. ჰკითხონ ნებისმიერ ადამიანს, უნდა ვიყო თუ არა "კომედი შოუში". თუნდაც ხელფასის გამო არ უნდა გავეთავისუფლებინე მაშინ, როცა ჩემი მეგობრები რჩებიან იქ. მათ მსგავსად, ჩემთვისაც შეემცირებინათ ხელფასი. შემიძლია საერთოდ ანაზღაურების გარეშე ვიმუშაო "კომედი შოუში", რადგან "რუსთავი 2" ისედაც მიხდის ხელფასს. არავის უკითხავს, ხელფასის გარეშე ვიმუშავებდი თუ არა, ამიტომაც მგონია, რომ ეს მიზეზი სისულელეა.
– ძველი გუნდი თითქმის დაიშალა. როგორ ფიქრობთ, ამით "კომედი შოუმ" ბევრი დაკარგა?
– დღემდე ვთვლი, რომ "კომედი შოუში" უნდა ყოფილიყვნენ ამიკო (ჩოხარაძე), თემო (მჟავია) და ფაქო (ლევან გოგორელიანი), რომლებიც სხვა არხზე გადავიდნენ და ვიცი, კარგ რაღაცეებს გააკეთებენ. თავად კი გამოთქვეს ჩვენგან წასვლის სურვილი, მაგრამ ეს სურვილი რაღაცამ ხომ გაუჩინათ? ადამიანს, რომელიც სამსახურში რაღაც სისულელეების გამო თავს კარგად ვერ გრძნობს, სხვაგან წასვლის სურვილი უჩნდება.
– თქვენი გათავისუფლების მიზეზი ისიც ხომ არ იყო, რომ ამიკოს და ფაქოს იცავდით?
– მათ კი არა, საკუთარ თავს ვიცავდი და სხვებსაც. სამწუხაროდ, დღეს ამიკოსთან და ფაქოსთან აღარ მაქვს ურთიერთობა. ალბათ იმიტომ, რომ ისინი სხვა მხარეს არიან, მე – სხვა მხარეს. ვმეგობრობთ, მაგრამ ისე აღარ, როგორც ადრე. რაც შეეხება თემო მჟავიას, მასთან ამ ინტერვიუს დასრულების შემდეგ მივდივარ, თითქმის ყოველდღე ვნახულობ.
– თემო რამდენიმე თვის წინ მოტოციკლეტით ავარიაში მოყვა და მძიმედ დაშავდა. ახლა როგორ არის?
– ნელ–ნელა კარგად ხდება. მალე ახალ მოტოციკლეტებს ვიყიდით და ისევ ერთად ვივლით.
– თქვენს ოჯახში რა ხდება, ახალ წევრს ხომ არ ელოდებით?
– ჩემს ოჯახში ყველაფერი კარგად არის. ბავშვზე ჯერ არ ვფიქრობთ, გვინდა, ცოტა ხანი "ვიგულაოთ". მერე ბავშვიც გვეყოლება აუცილებლად. ახლა ცხოვრებაში ისეთი პერიოდი მაქვს, რომ გულწრფელად გეუბნებით, ასეთი ბედნიერი არასდროს ვყოფილვარ. ძალიან მაგრად ვარ. უამრავი შემოთავაზება მაქვს სხვადასხვა არხიდან და არასატელევიზიო სფეროდანაც. ქართულ კინოთეატრებთან ვთანამშრომლობ. საახალწლო კომედიაში მიღებენ, სადაც ჩემი მეწყვილე რუსკა მაყაშვილია. ერთ–ერთი მთავარი როლი მაქვს. მოკლედ, დაკავებული, საქმიანი და ბედნიერი ვარ.
მანანა ნოდია
