ბულგარეთი ჟერარ დეპარდიეს გადაბირებას მეძავებით ცდილობს

მას შემდეგ, რაც ფრანგმა მსახიობმა ჟერარ დეპარდიემ საფრანგეთის მოქალაქეობაზე უარი განაცხადა, ბულგარეთმა ვარსკვლავს მოქალაქეობა უჩვეულო ფორმით შესთავაზა.

"ბულგარეთში კურორტები, იაფფასიანი ალკოჰოლი და გამოცდილი მეძავები გვყავს", - თავს იწონებენ ბულგარელები. მსგავსი შინაარსის წერილი ვარსკვლავს ბულგარეთის დემოგრაფიული პოლიტიკის ცენტრმა (Bulgaria's Demographic Policy Centre) მისწერა.

"ბულგარეთი ჭკვიანი, შრომისმოყვარე და გულთბილი ადამიანებით დასახლებული ულამაზესი ქვეყანაა. ჩვენს ქვეყანაში გარემო და ჰაერი სუფთაა, რადგანაც აქ მრეწველობა კარგად არაა განვითარებული. ყველაზე გამოცდილი მეძავები აქ ცხოვრობენ, გადასახადების გადახდის დროს არჩევანის უფლება გვაქვს", - აცხადებს ცენტრის ხელმძღვანელი ისკრენ ვესელინოვი.

შეგახსენებთ, რომ
მსახიობის ქვეყნიდან წასვლის მიზეზი პრემიერ-მინისტრის, ჟან-მარკ ეროს განცხადებაა, რომელიც პოლიტიკოსმა მსახიობის მისამართით გააკეთა. ერომ დეპარდიეს გადაწყვეტილებას, ბელგიაში გადასახლების თაობაზე "სამარცხვინო საქციელი" უწოდა.