რამდენი უჯდებათ კაცებს ქალების ბედნიერება?

ბედნიერებას, დამეთანხმებით, ყველა სხვადასხვანაირად აღიქვამს და სხვადასხვა დოზით იღებს ყოველდღუურად იმის შესაბამისად, თუ რამდენად დიდი მოთხოვნილებები აქვს მას.ზოგს საყვარელი ადამიანისგან გაღიმება და ჩახუტება ჰყოფნის ბედნიერებისთვის, ზოგისთვის კი ყვავილებით შინ დაბრუნებაა აუცილებელი.ზოგს ყოველდღე რესტორანში, კაფეში ან კლუბში გართობა მიაჩნია აუცილებლად და ამის გარეშე თავს ვერ იგრძნობს ბედნიერად.ზოგს ქმრის დანახვა ხდის ცუდად და ბედნიერი მაშინაა, სანამ ის სახლში დაბრუნდება.შესაბამისად ასეთი ქალების პარტნიორებს სხვადასხვანაირი ფინანსური მდგომარეობა აქვთ და სხვადასხვა ხარჯებიც, ცოლების ბედნიერების სრულყოფისათვის.

ალბათ იოლი მისახვედრია, რომ ბავშვური ხასიათის ქალები უფრო ადვილი გასაბედნიერებელი არიან, ვიდრე სხვა ტიპის ნებისმიერი ქალები.პირველ შემთხვევაში ფერადი ბუშტებითაც რომ მიადგეთ სახლში მეუღლეს, ისე გაახარებთ, მთელი წლის მანძილზე ბედნიერი იქნება, რასაც ვერ ვიტყვით ქალებზე, რომლებსაც გაცილებით მეტი მოთხოვნილებები და პრეტენზიები აქვთ თავიანთ პარტნიორებთან.მაგალითად ითხოვენ ყოველ შაბათ-კვირას დასასვენებლად წასვლას ან მაღაზიებში გასეირნებას, ათასი ფეხსაცმლისა და ტანსაცმლის საყიდლად.არ უნდათ არც ერთი კონცერტის, გამოფენის, ახალი ფილმის პრეზენტაციის და თეატრალური დადგმის ხელიდან გაშვება და ქმრებს ავალდებულებენ, ამ ყველაფრისათვის მისი ფინანსური მხარე უზრუნველყონ.

აშკარად დიდია განსხვავება ქალურ ბედნიერებებს შორის და ალბათ ფულიც, როგორც მინიმალური, ასე უზომოდ ბევრი შეიძლება იხარჯებოდეს ყოველდღიურად, ყოველკვირეულად, ყოველწლიურად, იმისათვის, რომ ქალბატონები იყონ ბედნიერი და მამაკაცებთან არასდროს არ ჰქონდეთ საწუწუნო...მამაკაცისათვის კი ალბათ ქალის წუწუნი იმდენად აუტანელია, ამჯობინებს, მის გასაჩუმებლად ყოველნაირი ღონე იხმაროს, თუმდაც ეს ძალიან ძვირი უჯდებოდეს...