უცნაური დიეტა
2 083 ნახვა
ფერები ჩვენს ცხოვრებაში მნიშვნელოვან როლს ასრულებს. ცნობილია, რომ ფერები ადამიანის ემოციებსა და გუნება–განწყობილებაზე გარკვეული სახით ზემოქმედებს.
ზოგიერთი ფერი ასტიმულირებს მადას, ზოგი კი პირიქით, გულგრილს ხდის საუკეთესო კერძის მიმართ. საკვების მიღების დროსაც თუ შეეცდებით მადის ფერებით მანიპულირებას, შედეგებს აუცილებლად მიიღებთ.
თუ გონივრულად შეარჩევთ ფერად საკვებსა და ჭურჭელს, აუცილებლად დაიქვეითებთ საკვებისადმი მოთხოვნილებას და ავტომატურად შეამცირებთ მირთმეული ულუფების რაოდენობას.
თეთრი – ჭურჭლის ყველაზე ტრადიციული და გავრცელებული ფერია, რომელიც არ არის მიზანშეწონილი გახდომის მსურველთათვის. თეთრ ფონზე კერძი ძალზედ კონტრასტულად და მიმზიდველად გამოიყურება, რაც შესაბამისად, მადისაღმძვრელია. ასე კერძის ერთი ნამცეცის დატოვებასაც არ მოისურვებთ.
ვარდისფერი, კრემისფერი და ნარინჯისფერი ჭურჭელი კატეგორიულად გამორიცხულია დიეტების მიმდევრებისთვის. თქვენ არა მარტო გაათავებთ კერძს, კიდევ რამდენჯერმე დაიმატებთ ულუფას.
ყვითელი – თეფშიც, ზოგადი მახასიათებლებით, თეთრისგან არ განსხვავდება, თუმცა მას აქვს ერთი და საგულისხმო მომგებიანი მხარე: მადას აღძრავს, მაგრამ დანაყრების შეგრძნება უფრო ადრე მოდის, რაც მეორე კერძის მირთმევის სურვილს გიკარგავთ.
წითელი – წითელწინწკლებიანი და ნახატებიანი თეფშები დაივიწყეთ. ეს ვნებით აღსავსე ფერი აღგაგზნებთ და, რა თქმა უნდა, უფრო გიმძაფრებთ კერძის ბოლომდე შეჭმის სურვილს. თქვენ ეცდებით სწრაფად, თითქმის დაუღეჭავად გაათავოთ ულუფა, რაც უარყოფითად აისახება თქვენი კუჭ-ნაწლავის სისტემაზე.
ასეთ მინი-სტრესის პირობებში ადამიანი ვერ აკონტროლებს შიმშილის შეგრძნებას და გაუთავებლად მიირთმევს. ამიტომ, გაწუხებთ თუ არა ზედმეტი კილოგრამები, წითელს არ გირჩევთ.
ცისფერი – სასარგებლოა სალათების მისართმევად, ხოლო აკორდული ჩაის დასაყოლებლად მავნებელიც კია - არა ორგანიზმისთვის, არამედ განწყობისთვის. ცისფერი პესიმისტური ფერია. ცისფერ ფინჯანში ჩაის მირთმევა დაუკმაყოფილებლობის გრძნობას შეგძენთ და კიდევ მიაშურებთ მაცივარს განწყობის გასაუმჯობესებლად.
შავი – თაროზე ასეთი ფერის ჭურჭელი ეფექტურია, თუმცა, მასზე მოთავსებული კერძი, განსაკუთრებით, ხორცისგან დამზადებული, არცთუ ისე მადისაღმძვრელად გამოიყურება… თუ წონის პრობლემა გაქვთ, შეიძინეთ კვადრატული აზიური სტილის შავი სადილის თეფშები და მასზე მიირთვით.
იასამნისფერსა და ლურჯთან დაკავშირებითაც იგივე შემიძლია გირჩიოთ.
ყავისფერში გარდამავალი მუქი მწვანე და ნაცრისფერი, ასე ვთქვათ, ყველაზე უგემური ფერია. ასეთი ფერის თეფშზე კერძი უღიმღამოდ და უგემურად გამოიყურება და საერთოდ გეკარგებათ მისი მირთმევის კი არა, გასინჯვის სურვილიც.
ნუ დაგავიწყდებათ, რომ გახდომა კომპლექსურ მიდგომას საჭიროებს. ამიტომ მხოლოდ სწორად შერჩეული ჭურჭელი ვერ შეგცვლით, მაგრამ მოგეხმარებათ საჭირო კვებითი ჩვევების გამომუშავებაში.
ინა ნერგაძე
ჟურნალი "და ქალი"
(აგვისტოს ნომერი)
ზოგიერთი ფერი ასტიმულირებს მადას, ზოგი კი პირიქით, გულგრილს ხდის საუკეთესო კერძის მიმართ. საკვების მიღების დროსაც თუ შეეცდებით მადის ფერებით მანიპულირებას, შედეგებს აუცილებლად მიიღებთ.
თუ გონივრულად შეარჩევთ ფერად საკვებსა და ჭურჭელს, აუცილებლად დაიქვეითებთ საკვებისადმი მოთხოვნილებას და ავტომატურად შეამცირებთ მირთმეული ულუფების რაოდენობას.
თეთრი – ჭურჭლის ყველაზე ტრადიციული და გავრცელებული ფერია, რომელიც არ არის მიზანშეწონილი გახდომის მსურველთათვის. თეთრ ფონზე კერძი ძალზედ კონტრასტულად და მიმზიდველად გამოიყურება, რაც შესაბამისად, მადისაღმძვრელია. ასე კერძის ერთი ნამცეცის დატოვებასაც არ მოისურვებთ.
ვარდისფერი, კრემისფერი და ნარინჯისფერი ჭურჭელი კატეგორიულად გამორიცხულია დიეტების მიმდევრებისთვის. თქვენ არა მარტო გაათავებთ კერძს, კიდევ რამდენჯერმე დაიმატებთ ულუფას.
ყვითელი – თეფშიც, ზოგადი მახასიათებლებით, თეთრისგან არ განსხვავდება, თუმცა მას აქვს ერთი და საგულისხმო მომგებიანი მხარე: მადას აღძრავს, მაგრამ დანაყრების შეგრძნება უფრო ადრე მოდის, რაც მეორე კერძის მირთმევის სურვილს გიკარგავთ.
წითელი – წითელწინწკლებიანი და ნახატებიანი თეფშები დაივიწყეთ. ეს ვნებით აღსავსე ფერი აღგაგზნებთ და, რა თქმა უნდა, უფრო გიმძაფრებთ კერძის ბოლომდე შეჭმის სურვილს. თქვენ ეცდებით სწრაფად, თითქმის დაუღეჭავად გაათავოთ ულუფა, რაც უარყოფითად აისახება თქვენი კუჭ-ნაწლავის სისტემაზე.
ასეთ მინი-სტრესის პირობებში ადამიანი ვერ აკონტროლებს შიმშილის შეგრძნებას და გაუთავებლად მიირთმევს. ამიტომ, გაწუხებთ თუ არა ზედმეტი კილოგრამები, წითელს არ გირჩევთ.
ცისფერი – სასარგებლოა სალათების მისართმევად, ხოლო აკორდული ჩაის დასაყოლებლად მავნებელიც კია - არა ორგანიზმისთვის, არამედ განწყობისთვის. ცისფერი პესიმისტური ფერია. ცისფერ ფინჯანში ჩაის მირთმევა დაუკმაყოფილებლობის გრძნობას შეგძენთ და კიდევ მიაშურებთ მაცივარს განწყობის გასაუმჯობესებლად.
შავი – თაროზე ასეთი ფერის ჭურჭელი ეფექტურია, თუმცა, მასზე მოთავსებული კერძი, განსაკუთრებით, ხორცისგან დამზადებული, არცთუ ისე მადისაღმძვრელად გამოიყურება… თუ წონის პრობლემა გაქვთ, შეიძინეთ კვადრატული აზიური სტილის შავი სადილის თეფშები და მასზე მიირთვით.
იასამნისფერსა და ლურჯთან დაკავშირებითაც იგივე შემიძლია გირჩიოთ.
ყავისფერში გარდამავალი მუქი მწვანე და ნაცრისფერი, ასე ვთქვათ, ყველაზე უგემური ფერია. ასეთი ფერის თეფშზე კერძი უღიმღამოდ და უგემურად გამოიყურება და საერთოდ გეკარგებათ მისი მირთმევის კი არა, გასინჯვის სურვილიც.
ნუ დაგავიწყდებათ, რომ გახდომა კომპლექსურ მიდგომას საჭიროებს. ამიტომ მხოლოდ სწორად შერჩეული ჭურჭელი ვერ შეგცვლით, მაგრამ მოგეხმარებათ საჭირო კვებითი ჩვევების გამომუშავებაში.
ინა ნერგაძე
ჟურნალი "და ქალი"
(აგვისტოს ნომერი)
