ნინო იოსელიანი: "დიდი დრო დამჭირდა, რომ საკუთარი სტილი მეპოვა"
2 607 ნახვა
თბილისში ერთ–ერთი ცნობილი მოდურად ჩამცმელი, ნინო იოსელიანი, წლების განმავლობაში საფრანგეთში ცხოვრობდა. გათხოვების შემდეგ კი ესპანეთში, ბარსელონაში გადავიდა. ორივე ქვეყანამ მის ჩაცმის სტილზე გარკვეული ზეგავლენა მოახდინა. პარიზში თუ უფრო კლასიკურ სტილს ანიჭებდა უპირატესობას, ბარსელონაში ძირითადად სამხრეთის საზღვაო ქალაქისთვის დამახასიათებელი ჩაცმულობა შეიყვარა. იცვამს თამამად და ლამაზად, მაგრამ სანამ საკუთარ სტილს იპოვიდა, ძიების ეტაპი გამოიარა. პირველი ექსპერიმენტი 13 წლისამ მოსინჯა, როცა ჯინსი საკუთარი ხელით დახია და ისე ჩაიცვა.
– ნინო, მოდით, გაავლეთ პარალელები თქვენს ფრანგულ და ესპანურ სტილებს შორის.
– საფრანგეთში რამდენიმე წელი ვცხოვრობდი და იქ უფრო კლასიკურ სტილს ვანიჭებდი უპირატესობას. ესპანეთში ზღვისპირა ქალაქში ვცხოვრობ და საქართველოსთან და საფრანგეთთან შედარებით იქ სულ სხვანაირი კლიმატია. ამიტომ ახლა ჩემი გარდერობი მთლად განსხვავებულია. ბარსელონაში წლიური საშუალო ტემპერატურა 17 გრადუსია. ზამთარი თბილია, ამიტომ უფრო ზაფხულის და ზღვის ტანსაცმელი მაქვს.
– და შესაბამისად ალბათ უფრო მხიარული ფერებისგანაც შედგება თქვენი გარდერობი.
– რა თქმა უნდა. მოდის სფეროში აქტიურად ვარ ჩართული, ვიცი, როდის რა ფერებია აქტუალური და ამის გათვალისწინებით ვირჩევ სამოსს. არ არსებობს ფერი, რომელსაც ვერ ჩავიცვამ, აბსოლუტურად ყველა მომწონს და მეტნაკლებად ვიხდენ.
– თქვენს ჩაცმულობაზე განწყობა რამდენად აისახება?
– რა თქმა უნდა, ჩაცმის სტილი შენს შინაგან განწყობას გამოხატავს. მეც ხშირად ხასიათის მიხედვით ვიცვამ. ნაკლებად გაბედული ადამიანები უპირატესობას სისადავეს ანიჭებენ, ექსპერიმენტების მოყვარულები კი მკვეთრ ფერებს არჩევენ. თუ დაკვირვებული თვალი გაქვს და მოდის გესმის, მიხვდები, დიზაინერი შინაგანად როგორი ადამიანია.
ძალიან მიყვარს კრეატიული ადამიანები. მათ კოლექციაში ჩანს დიდი შრომა, ფიქრი, საინტერესო დეტალებს იყენებენ. სამოსი ჩემთვის რაღაცას უნდა ნიშნავდეს.
– ყველაზე მეტ ყურადღებას რას აქცევთ?
– ჩემთვის ხარისხია ყველაზე მნიშვნელოვანი. ძალიან მომწონს რიკ ოვენსი და მისი სამოსის ფორმები. ჩემთვის მისი კოლექცია ყოველთვის ძალიან აქტუალურია. ძირითადად მაინც ამერიკელი და იტალიელი დიზაინერების სამოსია ჩემს გარდერობში.
– ქართველი დიზაინერების ნამუშევრები თქვენს გარდერობში არ არის?
– საქართველოში წელიწადნახევარია აღარ ვყოფილვარ. თამუნა ინგოროყვა ჩემი ძალიან ახლო მეგობარია, ამიტომ ძირითადად მის სამოსს ვხმარობ. მიყვარს მისი სტილი და შემოქმედება. ქართველი დიზაინერებიდან ყველაზე მეტი სწორედ თამუნას სამოსი მაქვს. ბარსელონაში, ჩემს რესტორანში, როცა პრეზენტაცია ან ივენთი მაქვს, სწორედ თამუნას საღამოს კაბები მაცვია. ძირითადად აბრეშუმს, ნატურალურ ქსოვილებს და სვაროვსკის თვლებს იყენებს. იქ ყოველთვის მეკითხებიან, სად ვყიდულობ კაბებს და რომელი ბრენდია.
– ალბათ ტანსაცმლის ძალიან დიდი კარადა გაქვთ.
– დიდი ზომის არის, მაგრამ აქ ჩემი გარდერობის ძალიან მცირე ნაწილი მაქვს წამოღებული, რადგან მხოლოდ 2 კვირით ჩამოვედი.
– განსაკუთრებულად საყვარელი სამოსიც გექნებათ.
– მიყვარს ტყავის ქურთუკები და ბეწვეული. ვგიჟდები ბეწვის ჟილეტებზე. მიყვარს ჯინსებიც. ამერიკული ჯინსების ბრენდები განსაკუთრებით მომწონს, რატომღაც ძალიან ვიხდენ.
– სახლშიც ისეთივე მოწესრიგებული ხართ, როგორც გარეთ?
– ყოველთვის ვცდილობ, სახლშიც მოწესრიგებული ვიყო და ფორმაში მქონდეს თმა, სახის კანი, ფრჩხილები... ჩემთვის თავის მოვლა ძალიან აქტუალურია და ნებისმიერ დროს მზად ვარ, სახლში სტუმრებს მოწესრიგებული დავხვდე.
– რა დროს უთმობთ თავის მოვლას?
– ყოველდღე ან მასაჟი მაქვს დაგეგმილი, ან სავარჯიშოდ დავდივარ ქალთა ცენტრში. დღეში 2 საათს მაინც საკუთარ თავს ვუთმობ. ყველა ქალმა უნდა დაუთმოს დღის გარკვეული პერიოდი მხოლოდ საკუთარ თავს. როცა ფორმაში ვარ, თვითონ ვგრძნობ თავს კარგად და ყოველთვის კარგ განწყობაზე ვარ. რა სჯობს, როდესაც სარკეში იხედები და საკუთარი თავი მოგწონს?!
– ყოველდღე მაღალ ქუსლებზე დგახართ?
– მაღალი ქუსლები ძალიან მიყვარს, განსაკუთრებით პლატფორმებს ვხმარობ, რადგან უფრო მოხერხებულია. წვრილქუსლიანი ფეხსაცმლით კი ხშირად ვერ დავდივარ. ბარსელონაში ძირითადად "შლოპანცებით" და დახეული ჯინსის შორტებით მიწევს სიარული.
– როგორ აქსესუარებს იყენებთ?
– ქალისთვის აქსესუარები ძალიან მნიშვნელოვანია. ბიჟუტერია უკვე საინტერესო ტექნოლოგიებით და საკმაოდ მაღალი ხარისხით მზადდება. სადა კაბაზეც რომ გაიკეთო თვლებით მოჭედილი აქსესუარი, ძალიან მდიდრული ჩანს. სამკაულებში უზომოდ და უაზროდ დიდ თანხას არ ვიხდი. საქართველოში არის რამდენიმე მაღაზია, სადაც მაღალი ხარისხის ბიჟუტერიას შეიძენ. ევროპაში განსაკუთრებით უყვართ აქსესუარები.
– საქართველოში ცოტა "ქართულად" ჩაშავებულხართ.
– არა, რატომ? ახლა უბრალოდ ძალიან აქტუალურია შავი ფერი, მაგრამ ყოველთვის გაწყობილი უნდა იყოს თვლებით, რკინის დეტალებით. ამ სეზონის ტენდენციაა ცხოველური პრინტები, ნახატები. ძალიან მიყვარს ეს სტილი და პრინტის ბევრი მაისური და კაბა მაქვს.
– თქვენი ჩაცმის სტილში ქმრის აზრს რამდენად ითვალისწინებთ? მას ყოველთვის ყველაფერი მოსწონს თუ შენიშვნები ან რჩევებიც აქვს თქვენ მიმართ?
– გიორგი იმდენად ენდობა ჩემს გემოვნებას და ისე მოსწონს, რომ დიდად არ ერევა. რაც მაცვია, მასაც იგივე მოსწონს. მისგან განსხვავებით, მე უფრო ვერევი გიორგის ჩაცმის სტილში და რჩევებს ვაძლევ, რა უხდება, რა – არა. თვითონაც კარგი გემოვნება აქვს, მაგრამ ძირითადად მაინც ჩემი რჩევების მიხედვით იცვამს.
– თქვენც, ბევრი ქალის მსგავსად, ფეხსაცმელებსა და ჩანთებში გეხარჯებათ ფულის დიდი ნაწილი?
– ფეხსაცმელი და ჩანთა ყოველთვის უფრო ძვირია და მათში დიდ თანხასაც ვიხდი. ყველაზე მეტ ფულს კი ბეწვეულში ვხარჯავ. ვფიქრობ, რომ სამოსში არავინ უნდა დაინანოს ფული. თუ გემოვნება გაქვს, რაღაცას მაინც მოახერხებ და მცირე თანხითაც შეძლებ, კარგად გამოიყურებოდე.
– ინტერნეტშოპინგს იყენებთ?
– ინტერნეტში მოდის სხვადასხვა ბლოგებია და საინტერესო ინფორმაციებს ვკითხულობ ხოლმე. მიყვარს ამერიკული საიტები. იქ ბევრი ისეთი დიზაინერია, ვისაც ევროპაში არ იცნობენ. ამერიკამ ძალიან საინტერესოდ განავითარა ეკო და ბიოლოგიურად სუფთა ქსოვილების წარმოება. დიზაინერები ეკოლოგიურად სუფთა ქსოვილს იყენებენ და ისეთ ფაბრიკებში კერავენ, სადაც დანადგარები მზის სისტემაზე მუშაობს. იმედი მაქვს, ეს მეთოდი ყველგან დაინერგება.
– ჩაცმულობაში ექსპერიმენტებს მიმართავთ?
– ექსპერიმენტები ადრე, თინეიჯერობის ასაკში უფრო მიყვარდა. სანამ საკუთარ თავს ვიპოვიდი და გავარკვევდი, რა მიხდებოდა და რა – არა, ბევრი რამ მოვსინჯე. წითელი თმაც მქონია და საკმაოდ მოკლედ შეჭრილიც. ძალიან დიდხანს ყვითელ თმას ვატარებდი და მერე ყავისფერზე გადავედი. უკვე დიდი ხანია ამ ვარცხნილობას ვატარებ. დიდი დრო დამჭირდა, რომ საკუთარი სტილი მეპოვა. ალბათ 13 წლის ვიქნებოდი, ჯინსის შარვალი რომ დავხიე და ჩავიცვი. არ მომწონდა სტანდარტული სამოსი, ის, რაც ყველას ეცვა. სულ რაღაც ახალს, საინტერესოს ვეძებდი და ახლაც ასე ვარ. ვფიქრობ, ამ საკითხში გაბედული ვარ, არ არსებობს სტილი თუ ფერი, რომელსაც ერთმანეთთან ვერ შევახამებ. თავდაჯერებული ვარ და არასოდეს ვფიქრობ, ვაიმე, ნეტა სხვები რას იტყვიან. თუ მომწონს, მაცვია! ჩაცმის სტილით ბარსელონაშიც გამოვირჩევი, თუნდაც რაღაც შტრიხით ან დეტალით.
– როცა საქართველოში ჩამოდიხართ, გემოვნებიანად ჩაცმული ხალხი უფრო გხვდებათ თვალში თუ უგემოვნოდ?
– საქართველოში მოდის სხვა სპეციფიკაა. ადრე ამდენი ბრენდის მაღაზია არ იყო, ამიტომ გემოვნებიანი ჩაცმაც პრობლემა იყო. თბილისში ძალიან ბევრი კარგი მაღაზია გახსნილა და ქართველებს უკვე აქვთ საშუალება, ნახონ, რა არის მოდაში. მაღაზიებში ვიყავი და აბსოლუტურად იგივე კოლექციებია, რაც საზღვარგარეთ. ადრე კი, იქ რომ მოდიდან გადადიოდა, აქ მერე შემოჰქონდათ. ასე რომ, ქართველების ჩაცმის სტილი გამოსწორდა და იმედი მაქვს, უფრო დაიხვეწება.
ქეთი დინოშვილი
– ნინო, მოდით, გაავლეთ პარალელები თქვენს ფრანგულ და ესპანურ სტილებს შორის.
– საფრანგეთში რამდენიმე წელი ვცხოვრობდი და იქ უფრო კლასიკურ სტილს ვანიჭებდი უპირატესობას. ესპანეთში ზღვისპირა ქალაქში ვცხოვრობ და საქართველოსთან და საფრანგეთთან შედარებით იქ სულ სხვანაირი კლიმატია. ამიტომ ახლა ჩემი გარდერობი მთლად განსხვავებულია. ბარსელონაში წლიური საშუალო ტემპერატურა 17 გრადუსია. ზამთარი თბილია, ამიტომ უფრო ზაფხულის და ზღვის ტანსაცმელი მაქვს.
– და შესაბამისად ალბათ უფრო მხიარული ფერებისგანაც შედგება თქვენი გარდერობი.
– რა თქმა უნდა. მოდის სფეროში აქტიურად ვარ ჩართული, ვიცი, როდის რა ფერებია აქტუალური და ამის გათვალისწინებით ვირჩევ სამოსს. არ არსებობს ფერი, რომელსაც ვერ ჩავიცვამ, აბსოლუტურად ყველა მომწონს და მეტნაკლებად ვიხდენ.
– თქვენს ჩაცმულობაზე განწყობა რამდენად აისახება?
– რა თქმა უნდა, ჩაცმის სტილი შენს შინაგან განწყობას გამოხატავს. მეც ხშირად ხასიათის მიხედვით ვიცვამ. ნაკლებად გაბედული ადამიანები უპირატესობას სისადავეს ანიჭებენ, ექსპერიმენტების მოყვარულები კი მკვეთრ ფერებს არჩევენ. თუ დაკვირვებული თვალი გაქვს და მოდის გესმის, მიხვდები, დიზაინერი შინაგანად როგორი ადამიანია.
ძალიან მიყვარს კრეატიული ადამიანები. მათ კოლექციაში ჩანს დიდი შრომა, ფიქრი, საინტერესო დეტალებს იყენებენ. სამოსი ჩემთვის რაღაცას უნდა ნიშნავდეს.
– ყველაზე მეტ ყურადღებას რას აქცევთ?
– ჩემთვის ხარისხია ყველაზე მნიშვნელოვანი. ძალიან მომწონს რიკ ოვენსი და მისი სამოსის ფორმები. ჩემთვის მისი კოლექცია ყოველთვის ძალიან აქტუალურია. ძირითადად მაინც ამერიკელი და იტალიელი დიზაინერების სამოსია ჩემს გარდერობში.
– ქართველი დიზაინერების ნამუშევრები თქვენს გარდერობში არ არის?
– საქართველოში წელიწადნახევარია აღარ ვყოფილვარ. თამუნა ინგოროყვა ჩემი ძალიან ახლო მეგობარია, ამიტომ ძირითადად მის სამოსს ვხმარობ. მიყვარს მისი სტილი და შემოქმედება. ქართველი დიზაინერებიდან ყველაზე მეტი სწორედ თამუნას სამოსი მაქვს. ბარსელონაში, ჩემს რესტორანში, როცა პრეზენტაცია ან ივენთი მაქვს, სწორედ თამუნას საღამოს კაბები მაცვია. ძირითადად აბრეშუმს, ნატურალურ ქსოვილებს და სვაროვსკის თვლებს იყენებს. იქ ყოველთვის მეკითხებიან, სად ვყიდულობ კაბებს და რომელი ბრენდია.
– ალბათ ტანსაცმლის ძალიან დიდი კარადა გაქვთ.
– დიდი ზომის არის, მაგრამ აქ ჩემი გარდერობის ძალიან მცირე ნაწილი მაქვს წამოღებული, რადგან მხოლოდ 2 კვირით ჩამოვედი.
– განსაკუთრებულად საყვარელი სამოსიც გექნებათ.
– მიყვარს ტყავის ქურთუკები და ბეწვეული. ვგიჟდები ბეწვის ჟილეტებზე. მიყვარს ჯინსებიც. ამერიკული ჯინსების ბრენდები განსაკუთრებით მომწონს, რატომღაც ძალიან ვიხდენ.
– სახლშიც ისეთივე მოწესრიგებული ხართ, როგორც გარეთ?
– ყოველთვის ვცდილობ, სახლშიც მოწესრიგებული ვიყო და ფორმაში მქონდეს თმა, სახის კანი, ფრჩხილები... ჩემთვის თავის მოვლა ძალიან აქტუალურია და ნებისმიერ დროს მზად ვარ, სახლში სტუმრებს მოწესრიგებული დავხვდე.
– რა დროს უთმობთ თავის მოვლას?
– ყოველდღე ან მასაჟი მაქვს დაგეგმილი, ან სავარჯიშოდ დავდივარ ქალთა ცენტრში. დღეში 2 საათს მაინც საკუთარ თავს ვუთმობ. ყველა ქალმა უნდა დაუთმოს დღის გარკვეული პერიოდი მხოლოდ საკუთარ თავს. როცა ფორმაში ვარ, თვითონ ვგრძნობ თავს კარგად და ყოველთვის კარგ განწყობაზე ვარ. რა სჯობს, როდესაც სარკეში იხედები და საკუთარი თავი მოგწონს?!
– ყოველდღე მაღალ ქუსლებზე დგახართ?
– მაღალი ქუსლები ძალიან მიყვარს, განსაკუთრებით პლატფორმებს ვხმარობ, რადგან უფრო მოხერხებულია. წვრილქუსლიანი ფეხსაცმლით კი ხშირად ვერ დავდივარ. ბარსელონაში ძირითადად "შლოპანცებით" და დახეული ჯინსის შორტებით მიწევს სიარული.
– როგორ აქსესუარებს იყენებთ?
– ქალისთვის აქსესუარები ძალიან მნიშვნელოვანია. ბიჟუტერია უკვე საინტერესო ტექნოლოგიებით და საკმაოდ მაღალი ხარისხით მზადდება. სადა კაბაზეც რომ გაიკეთო თვლებით მოჭედილი აქსესუარი, ძალიან მდიდრული ჩანს. სამკაულებში უზომოდ და უაზროდ დიდ თანხას არ ვიხდი. საქართველოში არის რამდენიმე მაღაზია, სადაც მაღალი ხარისხის ბიჟუტერიას შეიძენ. ევროპაში განსაკუთრებით უყვართ აქსესუარები.
– საქართველოში ცოტა "ქართულად" ჩაშავებულხართ.
– არა, რატომ? ახლა უბრალოდ ძალიან აქტუალურია შავი ფერი, მაგრამ ყოველთვის გაწყობილი უნდა იყოს თვლებით, რკინის დეტალებით. ამ სეზონის ტენდენციაა ცხოველური პრინტები, ნახატები. ძალიან მიყვარს ეს სტილი და პრინტის ბევრი მაისური და კაბა მაქვს.
– თქვენი ჩაცმის სტილში ქმრის აზრს რამდენად ითვალისწინებთ? მას ყოველთვის ყველაფერი მოსწონს თუ შენიშვნები ან რჩევებიც აქვს თქვენ მიმართ?
– გიორგი იმდენად ენდობა ჩემს გემოვნებას და ისე მოსწონს, რომ დიდად არ ერევა. რაც მაცვია, მასაც იგივე მოსწონს. მისგან განსხვავებით, მე უფრო ვერევი გიორგის ჩაცმის სტილში და რჩევებს ვაძლევ, რა უხდება, რა – არა. თვითონაც კარგი გემოვნება აქვს, მაგრამ ძირითადად მაინც ჩემი რჩევების მიხედვით იცვამს.
– თქვენც, ბევრი ქალის მსგავსად, ფეხსაცმელებსა და ჩანთებში გეხარჯებათ ფულის დიდი ნაწილი?
– ფეხსაცმელი და ჩანთა ყოველთვის უფრო ძვირია და მათში დიდ თანხასაც ვიხდი. ყველაზე მეტ ფულს კი ბეწვეულში ვხარჯავ. ვფიქრობ, რომ სამოსში არავინ უნდა დაინანოს ფული. თუ გემოვნება გაქვს, რაღაცას მაინც მოახერხებ და მცირე თანხითაც შეძლებ, კარგად გამოიყურებოდე.
– ინტერნეტშოპინგს იყენებთ?
– ინტერნეტში მოდის სხვადასხვა ბლოგებია და საინტერესო ინფორმაციებს ვკითხულობ ხოლმე. მიყვარს ამერიკული საიტები. იქ ბევრი ისეთი დიზაინერია, ვისაც ევროპაში არ იცნობენ. ამერიკამ ძალიან საინტერესოდ განავითარა ეკო და ბიოლოგიურად სუფთა ქსოვილების წარმოება. დიზაინერები ეკოლოგიურად სუფთა ქსოვილს იყენებენ და ისეთ ფაბრიკებში კერავენ, სადაც დანადგარები მზის სისტემაზე მუშაობს. იმედი მაქვს, ეს მეთოდი ყველგან დაინერგება.
– ჩაცმულობაში ექსპერიმენტებს მიმართავთ?
– ექსპერიმენტები ადრე, თინეიჯერობის ასაკში უფრო მიყვარდა. სანამ საკუთარ თავს ვიპოვიდი და გავარკვევდი, რა მიხდებოდა და რა – არა, ბევრი რამ მოვსინჯე. წითელი თმაც მქონია და საკმაოდ მოკლედ შეჭრილიც. ძალიან დიდხანს ყვითელ თმას ვატარებდი და მერე ყავისფერზე გადავედი. უკვე დიდი ხანია ამ ვარცხნილობას ვატარებ. დიდი დრო დამჭირდა, რომ საკუთარი სტილი მეპოვა. ალბათ 13 წლის ვიქნებოდი, ჯინსის შარვალი რომ დავხიე და ჩავიცვი. არ მომწონდა სტანდარტული სამოსი, ის, რაც ყველას ეცვა. სულ რაღაც ახალს, საინტერესოს ვეძებდი და ახლაც ასე ვარ. ვფიქრობ, ამ საკითხში გაბედული ვარ, არ არსებობს სტილი თუ ფერი, რომელსაც ერთმანეთთან ვერ შევახამებ. თავდაჯერებული ვარ და არასოდეს ვფიქრობ, ვაიმე, ნეტა სხვები რას იტყვიან. თუ მომწონს, მაცვია! ჩაცმის სტილით ბარსელონაშიც გამოვირჩევი, თუნდაც რაღაც შტრიხით ან დეტალით.
– როცა საქართველოში ჩამოდიხართ, გემოვნებიანად ჩაცმული ხალხი უფრო გხვდებათ თვალში თუ უგემოვნოდ?
– საქართველოში მოდის სხვა სპეციფიკაა. ადრე ამდენი ბრენდის მაღაზია არ იყო, ამიტომ გემოვნებიანი ჩაცმაც პრობლემა იყო. თბილისში ძალიან ბევრი კარგი მაღაზია გახსნილა და ქართველებს უკვე აქვთ საშუალება, ნახონ, რა არის მოდაში. მაღაზიებში ვიყავი და აბსოლუტურად იგივე კოლექციებია, რაც საზღვარგარეთ. ადრე კი, იქ რომ მოდიდან გადადიოდა, აქ მერე შემოჰქონდათ. ასე რომ, ქართველების ჩაცმის სტილი გამოსწორდა და იმედი მაქვს, უფრო დაიხვეწება.
ქეთი დინოშვილი
