2013 წლის სასიყვარულო ჰოროსკოპი

მოგწონთ თუ არა გრძნობით თამაში, ეძებთ თუ არა სტაბილურ და სერიოზულ ურთიერთობებს – მნიშვნელობა არ აქვს. 2013 წლის მფარველი გველი სიამოვნებით მოისმენს თქვენს სურვილებს და იმას მოგანიჭებთ, რაც გსურთ. სიყვარულის საკითხში ის ძალიან დემოკრატიულია და ამ გრძნობის ნებისმიერ გამოვლინებას ემხრობა.

მთავარია – გახსოვდეთ, რომ ახდენილ ოცნებებს ყოველთვის არ მოაქვს ბედნიერება. ამიტომაც მანამ ახალი წლის გეგმებს დააწყობდეთ, დაფიქრდით, სადამდე მიჰყავხართ თქვენს "მინდას".

როგორც უკვე მიხვდით, დღეს გაგიმხელთ, რა ელით 2013 წელს ზოდიაქოს პანთეონის წარმომადგენლებს სასიყვარულო ასპარეზზე.

ვერძი (21 მარტი-20 აპრილი)

ნამდვილი ქალი არ ღელავს – ის სხვას ააღელვებს.
(მარლენ დიტრიხი)

ვერძები 2013 წელს იხელმძღვანელებენ პრინციპით: იბრძოლე და ეძიე, მოიპოვე და... გადამალე. ანუ თქვენ მთელ ამ პერიოდს მოანდომებთ იმ ადამიანის ძებნას, რომელიც მთლიანად დააკმაყოფილებს თქვენს წარმოდგენებს "თეთრ ცხენზე ამხედრებული პრინცის" შესახებ. და როცა იპოვით მას (სწორედაც რომ "როცა" და არა "თუ"), მაშინ "შემოინახეთ მარაგისთვის" და კვლავ გადაეშვით მეორე ნახევრის აზარტულ ძიების პროცესში. მაგრამ თუ ბედნიერებას გააუფასურებთ, არაფრის გარეშე დარჩებით. ასე რომ, როგორც კი მიხვდებით, რომ თქვენს გვერდით შესაფერისი კანდიდატურაა, მაშინვე ჩაებღაუჭეთ მას, ჩააგდეთ მანქანაში და გააქანეთ ქორწინების სახლში...

მაგრამ თუ თქვენ გათხოვილი ქალბატონი ბრძანდებით, ახალ წელს ეჭვიანობის სცენებით დაიწყებთ. და თუ ყელში ამოგივიდათ თქვენი ერთ დროს ძვირფასი მეუღლე, მარტივად მოუძებნით მიზეზს, თუნდაც არარსებულ ღალატს და განქორწინდებით.

კურო (21 აპრილი-20 მაისი)

არ მინდა ცოლად გავყვე იმას, ვინც ჩემზე ნაკლებად მიიჩნევს თავს იმის გამო, რომ მასზე წარმატებული ვარ ან მასზე მეტი შემოსავალი მაქვს (გრეის კელი).

კუროებო, თქვენი ღიმილი, ფლირტი და მრავლისმეტყველი მზერა 2013 წელს მთლიანად კარიერულ ინტერესებს დაექვემდებარება. ასე რომ, პირად ცხოვრებაში სერიოზულ ცვლილებებს არ ელოდეთ. სამაგიეროდ, გელით სამსახურებრივი რომანი, რომელიც დაგეხმარებათ მიაღწიოთ გარკვეულ სიმაღლეებს ან თუნდაც მიიღოთ ემოციური და ფიზიკური სიამოვნება.

თუ თქვენ დიდი ხანი და ჯერჯერობით უშედეგოდ ხვდებით მამაკაცს, მაშინ ახალ წელს ის ალბათ გადაწყვეტს თქვენს საკურთხეველთან მიყვანას. თუმცა, მისი საქციელი არა მხოლოდ სიყვარულით იქნება ნაკარნახევი, არამედ შექმნილი გარემოებითაც.

მაგრამ თუ თქვენ უკვე იმყოფებით ქორწინებაში, მაშინ ქმართან მოგიწევთ გაამართლოთ თქვენი გამუდმებული მოუცლელობა და სამსახურში გვიანობამდე ყოფნა.

ტყუპი (21 მაისი-21 ივნისი)

ქორწინება – ეს პატარა შესვენებაა რომანებს შორის (ზაზა გარბორი).

ტყუპებო, თქვენ სიყვარულის მხრივ დატვირთული წელი გელით. თავბრუდამხვევი რომანები თქვენთვის ცხოვრების აზრად იქცევა და თქვენ ჰაეროვნად გადაერთვებით ერთიდან მეორეზე, თანაც ისე, რომ არ შეგაწუხებთ სინდისი. შესაძლოა, არც კანონიერი ქმრის ყოფნამ შეგაწუხოთ.

სასიყვარულო თავგადასავლები პირველ ადგილზე გადმოინაცვლებს, ხარისხი კი რაოდენობაში გადაიზრდება. სწორედ აქ იმალება ამ წლის მთავარი საფრთხე თქვენთვის. თუ თქვენ ბრმად მიეცემით თქვენს ეროტიკულ სურვილებს, ან საბოლოოდ დაკარგავთ იმას, ვისთანაც ახლა ხართ, ან ხელიდან გაუშვებთ ადამიანს, რომელიც ბედმა გამოგიგზავნათ. ასე რომ, შეეცადეთ "არ ითამაშოთ გრძნობებით", მიუდექით ამ ჯადოსნურ გრძნობას მეტი სერიოზულობით. გარდა ამისა, იყავით მეტად გონიერი ურთიერთობებში – ნუ ენდობით მათ, ვინც პირველივე ნახვისას გამოგიტყდებათ სიყვარულში, ბევრს და ხატოვნად ლაპარაკობს და შორს მიმავალ გეგმებს დაგისახავთ. ეს მხოლოდ და მხოლოდ დაპირებები აღმოჩნდება და მეტი არაფერი.

კირჩხიბი (22 ივნისი-22 ივლისი)

მე დავიბადე სიყვარულის წარმოუდგენელი წყურვილის გრძნობით და საშინელი მოთხოვნილებით, გავაჩუქო ის (ოდრი ჰეპბერნი).

კირჩხიბებო, გველი დაჟინებით და ფაქტობრივად, საკუთარი ხელით მიგიყვანთ ოჯახური ბედნიერებისკენ. ასე რომ, წელს სიყვარულში ჰარმონია და სიმშვიდე გელით. თუ თქვენ ჯერ არ გყავთ მეორე ნახევარი, მაშინ ძალიან მალე შეიცვლება სიტუაცია: შეხვდებით იმას, ვინც ყველაფრით მოგხიბლავთ. ამიტომაც წლის მეორე ნახევარში ბევრი ფიქრის გარეშე დათანხმდით შემოთავაზებას ქორწინებაზე.

თუ თქვენ უკვე გათხოვილი ხართ, მაშინ ურთიერთობა ქმართან უფრო გამყარდება, ნდობით სავსე გახდება და დათბება. ერთმანეთში ახალ თვისებებს აღმოაჩენთ, რაც ოჯახურ ცხოვრებას გაამრავალფეროვნებს.

მაგრამ თუ თქვენ შეყვარებული გყავთ და არ ჩქარობს დაქორწინებას, მაშინ მას ცოტა ხანიღა დარჩა "წინააღმდეგობის გასაწევად". მოვლენა, რომელიც ამ წლის ბოლოს ან მომავალი წლის დასაწყისში მოხდება, თქვენს გულისსწორს ქორწინებისკენ უბიძგებს.

ლომი (23 ივლისი-22 აგვისტო)

- თქვენი აზრით, შეიძლება გიყვარდეთ და ამავე დროს, დარჩეთ თავისუფალი?
- ჩემთვის ეს ერთადერთი საშუალებაა, მიყვარდეს (მონიკა ბელუჩი).

ლომებს 2013 წელს მრავალრიცხოვანი რომანი ელით, სადაც ისინი მხოლოდ ადამიანურ ურთიერთობებსა და დროის მხიარულად და უდარდელად გატარებას მოძებნიან. ამასთან, ქორწინების პერსპექტივამ, საეჭვოა, დააინტერესოთ. საქმე ისაა, ლომებო, რომ არცერთი თქვენი თაყვანისმცემელი არ მოვა თქვენს გულთან ახლოს.

თუ უკვე გათხოვილი ხართ, მაშინ გველი გამუდმებით შეამოწმებს თქვენი ოჯახის სიმყარეს და თქვენი ოჯახის კეთილდღეობას. იყავით მომთმენნი, გაგებით მოეკიდეთ ქმრის შეცდომებს და თავი შეიკავეთ ადიულტერისგან. იცოდეთ, ღალატს ნუ გაივლებთ გულში, მაშინვე გამოგიჭერენ და თავის მართლება არ გიშველით...

თუ ჯერ მხოლოდ შეყვარებული გყავთ, მაშინ მენდელსონის მარშს თქვენთვის მხოლოდ იმ შემთხვევაში შეასრულებენ, თუ თავად მოგინდებათ ეს ძალიან და თქვენს რჩეულს მისცემთ უფლებას, მიგიყვანოთ საკურთხეველთან.

ქალწული (23 აგვისტო-22 სექტემბერი)

სიყვარული – საუკეთესო კოსმეტიკაა (ჯინა ლოლობრიჯიდა)

ქალწულებო, თქვენ სიყვარულითა და ჰარმონიით სავსე წელი გელით. თქვენს ცხოვრებაში ბევრი რამ თავის ადგილზე დადგება, რადგან რომელიღაც საკრალური ოცნება აგისრულდებათ. თუ თქვენ უკვე ქორწინებაში იმყოფებით, შესაძლებელია, მეუღლესთან ერთად სამოგზაუროდ წახვიდეთ, საიდანაც გამორიცხული არ არის, ფეხმძიმე დაბრუნდეთ. ბავშვის დაბადება გრძნობას გაგიახლებთ, ურთიერთობას ახალ აზრს შესძენს და გაგაბედნიერებთ.

თუ თქვენ ჯერ კიდევ თავისუფალი ხართ, 2013 წლის პირველ ნახევარში გელით ახალი ურთიერთობის დასაწყისი, რომელიც ისეთი აღმოჩნდება, როგორზეც ოცნებობდით. მეტიც, ბევრს არ იფიქრებთ, როცა გულსა და ხელს შემოგთავაზებენ. ასე რომ, საუკეთესო შანსი გაქვთ, შეხვდეთ 2014 წელს გათხოვილი ქალის სტატუსით.

მაგრამ თუ თქვენ ვინმესთან გაკავშირებთ მჭიდრო ურთიერთობა, მაშინ ან საქორწინო ბეჭედს გააკეთებინებთ არათითზე, ან სამუდამოდ დაშორდებით მას.

სასწორი (23 სექტემბერი-22 ოქტომბერი)

სიყვარული, ვნება და სხვა დანარჩენი ჩემთვის – მხოლოდ და მხოლოდ კარგი ხუმრობაა (კატრინ დენევი).

სასწორებო, გველი – ფრთხილი ფსიქოლოგია, ამიტომაც, როცა ის საშუალებას მოგცემთ, დაალაგოთ პირადი ცხოვრება, წლის მფარველი მხოლოდ და მხოლოდ თქვენი სულიერი მდგომარეობით იხელმძღვანელებს. თუ სიყვარულზე ოცნებობთ, მაგრამ ქვეცნობიერად მზად არ ხართ, თქვენში რაიმე შეცვალოთ, საეჭვოა, გრძელვადიანი და სერიოზული ურთიერთობები გამოგივიდეთ. სამაგიეროდ, გულწრფელი სურვილის შემთხვევაში გქონდეთ ოჯახი, უპრობლემოდ იპოვით ადამიანს, რომელიც მზად იქნება, თქვენთან ერთად "იცხოვროს დიდხანს და ბედნიერად ცხოვრების ბოლომდე".

ყველა შემთხვევაში ამ წელს რამდენიმე საინტერესო რომანი გელით. ასე რომ, დრო გექნებათ იმისათვის, რომ გაერკვეთ, რა გინდათ სინამდვილეში.

თუ თქვენ უკვე გათხოვილი ხართ, მაშინ მზად იყავით იმისათვის, რომ მსხვერპლის გაწევა მოგიწევთ ოჯახური იდილიისთვის: ეს შეიძლება იყოს მეგობარი, სამსახური ან რომელიმე მავნე ჩვევა.

თუ შეყვარებული გყავთ, მაშინ ქორწინებისკენ თქვენ (ან თქვენს მამაკაცს) რაღაც მოვლენა გიბიძგებთ.

მორიელი (23 ოქტომბერი-21 ნოემბერი)

ცოლქმრობა – ეს შეთანხმებაა, რომლის პირობებიც ყოველდღიურად ხელახლა უნდა გადაიხედოს და დამტკიცდეს (ბრიჯიტ ბარდო).

მორიელებო, თუმცა გველი თქვენს მიმართ განსაკუთრებით მოწყალეა, საეჭვოა, მან მოახერხოს და თავიდან აგაცილოთ მოწყენილობა, რომელსაც მეუღლესთან ურთიერთობის დროს განიცდით. თქვენ ან დაშორდებით მას, ან თავგადასავლების ძიებას დაიწყებთ. თუმცა თუ არ ხართ დარწმუნებული, რომ შეგიძლიათ ოჯახის დანგრევა, თავი შეიკავეთ რადიკალური გადაწყვეტილებების მიღებისგან. სირთულეები, უბრალოდ, უნდა გადალახოთ და მაშინ უკვე ყველაფერი დალაგდება.

თუ თქვენ ჯერ კიდევ თავისუფალი ხართ, მაშინ წარმოუდგენლად თავბრუდამხვევი რომანი გელით, რომელსაც თქვენი ხასიათის მიუხედავად მთელი ცხოვრება გაუფრთხილდებით. თქვენში ისეთი რამ გაიღვიძებს, რაც ადრე არასდროს განგიცდიათ.

მაგრამ თუ თქვენ გყავთ უკვე რჩეული, მაშინ ამ ურთიერთობის გაოფიციალურება მხოლოდ იმ შემთხვევაში ღირს, თუ დარწმუნებული ხართ თქვენს გრძნობებში. წინააღმდეგ შემთხვევაში ქორწინება მოკლევადიანი აღმოჩნდება.

მშვილდოსანი (22 ნოემბერი-21 დეკემბერი)

მე შემიძლია ვთქვა "არა" თორმეტ ენაზე. ქალისთვის ეს სავსებით საკმარისია (სოფი ლორენი).

მშვილდოსნებო, 2013 წელი რამდენიმე რომანს გპირდებათ. არსებობს ალბათობა, რომ დაუბრუნდებით ძველ სიყვარულს. საერთო ჯამში, თქვენს ყურადღებას მიიპყრობენ ისეთი თაყვანისმცემლები, რომლებიც შემოქმედებითი ნიჭითა და სიჯიუტით გამოირჩევიან. სხვათა შორის, შესაძლებელია, რომ ერთ-ერთი მათგანი თქვენი ცხოვრების მეგზური გახდეს.

მაგრამ თუ თქვენს არათითზე უკვე არის საქორწინო ბეჭედი, მაშინ მოგიწევთ იზრუნოთ იმისთვის, რომ შეინარჩუნოთ ოჯახი. თქვენ – ფეთქებადი ხასიათი გაქვთ, არ შეგიძლიათ პერიოდული ემოციური შემოტევების გარეშე ცხოვრება და როგორც წესი, თქვენი მამაკაცი ამას მოთმინებით იტანს. მაგრამ არა გველის წელში. ფრთხილად იყავით, ის შეიძლება გაძვრეს იქ, სადაც მეტი სიმშვიდე და სითბოა. ასე რომ, მოთოკეთ თქვენი ემოციები.

თუ თქვენ დიდი ხანია გყავთ რჩეული, საეჭვოა, წელს გადაწყვიტოთ შეუღლება. თავისუფლების დაკარგვა დაგენანებათ.

თხის რქა (22 დეკემბერი-19 იანვარი)

ვერ ეღირსებით ჩემგან იმის განცხადებას, რომ აღარასდროს გავთხოვდები (ელიზაბეტ ტეილორი, ის 8-ჯერ იყო გათხოვილი).

თხის რქებო, 2013 წელს თქვენ დაუბრუნდებით იმ ურთიერთობას, რომელიც სულ ახლახან სამუდამოდ დასრულებული გეჩვენებოდათ. იღბალი მოგცემთ მეორე შანსს და თქვენ ბევრად წარმატებულად და ჭკვიანურად გამოიყენებთ მას. თუმცა ქორწინებისგან ჯერჯერობით თავს შეიკავებთ. თქვენთვის მთავარი საკითხი იქნება, ხომ არ გამოიგონეთ განახლებული სიყვარული და შეძლებთ თუ არა მასთან ერთად ერთჭერქვეშ ცხოვრებას.

თუ თქვენ უკვე გათხოვილი ხართ, მაშინ მშვიდი და სტაბილური წელი გელით. ბევრს გააკეთებთ თქვენი ურთიერთობის გასამყარებლად, მათ შორის ფინანსური მხრიდანაც. მეტიც, თუ თქვენი მეუღლე ჰაერის სტიქიის წარმომადგაენელია, მაშინ რაღაც პერიოდი მოგიწევთ არა მარტო საკუთარი თავის რჩენა, არამედ მისიც.

მაგრამ თუ თქვენ ვინმეს ხვდებით, მაშინ თქვენს ურთიერთობას გააოფიციალურებს მხოლოდ ერთი სიახლე – რომ ფეხმძიმედ ხართ.

მერწყული (20 იანვარი-18 თებერვალი)

თუ ფრთების გარეშე დაიბადე, ნუ შეუშლი ხელს მათ გაზრდას (კოკო შანელი).

მერწყულებო, 2013 წელი თქვენი სოციალური მდგომარეობის გამყარების წელია და ეს ყოველივე თქვენს პირად ცხოვრებაზე პირდაპირ აისახება. თუ ჯერ კიდევ თავისუფალი ხართ, მაშინ საკუთარ თავში მეტად დარწმუნდებით, რაც საშუალებას მოგცემთ, გამოიჩინოთ ინიციატივა და დაიწყოთ ურთიერთობა ადამიანთან, რომელიც დიდი ხანია მოგწონთ.

თუ თქვენ უკვე გათხოვილი ხართ, სამსახურებრივი დაწინაურება და ხელფასის მომატება გამოიწვევს იმას, რომ სახლში იშვიათად იქნებით და ოჯახისთვის ნაკლებად გეცლებათ. თქვენი ახალი იმიჯი კი თქვენს მეუღლეს დააეჭვებს. ერთი სიტყვით, მოგიწევთ არჩევანის გაკეთება: ან ოჯახი და იდილია, ან კარიერა.

თუ ჯერ გათხოვილი არ ხართ, მაგრამ რჩეული უკვე გყავთ, დიდი შანსია, თავად შესთავაზოთ მას ოჯახის შექმნა.

თევზები (19 თებერვალი-20 მარტი)

ქალის მომხიბვლელობა მხოლოდ მაშინ არის ძლიერი, როცა ის ბუნებრივია და სტიქიური (მერილინ მონრო).

თევზებო, 2013 წელს ყველა ფასეულობას ძირფესვიანად გადააფასებთ. იმ მამაკაცებს მიაქცევთ ყურადღებას, ვინც ადრე საერთოდ არ იპყრობდა თქვენს ყურადღებას. შესაბამისად ღირსეულ ცხოვრების მეგზურს შეარჩევთ. სხვათა შორის, ეს აქტუალურია იმ შემთხვევაშიც, თუ თქვენ უკვე გათხოვილი ხართ და მთელი ეს დრო კმაყოფილი იყავით თქვენი მეუღლით.

პრიორიტეტების ცვლილება იქამდე მიგიყვანთ, რომ პირველ ადგილზე იმ მამაკაცის სოციალურ სტატუსს დააყენებთ, რომელიც გინდათ, რომ თქვენს გვერდით იყოს. ამგვარად ან თქვენს ქმარს მოუწევს შეცვალოს საკუთარ თავში რაღაც, ან თქვენ შეცვლით ხელის ერთი მოსმით მას...

მაგრამ თუ ჯერ კიდევ თავისუფალი ხართ, მაშინ გულმოწყალე იქნებით იმ თაყვანისმცემელი მამაკაცის მიმართ, ვისთანაც ბევრი რამ დაგაკავშირებთ: სამუშაო, ცხოვრებისეული შეხედულებები, მიზნები. დიდი შანსია, მასთან ერთად ჰარმონიული ურთიერთობები ჩამოაყალიბოთ.
წყარო