თეონა ბაღდავაძე: "ცხვირის პლასტიკური ოპერაცია გავიკეთე და ამაში ცუდს ვერაფერს ვხედავ"
3 605 ნახვა
საზოგადოებასთან ურთიერთობის სპეციალისტი, თეონა ბაღდავაძე, რომელიც ხშირად არის სხვადასხვა კულტურული ღონისძიების ცენტრში, როგორც ერთ–ერთი ორგანიზატორი, არავის ენახვება მაშინ, როცა "ცუდ ფორმაშია". ასეთ დროს აუცილებლად მიდის სილამაზის სალონში, თავსაც ილამაზებს და კარგ ხასიათზეც დგება. მაკიაჟის ხელოვნებაში კარგად არის გარკვეული, რადგან სპეციალურ კურსებზე იარა. როცა საჭიროდ ჩათვალა, პლასტიკურ ქირურგსაც მიაკითხა. ბოლო დროს იოგამ გაიტაცა. მოკლედ, ვფიქრობთ, ჩვენი მკითხველისთვის საინტერესო იქნება ქართულ ბომონდური ცხოვრებაში აქტიურად ჩართული ახალგაზრდა ქალის გამოცდილება და რჩევები თავის მოვლასთან დაკავშირებით.
– თეონა, თქვენ ხშირად გიწევთ ოფიციალურ შეხვედრებზე თუ სხვადასხვა კულტურულ საღამოზე, წვეულებაზე, ღონისძიებაზე ყოფნა. როგორ ემზადებით ასეთი შემთხვევებისთვის, რომ შესაფერისად გამოიყურებოდეთ?
– ყველა ღონისძიებას თავისი მიზანი აქვს. ვცდილობ, დრესკოდი არ დავარღვიო, მაგრამ ინდივიდუალიზმიც შევინარჩუნო. მოდის ტენდენციებსაც ვითვლისწინებ და ჩემს სტილსაც, რაც მნიშვნელოვანია იმისთვის, რომ თავი კარგად ვიგრძნო. ამას წინათ წავიკითხე წიგნი, სადაც ეწერა, როგორ უნდა ჩავიცვათ, რომ წარმატებულები ვიყოთ. ეს წიგნი მე–20 საუკუნის დასაწყისში დაიწერა, ამიტომ ბევრი რჩევა სასაცილოა, მათ შორის – ის, რომ ქუდის და ხელთათმნის გარეშე სახლიდან არასდროს უნდა გავიდეთ, მაგრამ მთავარი რჩევა გასათვალისწინებელია – ყველა ადამიანი უნდა გამოიყურებოდეს მოწესრიგებულად და გემოვნებიანად.
– თქვენი აზრით, 21–ე საუკუნეში რის გარეშე არ უნდა გავიდეთ სახლიდან?
– ჩაცმასთან არანაირ კავშირში არ არის, მაგრამ მობილური ტელეფონის გარეშე სახლიდან გასვლა მართლა არ შემიძლია. ასევე მიყვარს მაღალქუსლიანი ფეხსაცმელები და ხშირად ვიცვამ.
– შეხვედრისთვის იოგას ცენტრი დაგვითქვით. რატომ დაინტერესდით იოგათი?
– სულ ვვარჯიშობ. ვფიქრობ, ეს აუცილებელია იმისთვის, რომ ქალმა თავი კარგად იგრძნოს. ბოლო სამი თვეა, რაც ამით დავინტერესდი, ჩემთვის იდეალურია. ყველა ადამიანს ვურჩევ, რომ ფიზიკურად გააქტიურდნენ. იოგამდე ვცადე ცურვა, სხვადასხვა ვარჯიში, მაგრამ ამ ეტაპზე ეს ყველაზე მეტად მეხმარება ფორმის და კარგი განწყობის შენარჩუნებაში.
– დიეტა დაგჭირვებიათ და გამოგიყენებიათ?
– ამ საკითხის მიმართ ჩემი ფილოსოფიური დამოკიდებულება მაქვს. ვფიქრობ, რომ ორგანიზმმა ყველაფერი უნდა მიიღოს, რაც სჭირდება. არ შეიძლება, მთელი ცხოვრება შეზღუდულად იკვებო. ყველაფერი უნდა მივირთვათ, ოღონდ სწორად. თუ, მაგალითად, დილით ადგომა გიჭირთ, ისევე როგორც მე, არ არის აუცილებელი, თავს ძალა დაატანოთ, 7 საათზე ადგეთ და ივარჯიშოთ. ეს გამოგფიტავთ და უკუეფექტს მიიღებთ. იგივეა კვებასთან დაკავშირებითაც. თუ გირჩევნიათ, რომ საღამოს ივახშმოთ, ჯობს, ასეც მოიქცეთ. უფრო გრძელვადიან შედეგებზე უნდა ვიყოთ ორიენტირებული, ვიდრე სამკვირიან დიეტაზე, რაც ხშირად ისე მთავრდება, რომ გაცილებით მეტს იმატებენ.
– წონის კონტროლისთვის რაიმე პროდუქტზე ცოტა ხნით მაინც არ ამბობთ უარს?
– არასდროს არაფერზე ვამბობ უარს. უბრალოდ ყველაფერს თავისი დოზა აქვს. როცა ვგრძნობ, რომ ორი–სამი კილოგრამით მოვიმატე, ვცდილობ, ნაკლები ცომეული მივიღო. ტკბილეულზე კი უარს ვერ ვამბობ, რადგან ძალიან მიყვარს. არ ვთვლი, რომ ის ადამიანები არიან ფორმაში, ვინც ჭამაზე უარს ამბობენ. პირიქით, ისინი გამოიყურებიან კარგად, ვინც საკუთარ თავთან ჰარმონიაში არიან და ზუსტად იციან, რა სჭირდებათ იმისთვის, რომ ბედნიერები იყვნენ.
– ჯანსაღი ცხოვრების კიდევ რა წესს იცავთ?
– ვარჯიშის გარდა, აუცილებელია ბევრი წყლის მიღება. ვცდილობ, დღეში ორი ლიტრი წყალი დავლიო. სიგარეტი არასოდეს მომიწევია და პროპაგანდას ვეწევი, რომ თამბაქოზე უარი თქვან. სიგარეტით ადამიანი საკუთარ თავს ბევრ რამეს უშავებს. ეს გარეგნობაზე, განსაკუთრებით კი კანზე ცუდად აისახება.
– სახის კანს რა საშუალებებით უვლით?
– ვთვლი, რომ ამისთვის დღეს ძალიან კარგი პროდუქციაა შექმნილი და სახლში დამზადებული ნიღბები საჭირო აღარ არის. ალერგიული კანი მაქვს და ვცდილობ, სწორად შევარჩიო საშუალებები. იმ სფეროში ვმუშაობ, სადაც ბრენდების რეკლამირება ხდება, შესაბამისად ვიცი, რომ ხშირად ბრენდი და ფასი აუცილებლად მაღალ ხარისხს არ ნიშნავს. შედარებით მცირე ფასად შესაძლებელია იმავე ან უკეთესი ეფექტის მქონე საშუალებების ყიდვა თავის მოსავლელად.
– ზოგი თვლის, რომ სახლში დამზადებული ნიღბებიც ეფექტურია.
– შეიძლება, მაგრამ ეს ჩემი არ არის. რეცეპტებიც კი არ ვიცი, რა როგორ მზადდება, რადგან არასდროს დავინტერესებულვარ. ერთადერთი, მახსენდება ყავა, რომელიც კანის გასაწმენდად გამოიყენება. მყავს კოსმეტოლოგი, რომელთანაც რეგულარულად დავდივარ.
– კოსმეტოლოგისგან რა რჩევებს იღებთ?
– მეუბნება, რომ აუცილებელია 7 საათი სრულფასოვანი ძილი, ჰაერზე ყოფნა და ბევრი სითხის მიღება. იმისთვის, რომ კანი კარგად გამოიყურებოდეს, განწყობას დიდი მნიშვნელობა აქვს. თუ ცუდ ხასიათზე ვართ, ეს კანზე აუცილებლად აისახება.
– როგორი ვარცხნილობა გიყვართ და გიხდებათ?
– ვგიჟდები მოკლე თმაზე, ამიტომ სულ ვიჭრი, მერე კი ვნანობ. ახლა მინდა, რომ გავიზარდო. ვცდილობ, სხვადასხვა ვარცხნილობა შევირჩიო, მაგრამ რადიკალურ ცვლილებებს არ მივმართავ. მაგალითად, ყვითლად არასდროს შემიღებავს თმა და არც შევიღებავ. ჩემი თავი ქერა ვერ წარმომიდგენია.
– როგორ უვლით თმას?
– ჩემს თმას ფორმაში მოსაყვანად "კონდიციონერები" სჭირდება. რადგან ალერგიული ვარ, თმის მოვლის საშუალებებსაც გულდასმით ვარჩევ.
– შევამჩნიე, რომ სახეზე პლასტიკური "ჩარევა" განგიხორციელებიათ. ეს აუცილებელი იყო?
– კი, ცხვირის პლასტიკური ოპერაცია გავიკეთე და ამაში ცუდს ვერაფერს ვხედავ. ქალს თუ სურს რაიმეს შეცვლა, უნდა შეცვალოს, თუმცა ზღვარის დაცვა აუცილებელია. დროთა განმავლობაში ალბათ კანთან დაკავშირებითაც მივმართავ პლასტიკურ ქირურგიას.
– კარგი მაკიაჟი გაქვთ. თავად იკეთებთ?
– კი, მაკიაჟის კურსები გავიარე, სადაც ანუკა მურვანიძე მასწავლიდა. მიყვარს მინიმალური, სწორად შერჩეული მაკიაჟი.
– რამდენიმე ძირითადად წესს ხომ არ გაგვიზიარებდით თქვენი ცოდნიდან?
– მთავარია ბუნებრიობის დაცვა. თბილისში ძალიან ბევრი გოგონა იკეთებს ე.წ. რუჟს, რომელიც მათ სახეს არამეტყველს ხდის და ასაკს მატებს. ასევე ძალიან იმუქებენ თვალებს, რაც არ არის სწორი. ქართველებს ისედაც საკმაოდ მეტყველი თვალები გვაქვს, ამიტომ ზედმეტად ხაზგასმა აღარ სჭირდება. მაკიაჟი თვალში არ უნდა გხვდებოდეს.
– საკუთარი თავის მიმართ კრიტიკული ხართ?
– კი, ყოველთვის. ვცდილობ, ნაკლი ვიპოვო და შემდეგ მის გამოსწორებაზე ვიფიქრო. წონა ძალიან მტკივნეულია ჩემთვის. მომწონს გამხდარი ქალები, მაგრამ მე მაქვს გამოკვეთილი ფორმები.
– სარკესთან რა დროს ატარებთ?
– არის შემთხვევა, როცა სერიოზულ ღონისძიებაზე მივდივარ და სარკესთან მეტი დრო მჭირდება. არის შემთხვევა, როცა 15 წუთიც მყოფნის. ყოველდღიურად, საშუალოდ, ნახევარი საათი მაინც მჭირდება, რომ სახლიდან მოწესრიგებული გავიდე. თუ ცუდ ფორმაში ვარ, მირჩევნია, სახლიდან ფეხი არ გავადგა. ასეთ დროს მივდივარ სალონში და თავს ვიწესრიგებ.
– ქმრის აზრს, რჩევას ითვალისწინებთ გარეგნობასთან დაკავშირებით?
– რა თქმა უნდა. ყველა ქალი აუცილებლად უნდა ითვალისწინებდეს მამაკაცის აზრს. არ მჯერა იმ ქალების, რომლებიც ამბობენ, რომ საკუთარი თავისთვის იცვამენ. ჩვენთვის საწინააღმდეგო სქესის აზრი მნიშვნელოვანია. ჩემს მეუღლეს მოსწონს, როცა გამოპრანჭული ვარ. ეუცხოება, როცა მაღალ ქუსლებზე არ ვდგავარ და ნაკლებად მოწესრიგებული ვარ. ასეთ დროს ფიქრობს, რომ ცუდ ხასიათზე ვარ.
– ამბობენ, რომ საქმიანი ქალები ქალურობას კარგავენ.
– არ ვეთანხმები! ქალი ან არის ქალური, ან – არა. ეს ბუნებრივად ხდება. ვერანაირი პირობა და სამუშაო გარემო დააკარგვინებს მას ქალურობას. მინახავს ქალები, რომლებიც 24 საათი მუშაობენ და ძალიან ქალურები არიან და პირიქით – თავისუფალი დრო აქვთ, მაგრამ ეს არ ემჩნევათ.
– რომელი სურნელია თქვენი?
– არ მიყვარს ტკბილი სურნელი. ადამიანისთვის სურნელს დიდი მნიშვნელობა აქვს, ამით ვაფასებთ ერთმანეთს. ეს მნიშვნელოვანი დეტალია, თუნდაც იმიტომ, რომ ინდივიდუალურობას უსვამს ხაზს.
მანანა ნოდია
– თეონა, თქვენ ხშირად გიწევთ ოფიციალურ შეხვედრებზე თუ სხვადასხვა კულტურულ საღამოზე, წვეულებაზე, ღონისძიებაზე ყოფნა. როგორ ემზადებით ასეთი შემთხვევებისთვის, რომ შესაფერისად გამოიყურებოდეთ?
– ყველა ღონისძიებას თავისი მიზანი აქვს. ვცდილობ, დრესკოდი არ დავარღვიო, მაგრამ ინდივიდუალიზმიც შევინარჩუნო. მოდის ტენდენციებსაც ვითვლისწინებ და ჩემს სტილსაც, რაც მნიშვნელოვანია იმისთვის, რომ თავი კარგად ვიგრძნო. ამას წინათ წავიკითხე წიგნი, სადაც ეწერა, როგორ უნდა ჩავიცვათ, რომ წარმატებულები ვიყოთ. ეს წიგნი მე–20 საუკუნის დასაწყისში დაიწერა, ამიტომ ბევრი რჩევა სასაცილოა, მათ შორის – ის, რომ ქუდის და ხელთათმნის გარეშე სახლიდან არასდროს უნდა გავიდეთ, მაგრამ მთავარი რჩევა გასათვალისწინებელია – ყველა ადამიანი უნდა გამოიყურებოდეს მოწესრიგებულად და გემოვნებიანად.
– თქვენი აზრით, 21–ე საუკუნეში რის გარეშე არ უნდა გავიდეთ სახლიდან?
– ჩაცმასთან არანაირ კავშირში არ არის, მაგრამ მობილური ტელეფონის გარეშე სახლიდან გასვლა მართლა არ შემიძლია. ასევე მიყვარს მაღალქუსლიანი ფეხსაცმელები და ხშირად ვიცვამ.
– შეხვედრისთვის იოგას ცენტრი დაგვითქვით. რატომ დაინტერესდით იოგათი?
– სულ ვვარჯიშობ. ვფიქრობ, ეს აუცილებელია იმისთვის, რომ ქალმა თავი კარგად იგრძნოს. ბოლო სამი თვეა, რაც ამით დავინტერესდი, ჩემთვის იდეალურია. ყველა ადამიანს ვურჩევ, რომ ფიზიკურად გააქტიურდნენ. იოგამდე ვცადე ცურვა, სხვადასხვა ვარჯიში, მაგრამ ამ ეტაპზე ეს ყველაზე მეტად მეხმარება ფორმის და კარგი განწყობის შენარჩუნებაში.
– დიეტა დაგჭირვებიათ და გამოგიყენებიათ?
– ამ საკითხის მიმართ ჩემი ფილოსოფიური დამოკიდებულება მაქვს. ვფიქრობ, რომ ორგანიზმმა ყველაფერი უნდა მიიღოს, რაც სჭირდება. არ შეიძლება, მთელი ცხოვრება შეზღუდულად იკვებო. ყველაფერი უნდა მივირთვათ, ოღონდ სწორად. თუ, მაგალითად, დილით ადგომა გიჭირთ, ისევე როგორც მე, არ არის აუცილებელი, თავს ძალა დაატანოთ, 7 საათზე ადგეთ და ივარჯიშოთ. ეს გამოგფიტავთ და უკუეფექტს მიიღებთ. იგივეა კვებასთან დაკავშირებითაც. თუ გირჩევნიათ, რომ საღამოს ივახშმოთ, ჯობს, ასეც მოიქცეთ. უფრო გრძელვადიან შედეგებზე უნდა ვიყოთ ორიენტირებული, ვიდრე სამკვირიან დიეტაზე, რაც ხშირად ისე მთავრდება, რომ გაცილებით მეტს იმატებენ.
– წონის კონტროლისთვის რაიმე პროდუქტზე ცოტა ხნით მაინც არ ამბობთ უარს?
– არასდროს არაფერზე ვამბობ უარს. უბრალოდ ყველაფერს თავისი დოზა აქვს. როცა ვგრძნობ, რომ ორი–სამი კილოგრამით მოვიმატე, ვცდილობ, ნაკლები ცომეული მივიღო. ტკბილეულზე კი უარს ვერ ვამბობ, რადგან ძალიან მიყვარს. არ ვთვლი, რომ ის ადამიანები არიან ფორმაში, ვინც ჭამაზე უარს ამბობენ. პირიქით, ისინი გამოიყურებიან კარგად, ვინც საკუთარ თავთან ჰარმონიაში არიან და ზუსტად იციან, რა სჭირდებათ იმისთვის, რომ ბედნიერები იყვნენ.
– ჯანსაღი ცხოვრების კიდევ რა წესს იცავთ?
– ვარჯიშის გარდა, აუცილებელია ბევრი წყლის მიღება. ვცდილობ, დღეში ორი ლიტრი წყალი დავლიო. სიგარეტი არასოდეს მომიწევია და პროპაგანდას ვეწევი, რომ თამბაქოზე უარი თქვან. სიგარეტით ადამიანი საკუთარ თავს ბევრ რამეს უშავებს. ეს გარეგნობაზე, განსაკუთრებით კი კანზე ცუდად აისახება.
– სახის კანს რა საშუალებებით უვლით?
– ვთვლი, რომ ამისთვის დღეს ძალიან კარგი პროდუქციაა შექმნილი და სახლში დამზადებული ნიღბები საჭირო აღარ არის. ალერგიული კანი მაქვს და ვცდილობ, სწორად შევარჩიო საშუალებები. იმ სფეროში ვმუშაობ, სადაც ბრენდების რეკლამირება ხდება, შესაბამისად ვიცი, რომ ხშირად ბრენდი და ფასი აუცილებლად მაღალ ხარისხს არ ნიშნავს. შედარებით მცირე ფასად შესაძლებელია იმავე ან უკეთესი ეფექტის მქონე საშუალებების ყიდვა თავის მოსავლელად.
– ზოგი თვლის, რომ სახლში დამზადებული ნიღბებიც ეფექტურია.
– შეიძლება, მაგრამ ეს ჩემი არ არის. რეცეპტებიც კი არ ვიცი, რა როგორ მზადდება, რადგან არასდროს დავინტერესებულვარ. ერთადერთი, მახსენდება ყავა, რომელიც კანის გასაწმენდად გამოიყენება. მყავს კოსმეტოლოგი, რომელთანაც რეგულარულად დავდივარ.
– კოსმეტოლოგისგან რა რჩევებს იღებთ?
– მეუბნება, რომ აუცილებელია 7 საათი სრულფასოვანი ძილი, ჰაერზე ყოფნა და ბევრი სითხის მიღება. იმისთვის, რომ კანი კარგად გამოიყურებოდეს, განწყობას დიდი მნიშვნელობა აქვს. თუ ცუდ ხასიათზე ვართ, ეს კანზე აუცილებლად აისახება.
– როგორი ვარცხნილობა გიყვართ და გიხდებათ?
– ვგიჟდები მოკლე თმაზე, ამიტომ სულ ვიჭრი, მერე კი ვნანობ. ახლა მინდა, რომ გავიზარდო. ვცდილობ, სხვადასხვა ვარცხნილობა შევირჩიო, მაგრამ რადიკალურ ცვლილებებს არ მივმართავ. მაგალითად, ყვითლად არასდროს შემიღებავს თმა და არც შევიღებავ. ჩემი თავი ქერა ვერ წარმომიდგენია.
– როგორ უვლით თმას?
– ჩემს თმას ფორმაში მოსაყვანად "კონდიციონერები" სჭირდება. რადგან ალერგიული ვარ, თმის მოვლის საშუალებებსაც გულდასმით ვარჩევ.
– შევამჩნიე, რომ სახეზე პლასტიკური "ჩარევა" განგიხორციელებიათ. ეს აუცილებელი იყო?
– კი, ცხვირის პლასტიკური ოპერაცია გავიკეთე და ამაში ცუდს ვერაფერს ვხედავ. ქალს თუ სურს რაიმეს შეცვლა, უნდა შეცვალოს, თუმცა ზღვარის დაცვა აუცილებელია. დროთა განმავლობაში ალბათ კანთან დაკავშირებითაც მივმართავ პლასტიკურ ქირურგიას.
– კარგი მაკიაჟი გაქვთ. თავად იკეთებთ?
– კი, მაკიაჟის კურსები გავიარე, სადაც ანუკა მურვანიძე მასწავლიდა. მიყვარს მინიმალური, სწორად შერჩეული მაკიაჟი.
– რამდენიმე ძირითადად წესს ხომ არ გაგვიზიარებდით თქვენი ცოდნიდან?
– მთავარია ბუნებრიობის დაცვა. თბილისში ძალიან ბევრი გოგონა იკეთებს ე.წ. რუჟს, რომელიც მათ სახეს არამეტყველს ხდის და ასაკს მატებს. ასევე ძალიან იმუქებენ თვალებს, რაც არ არის სწორი. ქართველებს ისედაც საკმაოდ მეტყველი თვალები გვაქვს, ამიტომ ზედმეტად ხაზგასმა აღარ სჭირდება. მაკიაჟი თვალში არ უნდა გხვდებოდეს.
– საკუთარი თავის მიმართ კრიტიკული ხართ?
– კი, ყოველთვის. ვცდილობ, ნაკლი ვიპოვო და შემდეგ მის გამოსწორებაზე ვიფიქრო. წონა ძალიან მტკივნეულია ჩემთვის. მომწონს გამხდარი ქალები, მაგრამ მე მაქვს გამოკვეთილი ფორმები.
– სარკესთან რა დროს ატარებთ?
– არის შემთხვევა, როცა სერიოზულ ღონისძიებაზე მივდივარ და სარკესთან მეტი დრო მჭირდება. არის შემთხვევა, როცა 15 წუთიც მყოფნის. ყოველდღიურად, საშუალოდ, ნახევარი საათი მაინც მჭირდება, რომ სახლიდან მოწესრიგებული გავიდე. თუ ცუდ ფორმაში ვარ, მირჩევნია, სახლიდან ფეხი არ გავადგა. ასეთ დროს მივდივარ სალონში და თავს ვიწესრიგებ.
– ქმრის აზრს, რჩევას ითვალისწინებთ გარეგნობასთან დაკავშირებით?
– რა თქმა უნდა. ყველა ქალი აუცილებლად უნდა ითვალისწინებდეს მამაკაცის აზრს. არ მჯერა იმ ქალების, რომლებიც ამბობენ, რომ საკუთარი თავისთვის იცვამენ. ჩვენთვის საწინააღმდეგო სქესის აზრი მნიშვნელოვანია. ჩემს მეუღლეს მოსწონს, როცა გამოპრანჭული ვარ. ეუცხოება, როცა მაღალ ქუსლებზე არ ვდგავარ და ნაკლებად მოწესრიგებული ვარ. ასეთ დროს ფიქრობს, რომ ცუდ ხასიათზე ვარ.
– ამბობენ, რომ საქმიანი ქალები ქალურობას კარგავენ.
– არ ვეთანხმები! ქალი ან არის ქალური, ან – არა. ეს ბუნებრივად ხდება. ვერანაირი პირობა და სამუშაო გარემო დააკარგვინებს მას ქალურობას. მინახავს ქალები, რომლებიც 24 საათი მუშაობენ და ძალიან ქალურები არიან და პირიქით – თავისუფალი დრო აქვთ, მაგრამ ეს არ ემჩნევათ.
– რომელი სურნელია თქვენი?
– არ მიყვარს ტკბილი სურნელი. ადამიანისთვის სურნელს დიდი მნიშვნელობა აქვს, ამით ვაფასებთ ერთმანეთს. ეს მნიშვნელოვანი დეტალია, თუნდაც იმიტომ, რომ ინდივიდუალურობას უსვამს ხაზს.
მანანა ნოდია
