X
  • რა იწვევს შვებულების დროს წყვილების უთანხმოებას

    ზაფხულის შვებულება ყველასთვის სასიამოვნოა და ხშირ შემთხვევაში ზღვასთან, რუჯთან და გართობასთან ასოცირდება, თუმცა შეყვარებული წყვილებისთვის ერთობლივი დასვენება შესაძლოა, არც ისეთი კომფორტული აღმოჩნდეს, როგორც ეს ერთი შეხედვით ჩანს.

    მოგზაურობის მოყვარულთათვის განკუთვნილი საიტი Latedeals.co.uk დაინტერესდა, რა სახის პრობლემები იჩენს თავს ყველაზე ხშირად შვებულების დროს საყვარელ ადამიანთან ურთიერთობაში. საიტმა 1000 ადამიანი გამოკითხა.

    გამოკითხვის შედეგების მიხედვით, წყვილებს შორის უთანხმოების მიზეზი ყველაზე ხშირად ბიკინში გამოწყობილი ლამაზმანები არიან, რომლებსაც მამაკაცები გულგრილად გვერდს ვერასდროს უვლიან. გამოკითხული ქალბატონების უმეტესობა აღიარებს, რომ ყველაზე მეტად მაშინ ღიზიანდება, როდესაც საყვარელი მამაკაცი სანაპიროზე სხვა ქალბატონების ცქერით ტკბება, ხოლო მამაკაცები მოთმინებას მაშინ კარგავენ, როდესაც მისი რჩეული გართობას აუზსა და სანაპიროზე გარუჯვას ამჯობინებს.

    უთანხმოების კიდევ ერთი მიზეზი საკვებს უკავშირდება - წყვილებს ყველაზე ხშირად კონფლიქტი მაშინ მოსდით, როდესაც ვერ თანხმდებიან, თუ სად და როგორ ისადილონ. კონფლიქტის საგანია ასევე ზომაზე მეტი ალკოჰოლური სასმელი.

    გამოკითხული წყვილების 79% აღიარებს, რომ ორ კვირიანი შვებულების დროს ორჯერ მაინც ჰქონიათ სერიოზული კონფლიქტი, 62%-მა განაცხადა, რომ უჩხუბიათ ყოველდღიურ წვრილმანებზე, 6% კი სხვადასხვა ოთახში დაბინავებულა, ვინაიდან შექმნილი კონფლიქტური ვითარებიდან უკეთესი გამოსავალი ვერ მოძებნეს.

    მამაკაცები ხშირად ღიზიანდებიან ასევე იმის გამო, რომ მანდილოსნები თავის მოწესრიგებაზე მეტისმეტად დიდ დროს ხარჯავენ, თუნდაც მხოლოდ სასადილოდ მიდიოდნენ. წუწუნებენ მაშინ, როდესაც ქალები ზედმეტად დიდ თანხას ხარჯავენ და წყობილებიდან გამოდიან, როდესაც მათი თანამგზავრი დასასვენებლად გამგზავრებამდე ჩანთაში უამრავ სამოსს ალაგებს - ამისთვის ხომ ერთი ზურგჩანთაც საკმარისია.

    მომზადებულია dailymail.co.uk-ის მიხედვით.

    1 746 ნახვა
    10-10-2016, 17:02
    GOGATV