ღვინის ზემოქმედება ორგანიზმზე

საქართველო ის ქვეყანაა, სადაც პირველი ვაზი გაშენდა და ქართველი ის მევენახე, რომელმაც კაცობრიობა ვაზის ღვთიურ ნაჟურს აზიარა.ჯერ კიდევ ძვ.წელთაღრიცხვის მესამე ათასწლეულის საქართველოში უმთავრეს სარიტუალო კომპონენტად მიჩნეული ვაზი, ქრისტიანობის გავრცელების შემდეგ, ახალ დატვირთვას იძენს.ღვინო მტკიცედ მკვიდრდება მღვდელთმსახურებასა და ყოფაში.ქართულ სავანე მონასტერთა მარნებში გამოულეველი ღვინო, საწესო დანიშნულების გარდა, პურთან ერთად ბერების უმთავრესი საზრდო იყო.ღვინის სამკურნალო თვისება საქართველოში ცნობილი იყო უძველესი დროიდან.ჯერ კიდევ ანტიკურ ხანაში, შემდეგ შუა საუკუნეებში, აღორძინების ეპოქაში და შემდეგაც, ტრადიციულ მედიცინაში ღვინო ითვლებოდა ერთ-ერთ ყველაზე გავრცელებულ სამკურნალო საშუალებად.

1933 წელს ფრანგმა მეცნიერმა, ექიმმა დენიაკმა დაამტკიცა, რომ იმ რეგიონებში სადაც მისდევდნენმევენახეობასა და ღვინის წარმოებას, სიცოცხლის ხანგრძლივობა შედარებით მაღალი იყო, ვიდრე სხვა რეგიონებში.დღეს ბევრი მეცნიერი ამტკიცებს, რომ ღვინო(განსაკუთრებით წითელი)ზომიერი რაოდენობით, რომელიც მდიდარია პოლიფენოლებით, დადებით გავლენას ახდენს სიცოცხლის ხანგრძლივობაზე.ასევე ღვინის შემადგენლობაში შემავალი ტანინი წარმოადგენს კატარაქტის ეფექტურ საპროფილაქტიკო საშუალებას.ლაბორატორიული ცდებით დამტკიცდა, რომ წითელი ღვინო(შეზავებულიც კი)ანადგურებს პოლიომიელიტის ვირუსს, ასევე მოქმედებს კოკსაკის და ჰერპეს ვირუსებზეც.

ეს მოსაზრება კიდევ უფრო გამყარდა ბოლო ათწლეულში ჩატარებული სამეცნიერო კვლევების შედეგად.დანიელმა მეცნიერებმა მიიღეს ახალი მტკიცებულება იმის შესახებ, რომ ღვინის ზომიერი მიღება ამცირებს კიბოს და გულსისხლძარღვთა სისტემის დაავადებების განვითარების რისკს.კვლევის ავტორები ღვინის ამ თვისებას უკავშირებენ მასში ფლავინეიდობისა და ანტიოქსიდანტების შემცველობას.ღვინის ყველა ეს დადებითი თვისება ვლინდება მისი ზომიერი რაოდენობით მიღების(100-150მლ.)დროს.

ღვინის დიდი რაოდენობით მიღება, პირიქით, იწვევს მოწამვლას და წარმოადგენს სხვადასხვა დაავადებების განვითარების რისკ ფაქტორს.ღვინის, ასევე სხვა ალკოჰოლური სასმელების გადამეტებული რაოდენობით მიღება დამთრგუნველად მოქმედებს ცენტრალურ ნერვულ სისტემაზე, აქვეითებს მხედველობის სიმახვილეს, ყურადღებას მოძრაობის კოორდინაციას და სხვა.