2012 წლის ყველაზე მდიდრული და უჩვეულო ქორწილები
3 176 ნახვა
ჰოლივუდის ვარსკვლავები ორ უკიდურესობაში ვარდებიან, მათი ქორწილები ან გასაიდუმლოებული და ძალიან ვიწროა, ან პირიქით, პომპეზური და მასშტაბური. 2012 წლის განმავლობაში ბევრმა ვარსკვლავმა იპოვა თავისი რჩეული და ბევრის ცხოვრებაში დადგა ნანატრი ქორწილის დღეც.
ჯესიკა ბილი და ჯასტინ ტიმბერლეიკი
რომანი: 2007 წლიდან
ქორწილის თარიღი: 19.10.2012
"ჩვენ დავკარგეთ ჯასტინი", – ასეთი კომენტარი გაუკეთეს ჯასტინის თაყვანისმცემლებმა მისი დაოჯახების ფაქტს. ჯესიკამ და ჯასტინმა გადაწყვიტეს, მათი ქორწილი ჰოლივუდიდან შორს ყოფილიყო და იტალიას მიაშურეს. ბოლო წუთამდე ქორწილის ადგილი სტუმრებისთვისაც კი გასაიდუმლოებული იყო. 150 სტუმარს მიუვიდა მოსაწვევი და მკაცრი ინსტრუქცია, რომლის თანახმადაც, ისინი საკუთარი ხარჯებით უნდა ჩასულიყვნენ ფრანკფურტში, სადაც კერძო თვითმფრინავი დახვდებოდათ და უკვე ის განსაზღვრავდა მათ მარშრუტს.
ქორწინებამდე ერთი დღით ადრე ჯესიკამ და ჯასტინმა პლაჟზე წვეულება მოაწყვეს. ცერემონიალი ერთ–ერთ სასტუმროში შედგა. საკურთხევლამდე პატარძლის სვლას, ტრადიციული მენდელსონის მარშის ნაცვლად, ჯასტინის მიერ დაწერილი და შესრულებული სერენადა ახლდა თან. წყვილმა ერთგულების ფიცი ცოცხალი ყვავილების თაღქვეშ დადო, რომელიც პროჟექტორებით იყო განათებული.
შეგახსენებთ, რომ ოთხწლიანი რომანის შემდეგ ისინი ცოტა ხნით დაშორდნენ ერთმანეთს, მაგრამ გასული წლის შობაზე კვლავ ერთად აღმოჩნდნენ სამთო–სათხილამურო კურორტზე, სადაც ჯასტინმა საყვარელ ქალს ცოლობა სთხოვა.
ენი ჰეტეუეი და ადამ შულმანი
რომანი: 2008 წლიდან
ქორწილის თარიღი: 29.09.2012.
ჰოლივუდის მთავარი კონკიას ენი ჰეტეუეისა და მისი პრინცის, დიზაინერ ადამ შულმანის ქორწილი ზღაპრული სტანდარტებით ჩატარდა. სპეციალურად ქორწილისათვის წყვილმა კალიფორნიის რაიონში ციხესიმაგრე დაიქირავა, რომელიც მთის მწვერვალზეა და იქიდან ოკეანის შეუდარებელი ხედი იშლება.
ენის ვალენტინოს 50 ათას დოლარად შეფასებული ვარდისფერ–მარგალიტისფერი კაბა ეცვა. მათ გასაიდუმლოებულ ქორწილში მხოლოდ ნათესავები და ახლო მეგობრები იყვნენ, საერთო ჯამში, 180 კაცი. მეორე დღიდანვე სწორედ სტუმრებმა გაახმაურეს ქორწილის დეტალები. "მე და ადამს ერთმანეთი ძალიან მალე შეგვიყვარდა, მაგრამ დიდი დრო დაგვჭირდა იმისათვის, რომ წყვილი გავმხდარიყავით. ის ფიქრობდა, რომ მე ბოიფრენდი მყავდა, მე კი მეგონა, რომ მას მეგობარი გოგონა ჰყავდა. როცა აღმოჩნდა, რომ თავისუფლები ვიყავით, ძალიან გაგვიხარდა", – ამბობს ენი ერთ–ერთ ინტერვიუში.
ამ ქორწინებამდე ენიმ რამდენიმე დრამატული ისტორია გადაიტანა პირად ცხოვრებაში. 4 წლის განმავლობაში მას რომანი ჰქონდა იტალიელ ბიზნესმენ რაფაელო ფოლერისთან, რომელიც საშინლად ეჭვიანი იყო. ბოლოს კი აღმოჩნდა, რომ ფინანსურ მაქინაციებშიც იყო გარეული. ახლა ის ციხეშია.
ბლეიკ ლაივლი და რაიან რეინოლდსი
რომანი: 2011 წლიდან
ქორწილის თარიღი: 14.09.2012.
მათი ქორწილი გაცნობიდან თერთმეტი თვის შემდეგ შედგა. რაიანმა საყვარელ ქალს 2 მილიონ დოლარად ღირებული საქორწილო ბეჭედი მიართვა. ცერემონიალი სამხრეთ კაროლინის შტატის ქალაქ ჩარლტონის შემოგარენში ჩატარდა. ქორწილის დეტალებს ბოლო წუთამდე ასაიდუმლოებდნენ. ჟურნალისტები მას შემდეგ მიხვდნენ, რომ ქორწილი იყო მოსალოდნელი, რაც ჩარლტონში ლაივლის მშობლები და მეგობრები ჩავიდნენ, მათ შორის მსახიობი ბეტ მიდლერი და დიზაინერი კრისტიან ლუბუტენი.
სამწუხაროდ, ცერემონიალის ფოტოები დღემდე არ გავრცელებულა. ჟურნალმა "ფიფლმა" მხოლოდ იმის გაგება მოახერხა, რომ საქორწილო ტორტი ვირჯინიაში შეუკვეთეს, ხოლო ქორწილში მომღერალმა ფლორენს უელჩმა სამი სიმღერა შეასრულა. ქორწილამდე ერთი დღით ადრე ბლეიკმა "ტვიტერში" დაწერა: "ოცნებები შენ თვითონ უნდა აისრულო. ჩემი ცხოვრების ყველაზე დიდი ოცნება უკვე ასრულდა".
ნატალი პორტმანი და ბენჟამინ მილპიე
რომანი: 2009 წლიდან
ქორწილის თარიღი: 04.08.2012.
რომანის დაწყებიდან 3 წლის შემდეგ 31 წლის ნატალი პორტმანი და 35 წლის ქორეოგრაფი ბენჟამინ მილპიე ცოლ–ქმარი გახდნენ. მათ საქორწინო ფიცს თან ახლდა წყნარი ოკეანის ტალღების ხმა. წყვილმა კალიფორნიის მახლობლად ზუსტად იმ ადგილას იქორწინა, სადაც 2 თვის შემდეგ ენი ჰეტეუეის ქორწილი გაიმართა.
ნატალიმ და ბენჟამინმა ყველაფერი გააკეთეს იმისათვის, რომ მათი ქორწილი უცხო თვალისაგან დაცული ყოფილიყო. ცერემონიალი ებრაული ადათ–წესებით ჩატარდა. ქორწილს 60 ადამიანი ესწრებოდა. როგორც ამბობენ, ცერემონიალი ძალიან ამაღელვებელი, რომანტიკული და ებრაული იყო.
შეგახსენებთ, რომ წყვილმა ერთმანეთი 2009 წელს გაიცნო ფილმ "შავი გედის" გადაღებებისას. 2011 წლის ივნისში მათ ბიჭი, ალეფი ეყოლათ, 2012 წელს კი ოსკარების ცერემონიალზე ოფიციალურად განაცხადეს, რომ იქორწინებდნენ.
დრიუ ბერიმორი და უილ კოპელმანი
რომანი: 2011 წლიდან.
ქორწინების თარიღი: 02.06.2012.
მსახიობი დრიუ ბერიმორი საპნის ოპერების სიუჟეტის მსგავსად გათხოვდა – ქორწილში ის ორსულად იყო, შლეიფად კი ორი განქორწინება, სამი ჩაშლილი ქორწილი და ათზე მეტი რომანი მოჰყვებოდა. ქორწილი კალიფორნიაში, ქალაქ მონტესიტოში გაიმართა. სტუმრების რაოდენობა მინიმუმამდე იყო დაყვანილი, მეგობრებიდან კი მხოლოდ ორი ვარსკვლავი იყო დაპატიჟებული – კამერონ დიასი და სტივენ სპილბერგი.
ორსულ პატარძალს შანელის საქორწინო კაბა ეცვა. ეს ლოგიკურიცაა, რადგან მისი რჩეული შანელის სახლის ყოფილი დირექტორის შვილია. შეყვარებულებმა ყველაფერი გააკეთეს ცერემონიალის პაპარაცებისაგან დასაცავად. წყვილმა ნიშნობის შესახებ განაცხადი იანვარში გააკეთა, მაშინ, როდესაც დრიუს ხელზე ოთხკარატიანი ბრილიანტის ბეჭედი გამოჩნდა. ქორწილის შემდეგ მალე დრიუმ შვილიც გააჩინა, რომელსაც ოლივიე უწოდა.
სინტია ნიქსონი და კრისტინ მარინონი
რომანი: 2004 წლიდან
ქორწინების თარიღი: 27.05.2012.
სერიალის "სექსი დიდ ქალაქში" ვარსკვლავი სინტია ნიქსონი და მისი შეყვარებული ქალი კრისტინ მარინონი ერთად 8 წელი ცხოვრობდნენ. დაქორწინება აქამდეც უნდოდათ, მაგრამ ნიუ იორკში კანონის შემოღებას ელოდებოდნენ, რომელიც ერთსქესიან ქორწინებას დაუშვებდა. ეს დღე კი 27 მაისს დადგა.
მსახიობის რჩეული ლესბოსური მოძრაობის დიდი აქტივისტია. ცერემონიალი ოჯახურ წრეში შედგა. სინტიას ამ დღეს კაროლინა ჰერერას ღია ვარდისფერი კაბა ეცვა, კრისტინს კი – შავი სმოკინგი.
ერთმანეთი 2004 წელს გაიცნეს. მაშინ სინტია პროფესორ დენი მოზესის ცოლი იყო, რომელთანაც ორი შვილი გააჩინა. სწორედ კრისტინის გამო მსახიობმა ოჯახი დაანგრია. 2011 წლის თებერვალში სინტია მესამე შვილის დედაც გახდა, მაგრამ დღემდე უცნობია, ვინ არის ბავშვის მამა.
მარკ ცუკერბერგი და პრისცილა ჩანი
რომანი: 2003 წლიდან
ქორწინების თარიღი: 19.05.2012.
მილიარდერმა მარკ ცუკერბერგმა რომანის დასაწყისშივე უთხრა საყვარელ ქალს, რომ ის მისი ცოლი გახდებოდა და პირობა შეასრულა. "ფეისბუქის" შემქმნელის რჩეული პრესამ თავიდანვე აითვალწუნა, არც მაკიაჟს იკეთებს და არც ფეხებს იპარსავსო.
ქორწილი ცუკერბერგის სახლის ეზოში შედგა. მოტყუებულები დარჩნენ არამარტო ჟურნალისტები, არამედ სტუმრებიც. მათ მოსაწვევში მითითებული იყო, რომ მარკი ჩანის სამედიცინო ფაკულტეტის დამთავრებას და თავის 28–ე დაბადების დღეს აღნიშნავდა. დასავლელმა ჟურნალისტებმა ეს ტყუილი ჭამეს და ასკაციან წვეულებას ყურადღება არ მიაქციეს.
პრისცილას ამერიკელი დიზაინერის 4.700 დოლარად ღირებული თეთრი, აჟურული კაბა ეცვა, მარკს კი – მუქი–ლურჯი კოსტიუმი. საყვარელ ქალს მილიარდერმა ლალის დიდთვლიანი ბეჭედი აჩუქა, რომლის დიზაინერიც თავად იყო. ქორწილში არ ყოფილა ორიგინალური კერძები, სტუმრებს კაფე–ბარის მენიუთი გაუმასპინძლდნენ, დესერტად კი თაგვის ფორმის შოკოლადის ნამცხვრები ჰქონდათ. სწორედ ეს ნუგბარი გასინჯეს მათ 9 წლის წინ თავიანთ პირველ პაემანზე.
ალეკ ბოლდუინი და ჰილარია ტომასი
რომანი: 2011 წლიდან
ქორწინების თარიღი: 30.06.2012.
54 წლის ალეკ ბოლდუინმა 30 წლის ჰილარია საკურთხეველთან ნიშნობიდან 3 თვის შემდეგ მიიყვანა. ერთგულების ფიცი მათ ნიუ იორკის წმინდა პატრიკის სახელობის ტაძარში დადეს. პატარძალს ატელიე "ამსალეს" საქორწინო კაბა ეცვა, ხოლო სიძეს – ტომ ფორდის მოდის სახლის კოსტიუმი.
წყვილმა გადაწყვიტა, ცერემონიალი დახურული ყოფილიყო და მისი გაშუქების უფლება მხოლოდ ჟურნალ "ჰელოუს" მიანიჭა. ბოლდუინმა საკუთარ ქორწილში ასეთი სიტყვა წარმოთქვა: "ერთადერთი, რაც მინდა, ისაა, რომ მყავდეს შვილი, რომელიც ჰილარიას დაემსგავსება".
ჯესიკა ბილი და ჯასტინ ტიმბერლეიკი
რომანი: 2007 წლიდან
ქორწილის თარიღი: 19.10.2012
"ჩვენ დავკარგეთ ჯასტინი", – ასეთი კომენტარი გაუკეთეს ჯასტინის თაყვანისმცემლებმა მისი დაოჯახების ფაქტს. ჯესიკამ და ჯასტინმა გადაწყვიტეს, მათი ქორწილი ჰოლივუდიდან შორს ყოფილიყო და იტალიას მიაშურეს. ბოლო წუთამდე ქორწილის ადგილი სტუმრებისთვისაც კი გასაიდუმლოებული იყო. 150 სტუმარს მიუვიდა მოსაწვევი და მკაცრი ინსტრუქცია, რომლის თანახმადაც, ისინი საკუთარი ხარჯებით უნდა ჩასულიყვნენ ფრანკფურტში, სადაც კერძო თვითმფრინავი დახვდებოდათ და უკვე ის განსაზღვრავდა მათ მარშრუტს.
ქორწინებამდე ერთი დღით ადრე ჯესიკამ და ჯასტინმა პლაჟზე წვეულება მოაწყვეს. ცერემონიალი ერთ–ერთ სასტუმროში შედგა. საკურთხევლამდე პატარძლის სვლას, ტრადიციული მენდელსონის მარშის ნაცვლად, ჯასტინის მიერ დაწერილი და შესრულებული სერენადა ახლდა თან. წყვილმა ერთგულების ფიცი ცოცხალი ყვავილების თაღქვეშ დადო, რომელიც პროჟექტორებით იყო განათებული.
შეგახსენებთ, რომ ოთხწლიანი რომანის შემდეგ ისინი ცოტა ხნით დაშორდნენ ერთმანეთს, მაგრამ გასული წლის შობაზე კვლავ ერთად აღმოჩნდნენ სამთო–სათხილამურო კურორტზე, სადაც ჯასტინმა საყვარელ ქალს ცოლობა სთხოვა.
ენი ჰეტეუეი და ადამ შულმანი
რომანი: 2008 წლიდან
ქორწილის თარიღი: 29.09.2012.
ჰოლივუდის მთავარი კონკიას ენი ჰეტეუეისა და მისი პრინცის, დიზაინერ ადამ შულმანის ქორწილი ზღაპრული სტანდარტებით ჩატარდა. სპეციალურად ქორწილისათვის წყვილმა კალიფორნიის რაიონში ციხესიმაგრე დაიქირავა, რომელიც მთის მწვერვალზეა და იქიდან ოკეანის შეუდარებელი ხედი იშლება.
ენის ვალენტინოს 50 ათას დოლარად შეფასებული ვარდისფერ–მარგალიტისფერი კაბა ეცვა. მათ გასაიდუმლოებულ ქორწილში მხოლოდ ნათესავები და ახლო მეგობრები იყვნენ, საერთო ჯამში, 180 კაცი. მეორე დღიდანვე სწორედ სტუმრებმა გაახმაურეს ქორწილის დეტალები. "მე და ადამს ერთმანეთი ძალიან მალე შეგვიყვარდა, მაგრამ დიდი დრო დაგვჭირდა იმისათვის, რომ წყვილი გავმხდარიყავით. ის ფიქრობდა, რომ მე ბოიფრენდი მყავდა, მე კი მეგონა, რომ მას მეგობარი გოგონა ჰყავდა. როცა აღმოჩნდა, რომ თავისუფლები ვიყავით, ძალიან გაგვიხარდა", – ამბობს ენი ერთ–ერთ ინტერვიუში.
ამ ქორწინებამდე ენიმ რამდენიმე დრამატული ისტორია გადაიტანა პირად ცხოვრებაში. 4 წლის განმავლობაში მას რომანი ჰქონდა იტალიელ ბიზნესმენ რაფაელო ფოლერისთან, რომელიც საშინლად ეჭვიანი იყო. ბოლოს კი აღმოჩნდა, რომ ფინანსურ მაქინაციებშიც იყო გარეული. ახლა ის ციხეშია.
ბლეიკ ლაივლი და რაიან რეინოლდსი
რომანი: 2011 წლიდან
ქორწილის თარიღი: 14.09.2012.
მათი ქორწილი გაცნობიდან თერთმეტი თვის შემდეგ შედგა. რაიანმა საყვარელ ქალს 2 მილიონ დოლარად ღირებული საქორწილო ბეჭედი მიართვა. ცერემონიალი სამხრეთ კაროლინის შტატის ქალაქ ჩარლტონის შემოგარენში ჩატარდა. ქორწილის დეტალებს ბოლო წუთამდე ასაიდუმლოებდნენ. ჟურნალისტები მას შემდეგ მიხვდნენ, რომ ქორწილი იყო მოსალოდნელი, რაც ჩარლტონში ლაივლის მშობლები და მეგობრები ჩავიდნენ, მათ შორის მსახიობი ბეტ მიდლერი და დიზაინერი კრისტიან ლუბუტენი.
სამწუხაროდ, ცერემონიალის ფოტოები დღემდე არ გავრცელებულა. ჟურნალმა "ფიფლმა" მხოლოდ იმის გაგება მოახერხა, რომ საქორწილო ტორტი ვირჯინიაში შეუკვეთეს, ხოლო ქორწილში მომღერალმა ფლორენს უელჩმა სამი სიმღერა შეასრულა. ქორწილამდე ერთი დღით ადრე ბლეიკმა "ტვიტერში" დაწერა: "ოცნებები შენ თვითონ უნდა აისრულო. ჩემი ცხოვრების ყველაზე დიდი ოცნება უკვე ასრულდა".
ნატალი პორტმანი და ბენჟამინ მილპიე
რომანი: 2009 წლიდან
ქორწილის თარიღი: 04.08.2012.
რომანის დაწყებიდან 3 წლის შემდეგ 31 წლის ნატალი პორტმანი და 35 წლის ქორეოგრაფი ბენჟამინ მილპიე ცოლ–ქმარი გახდნენ. მათ საქორწინო ფიცს თან ახლდა წყნარი ოკეანის ტალღების ხმა. წყვილმა კალიფორნიის მახლობლად ზუსტად იმ ადგილას იქორწინა, სადაც 2 თვის შემდეგ ენი ჰეტეუეის ქორწილი გაიმართა.
ნატალიმ და ბენჟამინმა ყველაფერი გააკეთეს იმისათვის, რომ მათი ქორწილი უცხო თვალისაგან დაცული ყოფილიყო. ცერემონიალი ებრაული ადათ–წესებით ჩატარდა. ქორწილს 60 ადამიანი ესწრებოდა. როგორც ამბობენ, ცერემონიალი ძალიან ამაღელვებელი, რომანტიკული და ებრაული იყო.
შეგახსენებთ, რომ წყვილმა ერთმანეთი 2009 წელს გაიცნო ფილმ "შავი გედის" გადაღებებისას. 2011 წლის ივნისში მათ ბიჭი, ალეფი ეყოლათ, 2012 წელს კი ოსკარების ცერემონიალზე ოფიციალურად განაცხადეს, რომ იქორწინებდნენ.
დრიუ ბერიმორი და უილ კოპელმანი
რომანი: 2011 წლიდან.
ქორწინების თარიღი: 02.06.2012.
მსახიობი დრიუ ბერიმორი საპნის ოპერების სიუჟეტის მსგავსად გათხოვდა – ქორწილში ის ორსულად იყო, შლეიფად კი ორი განქორწინება, სამი ჩაშლილი ქორწილი და ათზე მეტი რომანი მოჰყვებოდა. ქორწილი კალიფორნიაში, ქალაქ მონტესიტოში გაიმართა. სტუმრების რაოდენობა მინიმუმამდე იყო დაყვანილი, მეგობრებიდან კი მხოლოდ ორი ვარსკვლავი იყო დაპატიჟებული – კამერონ დიასი და სტივენ სპილბერგი.
ორსულ პატარძალს შანელის საქორწინო კაბა ეცვა. ეს ლოგიკურიცაა, რადგან მისი რჩეული შანელის სახლის ყოფილი დირექტორის შვილია. შეყვარებულებმა ყველაფერი გააკეთეს ცერემონიალის პაპარაცებისაგან დასაცავად. წყვილმა ნიშნობის შესახებ განაცხადი იანვარში გააკეთა, მაშინ, როდესაც დრიუს ხელზე ოთხკარატიანი ბრილიანტის ბეჭედი გამოჩნდა. ქორწილის შემდეგ მალე დრიუმ შვილიც გააჩინა, რომელსაც ოლივიე უწოდა.
სინტია ნიქსონი და კრისტინ მარინონი
რომანი: 2004 წლიდან
ქორწინების თარიღი: 27.05.2012.
სერიალის "სექსი დიდ ქალაქში" ვარსკვლავი სინტია ნიქსონი და მისი შეყვარებული ქალი კრისტინ მარინონი ერთად 8 წელი ცხოვრობდნენ. დაქორწინება აქამდეც უნდოდათ, მაგრამ ნიუ იორკში კანონის შემოღებას ელოდებოდნენ, რომელიც ერთსქესიან ქორწინებას დაუშვებდა. ეს დღე კი 27 მაისს დადგა.
მსახიობის რჩეული ლესბოსური მოძრაობის დიდი აქტივისტია. ცერემონიალი ოჯახურ წრეში შედგა. სინტიას ამ დღეს კაროლინა ჰერერას ღია ვარდისფერი კაბა ეცვა, კრისტინს კი – შავი სმოკინგი.
ერთმანეთი 2004 წელს გაიცნეს. მაშინ სინტია პროფესორ დენი მოზესის ცოლი იყო, რომელთანაც ორი შვილი გააჩინა. სწორედ კრისტინის გამო მსახიობმა ოჯახი დაანგრია. 2011 წლის თებერვალში სინტია მესამე შვილის დედაც გახდა, მაგრამ დღემდე უცნობია, ვინ არის ბავშვის მამა.
მარკ ცუკერბერგი და პრისცილა ჩანი
რომანი: 2003 წლიდან
ქორწინების თარიღი: 19.05.2012.
მილიარდერმა მარკ ცუკერბერგმა რომანის დასაწყისშივე უთხრა საყვარელ ქალს, რომ ის მისი ცოლი გახდებოდა და პირობა შეასრულა. "ფეისბუქის" შემქმნელის რჩეული პრესამ თავიდანვე აითვალწუნა, არც მაკიაჟს იკეთებს და არც ფეხებს იპარსავსო.
ქორწილი ცუკერბერგის სახლის ეზოში შედგა. მოტყუებულები დარჩნენ არამარტო ჟურნალისტები, არამედ სტუმრებიც. მათ მოსაწვევში მითითებული იყო, რომ მარკი ჩანის სამედიცინო ფაკულტეტის დამთავრებას და თავის 28–ე დაბადების დღეს აღნიშნავდა. დასავლელმა ჟურნალისტებმა ეს ტყუილი ჭამეს და ასკაციან წვეულებას ყურადღება არ მიაქციეს.
პრისცილას ამერიკელი დიზაინერის 4.700 დოლარად ღირებული თეთრი, აჟურული კაბა ეცვა, მარკს კი – მუქი–ლურჯი კოსტიუმი. საყვარელ ქალს მილიარდერმა ლალის დიდთვლიანი ბეჭედი აჩუქა, რომლის დიზაინერიც თავად იყო. ქორწილში არ ყოფილა ორიგინალური კერძები, სტუმრებს კაფე–ბარის მენიუთი გაუმასპინძლდნენ, დესერტად კი თაგვის ფორმის შოკოლადის ნამცხვრები ჰქონდათ. სწორედ ეს ნუგბარი გასინჯეს მათ 9 წლის წინ თავიანთ პირველ პაემანზე.
ალეკ ბოლდუინი და ჰილარია ტომასი
რომანი: 2011 წლიდან
ქორწინების თარიღი: 30.06.2012.
54 წლის ალეკ ბოლდუინმა 30 წლის ჰილარია საკურთხეველთან ნიშნობიდან 3 თვის შემდეგ მიიყვანა. ერთგულების ფიცი მათ ნიუ იორკის წმინდა პატრიკის სახელობის ტაძარში დადეს. პატარძალს ატელიე "ამსალეს" საქორწინო კაბა ეცვა, ხოლო სიძეს – ტომ ფორდის მოდის სახლის კოსტიუმი.
წყვილმა გადაწყვიტა, ცერემონიალი დახურული ყოფილიყო და მისი გაშუქების უფლება მხოლოდ ჟურნალ "ჰელოუს" მიანიჭა. ბოლდუინმა საკუთარ ქორწილში ასეთი სიტყვა წარმოთქვა: "ერთადერთი, რაც მინდა, ისაა, რომ მყავდეს შვილი, რომელიც ჰილარიას დაემსგავსება".
