მეგან ფოქსს სოციალური ქსელები სძულს

მეგან ფოქსი სოციალური ქსელების საშუალებით, ურთიერთობის მოყვარული არ გახლავთ. აქამდე მსახიობს თავისი კოლეგებისგან განსხვავებით, ტვიტერი საერთოდ არ ჰქონდა. ცოტა ხნის წინ, მეგანმა მიკრობლოგის შექმნა მაინც გადაწყვიტა. „ყველაფრის მიუხედავად, ტვიტერს მაინც შევუერთდი“ - განაცხადა 26 წლის ვარსკვლავმა. თუმცა, რამდენიმე დღის შემდეგ, ფოქსმა თავის თაყვანისმცემლებს აუწყა, რომ საკუთარ ექაუნთს აუქმებს. ბევრის აზრით, ამის მიზეზი ის გახდა, რომ ტვიტერის მომხმარებლებმა მსახიობის გარდაცვალების შესახებ ჭორი გაავრცელეს. მსგავსი ბოროტი ხუმრობები ინტერნეტ სივრცეში მრავლად ჩნდება, რომლისგანაც არცერთი ვარსკვლავი არ არის დაზღვეული. შესაძლოა, მეგანისთვის სოციალური ქსელიდან გაუჩინარების საბაბიც ეს გახდა. „მეგონა 2013 გახდებოდა ის წელი, როდესაც სოციალურ ქსელებს დავუმეგობრდებოდი, თუმცა, აღმოჩნდა, რომ უწინდებურად ვერ ვიტან მათ. მიყვარხართ ყველა, მაგრამ რა გაეწყობა, ასეთი ვარ. მე მხოლოდ ფეისბუკის გაძლება შემიძლია. მაპატიეთ“.
ავტორი: ეთუნა მზარეულიშვილი