”არ მინდა, მთელი ცხოვრება უჟმური და მუდო ვიყო”

უცნობი: ”გამარჯობა. თქვენი რუბრიკის აქტიური მკითხველი ვარ და რჩევებიც ხშირად მომიწერია, მაგრამ ახლა ისეთ სიტუაციაში ვარ, რომ თავად დამჭირდა თქვენი დახმარება.
არ ვიცი, რა მჭირს, მაგრამ გამუდმებით ცუდად ვარ. საკუთარ თავში ჩავიკეტე და მეგობრებთან ურთიერთობაც აღარ მინდა. მხიარული და აქტიური გოგო მოულოდნელად, უჟმურ ადამიანად ვიქეცი.

არადა, მართლა არ ვიცი, ეს რისი ბრალია. ოჯახში ყველაფერი კარგად მაქვს, ბევრი მეგობარიც მყავს... ჰოდა, არ ვიცი, ჩემი უგუნებობა რას დავაბრალო. მაგრამ გამიგონია, გარდატეხის ასაკში როგორი ხასიათიც ჩამოგიყალიბდება, ისეთად დარჩებიო.

მე კი არ მინდა, მთელი ცხოვრება საკუთარ ნაჭუჭში ჩაკეტილი, უჟმური და მუდო ადამიანი ვიყო. გთხოვთ, მირჩიეთ, როგორ მოვიქცე? ახლა ის პერიოდი მაქვს, როცა უმიზეზოდ მეტირება, პატარა რაღაცაც კი მწყინს. სულ აფორიაქებული და ანერვიულებული ვარ. გთხოვთ, დამეხმარეთ.

კარგი იქნება, თუ ფსიქოლოგიც მირჩევს რამეს. წინასწარ გიხდით მადლობას!”

ჟურნალი ”გზა”