ვანკუვერში ლედი გაგას კონცერტზე შარვალი უკანალზე გაერღვა

ბევრი მომღერლის მსგავსად, ეპატაჟური ლედი გაგაც საკუთარი ძალების მოსინჯვას დიდ კინოში აპირებს. ცნობილი ხდება, რომ შემსრულებელი სამსახიობი ოსტატობის შესწავლას შეუდგა და 5 წლის შემდეგ „ოსკარის“ მიღება დაისახა მიზნად. ვარსკვლავს კინოში გადაღების გამოცდილება უკვე აქვს. მან ჯერ ეპიზოდური როლი „men in black 3“-ში შეასრულა, ხოლო 2012 წლის ზაფხულში რობერტ როდრიგესის ფილმ „Machete Kills“-ში ითამაშა. 26 წლის მომღერალი კინემატოგრაფიით გატაცების გარდა, თავის ტურნეებს აგრძელებს, სადაც მის გამოსვლებს ხშირად უხერხული მომენტებიც ახლავს თან. ამჯერად ვანკუვერში გაგას „Versace“-ს კოსტიუმმა უმტყუნა და პირდაპირ საჯდომზე გაირღვა. როგორც ჩანს, ლატექსის შარვალმა ვარსკვლავის ბოლო დროს მომატებულ კილოგრამებს ვეღარ გაუძლო. მომღერალი არ დაბნეულა და გამოსვლა გააგრძელა, ამასთან მოშიშვლებული უკანალის დემონსტრირებაც არ მორიდებია.
ავტორი: ეთუნა მზარეულიშვილი