მილა კუნისი ჰოლივუდის ყველაზე მოუვლელ ვარსკვლავად აღიარეს

მილა კუნისმა მორიგი წოდება მიიღო. ამჯერად მსახიობი ჰოლივუდის ყველაზე მოუვლელ ვარსკვლავად დაასახელეს. ეს არცთუ სახარბიელო ტიტული გოგონას იმიტომ კი არ ერგო, რომ წითელ ხალიჩაზე შეუფერებელად გამოიყურება ხოლმე, არამედ იმიტომ, რომ იგი ყოველდღიურ ცხოვრებაში საკუთარ ჩაცმულობასა და ვარცხნილობაზე სრულებით არ ზრუნავს. ეშტონ კატჩერთან რომანის დაწყებისთანავე, წყვილის სახლთან პაპარაცები ათანებენ და აღამებენ. თითქმის ყოველთვის მილა, რბილად რომ ვთქვათ, მომხიბვლელად როდი გამოიყურება. კუნისი, რომელიც გასულ წელს ჟურნალმა „Esquire“-მა მსოფლიოში ყველაზე სექსუალურ ქალბატონად აღიარა, წელს იგი მხოლოდ გაწელილი სპორტული ფორმითა და დაუვარცხნელი თმით იხილეს. ამბობენ, რომ მილას მოუვლელობის მიზეზი გახდა „Christian Dior“-თან კონტრაქტის შეწყვეტაც. ვრცელდება ინფორმაცია, რომ ბრენდმა 2012 წლის იანვარში მსახიობთან დადებული კონტრაქტი აღარ გააგრძელა.