ბერტა ხაფავა: "კიასნაირი ქმარი კარგი იქნებოდა"
2 147 ნახვა
რუბრიკა "ფსიქოს" სტუმარია მსახიობი ბერტა ხაფავა, რომელსაც 40-ზე მეტ ფილმში აქვს ნათამაშევი, რამდენიმე თვის წინ კი საქართველოს პრეზიდენტის, მიხეილ სააკაშვილის ბებიის როლში მოგვევლინა...
- გასულ წელს სულ აღტყინებული და აფორიაქებული ვიყავი, არ ვიცოდი, ჩემს ქვეყანაში რა მოხდებოდა. როცა ბევრი შიშისგან თავის ნაჭუჭში ჩაიკეტა და ეგონათ, საქმე დუმილით მოგვარდებოდა, მე ჩემს გულისტკივილსა და ნაცმოძრაობის მოქმედებას ჟურნალ-გაზეთების ფურცლებიდან ვაპროტესტებდი. რეჟისორ კახა სულუაშვილის ათსერიიან ფილმ "ვარდენის ევოლუციაში" სააკაშვილის ბებიის როლიც კი ვითამაშე და ასე გავაშარჟე ე.წ. პრეზიდენტი. როგორც მსახიობმა, რაც შემეძლო, გავაკეთე და, ჩემი ჭკუით, უსამართლობისა და ბოროტების წინააღმდეგ ვიბრძოლე. ძალიან კარგი ფილმია, სააკაშვილის როლს მარჯანიშვილის თეატრის მსახიობი როლანდ ოქროპირიძე თამაშობს, მონაწილეობენ გივი და ზურა ბერიკაშვილები, ალეკო მახარობლიშვილი, ოთარ ბაღათურია და სხვები. გადაღებებისას მთელი საქართველო შემოვიარეთ, ჭორვილაშიც კი ვიყავით, სადაც ბიძინა ივანიშვილის დედა გავიცანით. არაჩვეულებრივი ქალბატონია და ბიძინაც ამიტომ არის კარგი ადამიანი. გადასაღებ მოედანზე ხალხი იკრიბებოდა, რომ შეიტყობდნენ, როლანდი პრეზიდენტის როლს თამაშობსო, აგინებდნენ. არადა, ისეთი კარგი ბიჭია, ლამის სააკაშვილიც კი შემაყვარა (იცინის).
- თანამდებობიდან მოხსნეს ნოდარ დუმბაძის სახელობის მოზარდ მაყურებელთა თეატრის მმართველი მიშა ანთაძე, რომელმაც რამდენიმე წლის წინ ამავე თეატრიდან სხვა მსახიობებთან ერთად თქვენც გაგიშვათ...
- მოხსნეს და დააკვირდით, როგორი პრეტენზია აქვს?! გამოდის და უსინდისოდ ამბობს, თეატრიდან იმიტომ გამაგდეს, გივი ბერიკაშვილის რძალი რომ დავითხოვეო. არადა, ბერიკაშვილის რძალი, მე და სხვა მსახიობები სამი წლის წინ გაგვიშვა თეატრიდან ამაზრზენი ბრალდებით - დესტრუქციული ძალების წარმომადგენლები არიან და საფრთხეს უქმნიან თეატრის არსებობასო. ამ განცხადებაზე, მსახიობების ნაცვლად, ხელი მეხანძრეებსა და თეატრში შემოყრილ თავის 35 ნათესავს მოაწერინა. ასე რომ, ანთაძე პოლიტიკური სარჩულით არ დაუთხოვიათ, ან რა პოლიტიკური სარჩული სჭირდება თეატრიდან უნიჭო კაცის გაშვებას, რომელმაც თეატრი დაანგრია და ბალაგანად აქცია?! ფარმაცევტი რეჟისორად დასვა, კადრები კი თავისი სანათესაოთი დააკომპლექტა. ვინც ამის გამო ხმა ავიმაღლეთ, დესტრუქციული ძალა გვიწოდა და თეატრიდან გაგვყარა. რა ჩემი საქმე იყო პოლიტიკა, მაგრამ იძულებული გამხადეს და თავიანთი უსამართლობით ჩამჩარეს ამ პოლიტიკაში. ანთაძე თეატრის მსახიობების შემცირებას აღარ დასჯერდა, სპექტაკლ "სამ გოჭში" გოჭებიც კი შეამცირა და სამის ნაცვლად ერთი დატოვა (იცინის). ალბათ, დანარჩენი ორი საახალწლოდ დაკლა და შეჭამა.
- დაბრუნდებით თეატრში?
- არ ვიცი. დამირეკეს და მითხრეს, სადღაც დაწერილა, პირველ რიგში, ამ თეატრში ხაფავას, ნათელა მაჭავარიანს, ოთარ ბაღათურიას, რევაზ თავართქილაძესა და ნათელა პაატაშვილს დავაბრუნებთო, ვნახოთ.
- ძველით ახალი წლის ღამეს თოვლის ბაბუის კოსტიუმში გამოწყობილი მიხეილ სააკაშვილი შინ რომ მოგადგეთ, როგორი რეაქცია გექნებათ?
- რას ამბობთ, სააკაშვილის სახე რომ არ დამენახა, კარგა ხანს ტელევიზორსაც არ ვრთავდი. ახლაღა დავიწყე გადაცემების ყურება და უცებ ჩემს სახლში რომ დავინახო, კინწისკვრით გავაგდებ. ყველზე მეტად, იცი, რა მწყინს? საზოგადოებრივ ტრანსპორტში რამდენჯერმე შევესწარი, ახალგაზრდები "ქართულ ოცნებაზე". ამბობდნენ, ეს როგორ გაგვიკეთეს, ჩვენ მოვიყვანეთ ხელისუფლებაში და სწავლის გადასახადი არ შეგვიმცირესო. მივუტრიალდი და ვუთხარი, ორ თვეში როგორ მოაგვარებენ ყველაფერს, ამას როგორ ამბობთ, შვილებო, ცოცხები გირჩევნიათ-მეთქი?! და გაჩუმდნენ. სტუდენტები მადლიერები რომ იყვნენ, მიშას იმპიჩმენტს წინ აღარაფერი დაუდგებოდა, მაგრამ მაინც ბავშვურად მსჯელობენ, ეგონათ, ივანიშვილი როგორც კი მოვიდოდა, ყველაფერი ექნებოდათ. ისინი ჯერ პატარები და მოუთმენლები არიან.
- ფილმში "სიყვარული ყველას უნდა", თქვენი მეორე მეუღლის, კოლას მსგავსი ქმარი რეალურად რომ გყოლოდათ, შეეგუებოდით?
- არა, რას ამბობთ, ლოთი ქმარი რად მინდა?! (იცინის) აი, კიასნაირი ქმარი კარგი იქნებოდა, ყურადღებიანი იყო... კიტრს რომ გათლიდა, შუაზე გაჭრიდა, ნახევარს თვითონ დაიდებდა, ნახევარს მე მომცემდა (იცინის).
- ქვეყნიდან გაქცეული მინისტრი ზურაბ ადეიშვილი რომ მოგადგეთ, დამმალეო, როგორ მოიქცევით?
- სხვათა შორის, მოზრდილი მანსარდა მაქვს გასარემონტებელი და შევთავაზებ, გაარემონტე და სამი წლით იცხოვრე-მეთქი. ფული მაგას აქვს და უგულავას ეგ ემეგობრება, დაამტკიცებინოს მერიაში პროექტი, გააკეთოს და იცხოვროს, მერე მაინც დაიჭერენ და მანსარდა შემრჩება გაკეთებული (იცინის).
- თბილისის მერად რომ დაგნიშნონ, რას გააკეთებდით?
- პირველ რიგში, გიგი უგულავას გამოვაძევებდი მერიის შენობიდან. ორი წლის განმავლობაში ვიარე მერიაში ფანჯრის გაჭრის ნებართვის ასაღებად და როგორც "დესტრუქციულ ძალას", არ მომცეს ნებართვა.
- როლანდ ახალაიამ სასიყვარულო წერილი რომ გამოგიგზავნოთ, რას უპასუხებთ?
- რაღა დროს ჩემი სიყვარულია, თან ახალაიასნაირი ტიპები ახალგაზრდობაშიც არ მომწონდა და ამ სიბერეში ხომ საერთოდ... არასდროს მომივიდოდა აზრად როლანდ ახალაიასთან თუნდაც გაარშიყება.
- რას აჩუქებდით საქართველოს პრეზიდენტს?
- დამჭკნარ ვარდს, რადგან დაჭკნა მისი ცხრაწლიანი პარპაში...
ფსიქოლოგის დასკვნა
მარიამ ღონღაძე, ფსიქოლოგი: - არ უყვარს ტყუილი და ვერ ეგუება უსამართლობას. საკმაოდ რადიკალურია, მაგრამ არის ერთგული მეგობარი.
ესაუბრა ნინო მაისურაძე
ყოველკვირეული გაზეთი "ყველა სიახლე"
- გასულ წელს სულ აღტყინებული და აფორიაქებული ვიყავი, არ ვიცოდი, ჩემს ქვეყანაში რა მოხდებოდა. როცა ბევრი შიშისგან თავის ნაჭუჭში ჩაიკეტა და ეგონათ, საქმე დუმილით მოგვარდებოდა, მე ჩემს გულისტკივილსა და ნაცმოძრაობის მოქმედებას ჟურნალ-გაზეთების ფურცლებიდან ვაპროტესტებდი. რეჟისორ კახა სულუაშვილის ათსერიიან ფილმ "ვარდენის ევოლუციაში" სააკაშვილის ბებიის როლიც კი ვითამაშე და ასე გავაშარჟე ე.წ. პრეზიდენტი. როგორც მსახიობმა, რაც შემეძლო, გავაკეთე და, ჩემი ჭკუით, უსამართლობისა და ბოროტების წინააღმდეგ ვიბრძოლე. ძალიან კარგი ფილმია, სააკაშვილის როლს მარჯანიშვილის თეატრის მსახიობი როლანდ ოქროპირიძე თამაშობს, მონაწილეობენ გივი და ზურა ბერიკაშვილები, ალეკო მახარობლიშვილი, ოთარ ბაღათურია და სხვები. გადაღებებისას მთელი საქართველო შემოვიარეთ, ჭორვილაშიც კი ვიყავით, სადაც ბიძინა ივანიშვილის დედა გავიცანით. არაჩვეულებრივი ქალბატონია და ბიძინაც ამიტომ არის კარგი ადამიანი. გადასაღებ მოედანზე ხალხი იკრიბებოდა, რომ შეიტყობდნენ, როლანდი პრეზიდენტის როლს თამაშობსო, აგინებდნენ. არადა, ისეთი კარგი ბიჭია, ლამის სააკაშვილიც კი შემაყვარა (იცინის).
- თანამდებობიდან მოხსნეს ნოდარ დუმბაძის სახელობის მოზარდ მაყურებელთა თეატრის მმართველი მიშა ანთაძე, რომელმაც რამდენიმე წლის წინ ამავე თეატრიდან სხვა მსახიობებთან ერთად თქვენც გაგიშვათ...
- მოხსნეს და დააკვირდით, როგორი პრეტენზია აქვს?! გამოდის და უსინდისოდ ამბობს, თეატრიდან იმიტომ გამაგდეს, გივი ბერიკაშვილის რძალი რომ დავითხოვეო. არადა, ბერიკაშვილის რძალი, მე და სხვა მსახიობები სამი წლის წინ გაგვიშვა თეატრიდან ამაზრზენი ბრალდებით - დესტრუქციული ძალების წარმომადგენლები არიან და საფრთხეს უქმნიან თეატრის არსებობასო. ამ განცხადებაზე, მსახიობების ნაცვლად, ხელი მეხანძრეებსა და თეატრში შემოყრილ თავის 35 ნათესავს მოაწერინა. ასე რომ, ანთაძე პოლიტიკური სარჩულით არ დაუთხოვიათ, ან რა პოლიტიკური სარჩული სჭირდება თეატრიდან უნიჭო კაცის გაშვებას, რომელმაც თეატრი დაანგრია და ბალაგანად აქცია?! ფარმაცევტი რეჟისორად დასვა, კადრები კი თავისი სანათესაოთი დააკომპლექტა. ვინც ამის გამო ხმა ავიმაღლეთ, დესტრუქციული ძალა გვიწოდა და თეატრიდან გაგვყარა. რა ჩემი საქმე იყო პოლიტიკა, მაგრამ იძულებული გამხადეს და თავიანთი უსამართლობით ჩამჩარეს ამ პოლიტიკაში. ანთაძე თეატრის მსახიობების შემცირებას აღარ დასჯერდა, სპექტაკლ "სამ გოჭში" გოჭებიც კი შეამცირა და სამის ნაცვლად ერთი დატოვა (იცინის). ალბათ, დანარჩენი ორი საახალწლოდ დაკლა და შეჭამა.
- დაბრუნდებით თეატრში?
- არ ვიცი. დამირეკეს და მითხრეს, სადღაც დაწერილა, პირველ რიგში, ამ თეატრში ხაფავას, ნათელა მაჭავარიანს, ოთარ ბაღათურიას, რევაზ თავართქილაძესა და ნათელა პაატაშვილს დავაბრუნებთო, ვნახოთ.
- ძველით ახალი წლის ღამეს თოვლის ბაბუის კოსტიუმში გამოწყობილი მიხეილ სააკაშვილი შინ რომ მოგადგეთ, როგორი რეაქცია გექნებათ?
- რას ამბობთ, სააკაშვილის სახე რომ არ დამენახა, კარგა ხანს ტელევიზორსაც არ ვრთავდი. ახლაღა დავიწყე გადაცემების ყურება და უცებ ჩემს სახლში რომ დავინახო, კინწისკვრით გავაგდებ. ყველზე მეტად, იცი, რა მწყინს? საზოგადოებრივ ტრანსპორტში რამდენჯერმე შევესწარი, ახალგაზრდები "ქართულ ოცნებაზე". ამბობდნენ, ეს როგორ გაგვიკეთეს, ჩვენ მოვიყვანეთ ხელისუფლებაში და სწავლის გადასახადი არ შეგვიმცირესო. მივუტრიალდი და ვუთხარი, ორ თვეში როგორ მოაგვარებენ ყველაფერს, ამას როგორ ამბობთ, შვილებო, ცოცხები გირჩევნიათ-მეთქი?! და გაჩუმდნენ. სტუდენტები მადლიერები რომ იყვნენ, მიშას იმპიჩმენტს წინ აღარაფერი დაუდგებოდა, მაგრამ მაინც ბავშვურად მსჯელობენ, ეგონათ, ივანიშვილი როგორც კი მოვიდოდა, ყველაფერი ექნებოდათ. ისინი ჯერ პატარები და მოუთმენლები არიან.
- ფილმში "სიყვარული ყველას უნდა", თქვენი მეორე მეუღლის, კოლას მსგავსი ქმარი რეალურად რომ გყოლოდათ, შეეგუებოდით?
- არა, რას ამბობთ, ლოთი ქმარი რად მინდა?! (იცინის) აი, კიასნაირი ქმარი კარგი იქნებოდა, ყურადღებიანი იყო... კიტრს რომ გათლიდა, შუაზე გაჭრიდა, ნახევარს თვითონ დაიდებდა, ნახევარს მე მომცემდა (იცინის).
- ქვეყნიდან გაქცეული მინისტრი ზურაბ ადეიშვილი რომ მოგადგეთ, დამმალეო, როგორ მოიქცევით?
- სხვათა შორის, მოზრდილი მანსარდა მაქვს გასარემონტებელი და შევთავაზებ, გაარემონტე და სამი წლით იცხოვრე-მეთქი. ფული მაგას აქვს და უგულავას ეგ ემეგობრება, დაამტკიცებინოს მერიაში პროექტი, გააკეთოს და იცხოვროს, მერე მაინც დაიჭერენ და მანსარდა შემრჩება გაკეთებული (იცინის).
- თბილისის მერად რომ დაგნიშნონ, რას გააკეთებდით?
- პირველ რიგში, გიგი უგულავას გამოვაძევებდი მერიის შენობიდან. ორი წლის განმავლობაში ვიარე მერიაში ფანჯრის გაჭრის ნებართვის ასაღებად და როგორც "დესტრუქციულ ძალას", არ მომცეს ნებართვა.
- როლანდ ახალაიამ სასიყვარულო წერილი რომ გამოგიგზავნოთ, რას უპასუხებთ?
- რაღა დროს ჩემი სიყვარულია, თან ახალაიასნაირი ტიპები ახალგაზრდობაშიც არ მომწონდა და ამ სიბერეში ხომ საერთოდ... არასდროს მომივიდოდა აზრად როლანდ ახალაიასთან თუნდაც გაარშიყება.
- რას აჩუქებდით საქართველოს პრეზიდენტს?
- დამჭკნარ ვარდს, რადგან დაჭკნა მისი ცხრაწლიანი პარპაში...
ფსიქოლოგის დასკვნა
მარიამ ღონღაძე, ფსიქოლოგი: - არ უყვარს ტყუილი და ვერ ეგუება უსამართლობას. საკმაოდ რადიკალურია, მაგრამ არის ერთგული მეგობარი.
ესაუბრა ნინო მაისურაძე
ყოველკვირეული გაზეთი "ყველა სიახლე"
