რატომ გადაბარგდა ორსული ნანკა კალატოზიშვილი საცხოვრებლად დედასთან

ყველასათვის საყვარელი მსახიობი და ტელეწამყვანი ნანკა კალატოზიშვილი შვილს გაზაფხულზე ელოდება. მისი შვილის მამა კალათბურთელი ირაკლი კედიაა. წყვილი უკვე რამდენიმე წელია ერთად ცხოვრობს, დაქორწინებას კი არ აპირებენ. "მე და კედოს არც ჯვარი გვაქვს დაწერილი და არც ხელი გვაქვს მოწერილი, ამის საჭიროებას ვერ ვხედავ, ჩვენ ისედაც ოჯახი ვართ. არ მივეკუთვნები ქალების იმ კატეგორიას, რომლებიც თეთრი კაბის ჩაცმაზე ოცნებობენ"-ამბობს ნანკა. მსახიობის ცხოვრება ჩვეული რიტმით მიმდინარეობს, წონაში მოიმატა, მაგრამ ძველ ტანსაცმრელში ჯერ ისევ ეტევა.

ნანკა კედოსთან ერთად საცხოვრებლად დედასთან გადავიდა. ეს დედას ინიციატივა იყო, რადგან დიასახლისობით არ გამოვირჩევიო. მომავალ დედას ოჯახი ძალიან ანებივრებს და ნანკაც სარგებლობს საკუთარი მდგომარეობით. მსახიობმა ბავშვის სქესი ჯერ არ იცის, ბოლო ექოსკოპიურ გამოკვლევაზე შეგნებულად არ იკითხა, არ მინდა შეცდნენ და მცდარი მოლოდინი მქონდესო. ნანკა კონსულტაციებზე სულ მარტო დადის, არასდროს მომწონდა ექიმებთან ჯგუფურად სიარული, დედას და კედოს უნდათ წამომყვნენ, მე კი წინააღმდეგი ვარო.

ნანკამ კლუბურ ცხოვრებაზეც უარი თქვა, ვცდილობ მინი "კედო" არ გავბურღო სიგარეტის ბოლითო. მსახიობი აღიარებს, რომ ადრე დედობისთვის მზად არ იყო, ახლა კი ფსიქოლოგიურადაც და მორალურადაც მზადაა. უკვე იმ ასაკში ვარ, რომ სიხარული და ბედნიერება ისე მივიღო როგორც საჭიროაო.