ირაკლი ფირცხალავამ კაბა მოირგო

რუსეთში მოღვაწე ქართველმა მომღერალმა, ირაკლი ფირცხალავამ კაბა მოირგო. ვარსკვლავმა ქვედაბოლო ახალი სიმღერის - Все будет ОК!-ის კლიპის გადასაღებ მოედანზე ჩაიცვა.

კლიპის გადაღებები მოსკოვში, ფოტოსტუდიაში მთელი ღამის განმავლობაში მიმდინარეობდა. ვიდეოში მონაწილეობა მიიღეს ირაკლის მეგობრებმა.

"ვიდეო სიმღერისთვის Все будет ОК! არის გადაღებული! დილის
8-ზე დავასრულეთ. ახლა ველოდები მონტაჟს", - დაწერა ფირცხალავამ მიკრობლოგ "ტვიტერზე".

მოგვიანებით მომღერალმა მიკრობლოგზე ფოტო გამოაქვეყნა, რომელზეც ირაკლი კლიპისთვის განკუთვნილ სამოსშია გამოწყობილი.

ირაკლი ფირცხალავას ახალი ვიდეოს პრემიერა თებერვლის დასაწყისში იგეგმება.