დაშორება ნაკლებად მტკივნეული რომ იყოს
4 432 ნახვა
არის ურთიერთობები, რომელთა გაგრძელება, ყოველგვარი მცდელობის მიუხედავად, შეუძლებელია და დაშორება გარდაუვალი ხდება. ეს პროცესი ნაკლებად მტკივნეული რომ იყოს, ფსიქოლოგთა მარტივი რჩევები გაითვალისწინეთ.
მასთან კონტაქტი გაწყვიტეთ
მკაცრად იკრძალება ნებისმიერი კონტაქტი ყოფილ მეგობართან, გარდა აუცილებელი შემთხვევებისა: ბავშვების თანდასწრებით ან ქონების გაყოფის დროს. არ უნდა დაურეკოთ მას ღამის 11 საათზე, რათა დარწმუნდეთ, ისიც იტანჯება თუ არა.
შეუბრალებლად დაწვით ყველა მისი წერილი და ფოტოსურათი, გარდა ერთისა, რომელზეც ყველაზე ცუდადაა აღბეჭდილი (რომ არ შეიბრალოთ) ან პირიქით, შეინახეთ ერთადერთი მისი ლამაზი ფოტო, რომ მასზე მხოლოდ დადებითი მოგონებები დაგრჩეთ.
ახალი კავშირისაგან თავი შეიკავეთ
დაშორებისთანავე სხვა მამაკაცთან ახალი რომანი არ გააჩაღოთ. უმჯობესია, სპორტის რომელიმე სახეობით დაკავდეთ.
შორს ალკოჰოლი
არავითარი ალკოჰოლი! სპირტიან სასმელებს სიკეთე არავისთვის მოაქვს; პრობლემის ერთი ადგილიდან მეორეზე უშედეგო გადაადგილების გარდა არაფერს მოგცემთ. ნებადართულია წყლის თერაპიის სახეობები. რაც შეიძლება მეტი წყალი დალიეთ და შხაპის ქვეშ დიდხანს გაჩერდით.
არ გალანძღოთ
ყოფილი მეგობრის მიმართ ყოველგვარი ლანძღვა-გინება იკრძალება. უფლება გაქვთ, ცოტა დაიჩივლოთ, მაგრამ ისიც მსუბუქად და მხოლოდ იმ ადამიანებთან, რომლებსაც მაქსიმალურად ენდობით. მთავარია, საკუთარ თავში ყოფილის დისკრედიტაცია მოახდინოთ. მასზე ცუდი არაფერი თქვათ, შეგიძლიათ, მხოლოდ იფიქროთ. ყოველთვის თან იქონიეთ ჩანაწერი ყველა იმ საზიზღრობისა, რაც გაგიკეთათ. თუ მასთან კონტაქტის აღდგენა გადაულახავ სურვილად გექცევათ, მასში ჩაიხედეთ.
ტირილი შეგიძლიათ
თუ გსურთ, მთელი დღე იტირეთ, ცრემლებს ხომ სამკურნალო ძალა აქვს - სიცოცხლის ხანგრძლივობას უზრუნველყოფს, კუჭის წყლულის გაჩენის რისკს ამცირებს და ტოქსინები გამოჰყავს.
გახალისდით და ახალ ადამიანად იქეცით
რომანის დამთავრების შემდეგ ყველაზე უსიამოვნო საკუთარი თავის ნეგატიური სახეა. მას ტკივილი მთლიანად ანგრევს. მაგრამ შეეცადეთ, ამჯერად საკუთარი განახლებული პორტრეტი დახატოთ. შეიგრძენით საკუთარი თავის ფასი. საკუთარ თავს ყოფილი მეგობრის თვალებით რომ აღარ უყუროთ, ფსიქოლოგები კიდევ ერთ ხერხს გთავაზობენ:
ფურცელზე სვეტში ჩამოწერეთ ყველაფერი ის, რასაც ხალხი თქვენში აფასებს: თქვენი ყველაზე დიდი ღირსებები, უცნაურობები, ყველაზე დიდი წარმატებები; დაბოლოს, ის, რისი გაკეთებაც მხოლოდ თქვენ შეგიძლიათ - საკუთარი თავის რწმენა იარებს მოაშუშებს და წინსვლის შანსს მოგცემთ.
ჟურნალი "რეიტინგი"
მასთან კონტაქტი გაწყვიტეთ
მკაცრად იკრძალება ნებისმიერი კონტაქტი ყოფილ მეგობართან, გარდა აუცილებელი შემთხვევებისა: ბავშვების თანდასწრებით ან ქონების გაყოფის დროს. არ უნდა დაურეკოთ მას ღამის 11 საათზე, რათა დარწმუნდეთ, ისიც იტანჯება თუ არა.
შეუბრალებლად დაწვით ყველა მისი წერილი და ფოტოსურათი, გარდა ერთისა, რომელზეც ყველაზე ცუდადაა აღბეჭდილი (რომ არ შეიბრალოთ) ან პირიქით, შეინახეთ ერთადერთი მისი ლამაზი ფოტო, რომ მასზე მხოლოდ დადებითი მოგონებები დაგრჩეთ.
ახალი კავშირისაგან თავი შეიკავეთ
დაშორებისთანავე სხვა მამაკაცთან ახალი რომანი არ გააჩაღოთ. უმჯობესია, სპორტის რომელიმე სახეობით დაკავდეთ.
შორს ალკოჰოლი
არავითარი ალკოჰოლი! სპირტიან სასმელებს სიკეთე არავისთვის მოაქვს; პრობლემის ერთი ადგილიდან მეორეზე უშედეგო გადაადგილების გარდა არაფერს მოგცემთ. ნებადართულია წყლის თერაპიის სახეობები. რაც შეიძლება მეტი წყალი დალიეთ და შხაპის ქვეშ დიდხანს გაჩერდით.
არ გალანძღოთ
ყოფილი მეგობრის მიმართ ყოველგვარი ლანძღვა-გინება იკრძალება. უფლება გაქვთ, ცოტა დაიჩივლოთ, მაგრამ ისიც მსუბუქად და მხოლოდ იმ ადამიანებთან, რომლებსაც მაქსიმალურად ენდობით. მთავარია, საკუთარ თავში ყოფილის დისკრედიტაცია მოახდინოთ. მასზე ცუდი არაფერი თქვათ, შეგიძლიათ, მხოლოდ იფიქროთ. ყოველთვის თან იქონიეთ ჩანაწერი ყველა იმ საზიზღრობისა, რაც გაგიკეთათ. თუ მასთან კონტაქტის აღდგენა გადაულახავ სურვილად გექცევათ, მასში ჩაიხედეთ.
ტირილი შეგიძლიათ
თუ გსურთ, მთელი დღე იტირეთ, ცრემლებს ხომ სამკურნალო ძალა აქვს - სიცოცხლის ხანგრძლივობას უზრუნველყოფს, კუჭის წყლულის გაჩენის რისკს ამცირებს და ტოქსინები გამოჰყავს.
გახალისდით და ახალ ადამიანად იქეცით
რომანის დამთავრების შემდეგ ყველაზე უსიამოვნო საკუთარი თავის ნეგატიური სახეა. მას ტკივილი მთლიანად ანგრევს. მაგრამ შეეცადეთ, ამჯერად საკუთარი განახლებული პორტრეტი დახატოთ. შეიგრძენით საკუთარი თავის ფასი. საკუთარ თავს ყოფილი მეგობრის თვალებით რომ აღარ უყუროთ, ფსიქოლოგები კიდევ ერთ ხერხს გთავაზობენ:
ფურცელზე სვეტში ჩამოწერეთ ყველაფერი ის, რასაც ხალხი თქვენში აფასებს: თქვენი ყველაზე დიდი ღირსებები, უცნაურობები, ყველაზე დიდი წარმატებები; დაბოლოს, ის, რისი გაკეთებაც მხოლოდ თქვენ შეგიძლიათ - საკუთარი თავის რწმენა იარებს მოაშუშებს და წინსვლის შანსს მოგცემთ.
ჟურნალი "რეიტინგი"
