გაზარდეთ ინტელექტ-კოეფიციენტი IQ 10 წუთში
3 259 ნახვა
თუ დიდხანს გვიწევს ერთი და იგივე სამუშაოს შესრულება, შემდეგ ძალიან გვიჭირს რაიმე ახალზე ყურადღების გადატანა.
ტვინის ვარჯიში ძალიან მარტივი და, ამავდროულად, ძალიან ეფექტურია. თანაც, ამის გაკეთება სადაც გნებავთ და როცა გნებავთ, მაშინ შეგიძლიათ: სახლში, ქუჩაში, შესვენებაზე, სადილის მომზადების და შხაპის მიღების დროსაც კი. ერთადერთი, რაც მოგეთხოვებათ - არ დაიზაროთ და შეასრულოთ გონების სავარჯიშოები ყოველდღე.
• რა თქმა უნდა, პირველ დღეებში მოგიწევთ, თავს ძალა დაატანოთ "ტვინის სავარჯიშოების" შესრულებაში, მაგრამ შეეცადეთ, პროცესს ისე მიუდგეთ, როგორც ერთგვარ თამაშს და თავად დარწმუნდებით, რა კარგად წავა საქმე. "გონიერი" სავარჯიშოები აღარ გამოიწვევს თქვენში უარყოფით ემოციებს. გასაკვირი არცაა, გართობამ როგორ შეიძლება გადაგღალოთ ან გაგაღიზიანოთ, ხომ მართალია?!
• ყველაზე დაუჯერებელი კი ის არის, რომ რაღაც დროის შემდეგ ეს ვარჯიშები თქვენი ცხოვრების განუყოფელი ნაწილი გახდება, ეს კი მხოლოდ სარგებელს მოგიტანთ. ის, რაც ცოტა ხნის წინ გიძნელდებოდათ, უპრობლემოდ დაძლევთ და ყველაფერს უსწრაფესად დაიმახსოვრებთ.
• მეტი იმოძრავეთ. მისდიეთ ცხოვრების აქტიურ წესს. იცურავეთ, ივარჯიშეთ, ბევრი ისეირნეთ სუფთა ჰაერზე. რაც უფრო ხშირად დაუთმობთ დროს ფიზკულტურას, მით უკეთესი თქვენთვის. სამსახურში შესვენების დროს ოფისში ნუ დარჩებით, გაიარ-გამოიარეთ ქუჩაში.
• მოდუნდით. მედიტაცია პანაცეაა სტრესის წინააღმდეგ, რომელიც ბლოკავს ტვინის მუშაობას. ადამიანები, რომლებიც ხშირად მიმართავენ მედიტაციას, უფრო ბედნიერები არიან. მათ შეუძლიათ სწრაფად ძალების და ენერგიის აღდგენა. უნარი სრულად მოდუნებისა, დღეში თუნდაც 15 წუთი, კარგად მოქმედებს ყურადღების გამახვილებასა და გარესამყაროსთან ჰარმონიული ურთიერთობის დამყარებაზე.
• ისუნთქეთ ღრმად. ეს ერთ-ერთი ყველაზე მარტივი და ეფექტური ვარჯიშია. ღრმა ჩასუნთქვა-ამოსუნთქვის დროს ორგანიზმი დუნდება, ხოლო ტვინი მეტ ჟანგბადს იღებს.
იკვებეთ სწორად!
• ყავა და შოკოლადი. გამოკვლევებმა აჩვენა, რომ ყავა და შოკოლადი შეუცვლელია, როდესაც საჭიროა სწრაფი კონცენტრირება და გადაწყვეტილების მიღება. თუმცა ტვინის მუშაობის ამგვარად სტიმულირება ყოველდღიურად რეკომენდებული არ არის.
• კრევეტები. ისინი ორგანიზმს ცხიმმჟავებით ამარაგებენ. ეს ნივთიერებები აუცილებელია ადამიანისთვის. ისინი მონაწილეობენ თავის ტვინისა და ნერვული სისტემის უჯრედების წარმოქმნაში. მას, ვინც ხშირად და სიამოვნებით მიირთმევს კრევეტებს, სხვებზე უკეთ შეუძლია რთული ამოცანების გადაჭრა და ისეთი სამუშაოს შესრულება, რომელიც დიდ ყურადღებას მოითხოვს.
• ფორთოხალი. ის ხელს უწყობს აღქმას C ვიტამინის ხარჯზე. საპასუხისმგებლო ღონისძიების წინ, რომელიც ყურადღებას და სწრაფ რეაქციას მოითხოვს, სასარგებლოა ერთი ჭიქა ფორთოხლის წვენის მიღება.
• თხილი. თხილი ეხმარება ადამიანებს ყურადღების მოკრებაში. მოხსენება გაქვთ წასაკითხი თუ საჭესთან დიდხანს მოგიწევთ ჯდომა? 50 გრ თხილი სწორედ დროულია!
ვარჯიში გონებისთვის
• შეხება. საღამოს გამორთეთ შუქი ბინაში - მეხსიერებით იარეთ ოთახებში. ეს ვარჯიში ავითარებს ყურადღებას და კონცენტრაციის უნარს. ასევე, შეეცადეთ, რკინის ფულის სხვადასხვა მონეტა მხოლოდ შეხებით განასხვაოთ. ეს სავარჯიშო მაშინ შეგიძლიათ გააკეთოთ, როდესაც ვინმეს ელოდებით. დრო უფრო სწრაფად გაივლის და ლოდინიც აღარ იქნება დამღლელი.
• შეცვალეთ ხელი! ანუ გამოიხეხეთ კბილები, გადაწმინდეთ მაგიდა, დაჭერით პური მხოლოდ იმ ხელით კი არა, რომლითაც ამ ყველაფერს ჩვეულებრივ აკეთებთ, არამედ ხელით, რომელიც ნაკლებაქტიურია.
• ინტერესების ჩანაცვლება. შეარჩიეთ ის ჟურნალები და გაზეთები, რომლებსაც არასდროს აქცევდით ყურადღებას და არც გაინტერესებდათ. მაგალითად, თუ მოდა გხიბლავთ, შეიძინეთ მანქანებისადმი მიძღვნილი ჟურნალი; მოგზაურობების შესახებ ცნობების შეგროვება გიყვართ? არა უშავს, ამჯერად ცხოველებით დაკმაყოფილდით.
• არომატები. შეიძინეთ ფლაკონები ეთერზეთებით ან ნებისმიერი არომატიზირებული საგნები. ყოველ დილით, როგორც კი გაიღვიძებთ, ჩაისუნთქეთ ახალი არომატი. ეს ტვინის "გამოღვიძებაში" დაგეხმარებათ.
სამახსოვრო
• შეისწავლეთ ენები. ეს ყველაზე მეტად დაგეხმარებათ გონების გააქტიურებაში და განავითარებს ასოციაციურ აზროვნებას. თქვენ უკეთ დაიმახსოვრებთ არა მარტო უცხო სიტყვებს, არამედ ფაქტებსაც და მოვლენებსაც ყოველდღიური ცხოვრებიდან, რომლებიც ადრე სულ გავიწყდებოდათ.
• იპოვეთ მოტივაცია. გიჭირთ სახელების და გვარების დამახსოვრება? შეეცადეთ წარმოიდგინოთ, რაში შეიძლება გამოგადგეთ ადამიანი, რომლის სახელსაც ვერაფრით იმახსოვრებთ. მოტივაციის ძიება ასტიმულირებს ტვინის მუშაობას და ახალი ნაცნობის სახელს უფრო იოლად დაიმახსოვრებთ.
თათია ბეჟიტაშვილი
ჟურნალი "და ქალი"
ტვინის ვარჯიში ძალიან მარტივი და, ამავდროულად, ძალიან ეფექტურია. თანაც, ამის გაკეთება სადაც გნებავთ და როცა გნებავთ, მაშინ შეგიძლიათ: სახლში, ქუჩაში, შესვენებაზე, სადილის მომზადების და შხაპის მიღების დროსაც კი. ერთადერთი, რაც მოგეთხოვებათ - არ დაიზაროთ და შეასრულოთ გონების სავარჯიშოები ყოველდღე.
• რა თქმა უნდა, პირველ დღეებში მოგიწევთ, თავს ძალა დაატანოთ "ტვინის სავარჯიშოების" შესრულებაში, მაგრამ შეეცადეთ, პროცესს ისე მიუდგეთ, როგორც ერთგვარ თამაშს და თავად დარწმუნდებით, რა კარგად წავა საქმე. "გონიერი" სავარჯიშოები აღარ გამოიწვევს თქვენში უარყოფით ემოციებს. გასაკვირი არცაა, გართობამ როგორ შეიძლება გადაგღალოთ ან გაგაღიზიანოთ, ხომ მართალია?!
• ყველაზე დაუჯერებელი კი ის არის, რომ რაღაც დროის შემდეგ ეს ვარჯიშები თქვენი ცხოვრების განუყოფელი ნაწილი გახდება, ეს კი მხოლოდ სარგებელს მოგიტანთ. ის, რაც ცოტა ხნის წინ გიძნელდებოდათ, უპრობლემოდ დაძლევთ და ყველაფერს უსწრაფესად დაიმახსოვრებთ.
• მეტი იმოძრავეთ. მისდიეთ ცხოვრების აქტიურ წესს. იცურავეთ, ივარჯიშეთ, ბევრი ისეირნეთ სუფთა ჰაერზე. რაც უფრო ხშირად დაუთმობთ დროს ფიზკულტურას, მით უკეთესი თქვენთვის. სამსახურში შესვენების დროს ოფისში ნუ დარჩებით, გაიარ-გამოიარეთ ქუჩაში.
• მოდუნდით. მედიტაცია პანაცეაა სტრესის წინააღმდეგ, რომელიც ბლოკავს ტვინის მუშაობას. ადამიანები, რომლებიც ხშირად მიმართავენ მედიტაციას, უფრო ბედნიერები არიან. მათ შეუძლიათ სწრაფად ძალების და ენერგიის აღდგენა. უნარი სრულად მოდუნებისა, დღეში თუნდაც 15 წუთი, კარგად მოქმედებს ყურადღების გამახვილებასა და გარესამყაროსთან ჰარმონიული ურთიერთობის დამყარებაზე.
• ისუნთქეთ ღრმად. ეს ერთ-ერთი ყველაზე მარტივი და ეფექტური ვარჯიშია. ღრმა ჩასუნთქვა-ამოსუნთქვის დროს ორგანიზმი დუნდება, ხოლო ტვინი მეტ ჟანგბადს იღებს.
იკვებეთ სწორად!
• ყავა და შოკოლადი. გამოკვლევებმა აჩვენა, რომ ყავა და შოკოლადი შეუცვლელია, როდესაც საჭიროა სწრაფი კონცენტრირება და გადაწყვეტილების მიღება. თუმცა ტვინის მუშაობის ამგვარად სტიმულირება ყოველდღიურად რეკომენდებული არ არის.
• კრევეტები. ისინი ორგანიზმს ცხიმმჟავებით ამარაგებენ. ეს ნივთიერებები აუცილებელია ადამიანისთვის. ისინი მონაწილეობენ თავის ტვინისა და ნერვული სისტემის უჯრედების წარმოქმნაში. მას, ვინც ხშირად და სიამოვნებით მიირთმევს კრევეტებს, სხვებზე უკეთ შეუძლია რთული ამოცანების გადაჭრა და ისეთი სამუშაოს შესრულება, რომელიც დიდ ყურადღებას მოითხოვს.
• ფორთოხალი. ის ხელს უწყობს აღქმას C ვიტამინის ხარჯზე. საპასუხისმგებლო ღონისძიების წინ, რომელიც ყურადღებას და სწრაფ რეაქციას მოითხოვს, სასარგებლოა ერთი ჭიქა ფორთოხლის წვენის მიღება.
• თხილი. თხილი ეხმარება ადამიანებს ყურადღების მოკრებაში. მოხსენება გაქვთ წასაკითხი თუ საჭესთან დიდხანს მოგიწევთ ჯდომა? 50 გრ თხილი სწორედ დროულია!
ვარჯიში გონებისთვის
• შეხება. საღამოს გამორთეთ შუქი ბინაში - მეხსიერებით იარეთ ოთახებში. ეს ვარჯიში ავითარებს ყურადღებას და კონცენტრაციის უნარს. ასევე, შეეცადეთ, რკინის ფულის სხვადასხვა მონეტა მხოლოდ შეხებით განასხვაოთ. ეს სავარჯიშო მაშინ შეგიძლიათ გააკეთოთ, როდესაც ვინმეს ელოდებით. დრო უფრო სწრაფად გაივლის და ლოდინიც აღარ იქნება დამღლელი.
• შეცვალეთ ხელი! ანუ გამოიხეხეთ კბილები, გადაწმინდეთ მაგიდა, დაჭერით პური მხოლოდ იმ ხელით კი არა, რომლითაც ამ ყველაფერს ჩვეულებრივ აკეთებთ, არამედ ხელით, რომელიც ნაკლებაქტიურია.
• ინტერესების ჩანაცვლება. შეარჩიეთ ის ჟურნალები და გაზეთები, რომლებსაც არასდროს აქცევდით ყურადღებას და არც გაინტერესებდათ. მაგალითად, თუ მოდა გხიბლავთ, შეიძინეთ მანქანებისადმი მიძღვნილი ჟურნალი; მოგზაურობების შესახებ ცნობების შეგროვება გიყვართ? არა უშავს, ამჯერად ცხოველებით დაკმაყოფილდით.
• არომატები. შეიძინეთ ფლაკონები ეთერზეთებით ან ნებისმიერი არომატიზირებული საგნები. ყოველ დილით, როგორც კი გაიღვიძებთ, ჩაისუნთქეთ ახალი არომატი. ეს ტვინის "გამოღვიძებაში" დაგეხმარებათ.
სამახსოვრო
• შეისწავლეთ ენები. ეს ყველაზე მეტად დაგეხმარებათ გონების გააქტიურებაში და განავითარებს ასოციაციურ აზროვნებას. თქვენ უკეთ დაიმახსოვრებთ არა მარტო უცხო სიტყვებს, არამედ ფაქტებსაც და მოვლენებსაც ყოველდღიური ცხოვრებიდან, რომლებიც ადრე სულ გავიწყდებოდათ.
• იპოვეთ მოტივაცია. გიჭირთ სახელების და გვარების დამახსოვრება? შეეცადეთ წარმოიდგინოთ, რაში შეიძლება გამოგადგეთ ადამიანი, რომლის სახელსაც ვერაფრით იმახსოვრებთ. მოტივაციის ძიება ასტიმულირებს ტვინის მუშაობას და ახალი ნაცნობის სახელს უფრო იოლად დაიმახსოვრებთ.
თათია ბეჟიტაშვილი
ჟურნალი "და ქალი"
