რჩევები თუ როგორ შევინარჩუნოთ თეთრი კბილები

მართალია, ჩაის ბევრი დადებითი თვისება გააჩნია, მაგრამ მაგარი ჩაის მოყვარულები კარგად უნდა დაფიქრდნენ. ჩაიში დიდი რაოდენობით შემავალი ტანინები აძლიერებენ მის პიგმენტაციას. ბევრად უწყინარია ღია ფერის ჩაი.
ბევრს ვერ წარმოუდგენია დილა ყავის გარეშე. ნადები კბილებზე ხსნადი ყავის მოყვარულების სასჯელია, ამ მხრივ საფრთხე ნაკლებად ემუქრება მათ, ვინც ნალექიან, ნატურალური მარცვლების ყავას ანიჭებს უპირატესობას. ყავის საღებავი თვისებების შემცირება შეიძლება მასში ნაღების ან რძის დამატებით, იგივე ითქმის ჩაიზეც.
გაზიან სასმელებში შემავალი მჟავები, შაქარი და საკვები საღებავები მომაკვდინებლად მოქმედებს კბილების მინანქარზე. სხვათაშორის, არც მოხდენილი გარეგნობისთვის მოაქვთ სიკეთე, რადგან შეიცავენ კონსერვანტებს, დამატკბობლებს, არომატიზატორებს, ემულგატორებს, სოდას, კოფეინს, ასევე კანცეროგენურ ნივთიერებებსა და სხვა არცთუ უსაფრთხო სტინულატორებს. ასევე მავნებელია გაზი, რომელიც კუჭის ლორწოვან გარსს აღიზიანებს.
ბროწეულის წვენი - მიუხედავად იმისა, რომ უამრავ სასარგებლო მჟავებს შეიცავს, უკიდურესად აგრესიულად მოქმედებს კბილის მინანქარზე. უმჯობესია, ბროწეულის წვენი წყალთან გაზავებული ან წვენის სასმელი მილაკით მივირთვათ.
ჭარხალი - ცნობილი ბუნებრივი საღებავია, იგი კბილის მინანქარსაც უცვლის ფერს.
კბილების გათეთრების შემდეგ სტომატოლოგები პაციენტებს ურჩევენ, პირველი სამი კვირის განმავლობაში თავი შეიკავონ ჭარხლის გამოყენებისგან.