ერთ-ერთი ყველაზე ლამაზი გოგო თბილისში...

თინეიჯერები ამბობენ, თბილისში ყველაზე ლამაზი გოგო ნინი ნებიერიძეაო. შესაბამისად, მას უამრავი თაყვანისმცემელი ჰყავს. მოდელის კარიერაც ადრეული ასაკიდან დაიწყო. ნინი ჯერ 16 წლისაა და ზუსტად იცის, რა უნდა ცხოვრებაში.
"პირWელი" ამ ულამაზესი გოგოს პერსონით დაინტერესდა. მაშ ასე, წარმოგიდგენთ ნინი ნებიერიძეს:

- 13 წლიდან დავიწყე მოდელობა, თუმცა ფოტოგრაფებისაგან შემოთავაზებები უფრო ადრეულ ასაკში მქონდა. მომწონს ეს საქმე, თუმცა საქართველოში მოდელობა უფრო გართობასთან ასოცირდება, ვიდრე პროფესიასთან... ამიტომ, საქართველოში კარიერის აწყობას არ ვაპირებ, საზღვარგარეთ წასვლას ვგეგმავ. შევეცდები ფესვები იქ გავიდგა, სადაც ამ პროფესიას სერიოზულად უყურებენ.

- შენ ერთ-ერთ ძალიან ლამაზ გოგოდ ითვლები, შენი სახელი და გვარი თითქმის ყველასთვის არის ცნობილია. ბუნებრივია, ამ დროს ბევრსაც ლაპარაკობენ... ბევრს ჭორაობენ შენზე?

- კი ჭორაობენ და ვღიზიანდები ხოლმე, როდესაც ახალი ჭორი მესმის. ხანდახან სრულიად გაოცებული ვრჩები, ისეთი რაღაცეები მესმის ჩემზე.


- ლამაზი გოგოს პირადი ცხოვრება ყოველთვის საინტერესოა, შეყვარებული ხომ არ ხარ? ან იქნებ ვინმე მოგწონს?

- არც შეყვარებული მყავს და არც არავინ მომწონს. სიმართლე გითხრათ, ამაზე ჯერ არ ვფიქრობ..

- ჩამომითვალე ის თვისებები, რომლებიც აუცილებლად უნდა ჰქონდეს შენს რჩეულს?

- ამ კითხვაზე ხშირად ერთი და იგივე პასუხი მესმის: ის რომ აუცილებლად მოსიყვარულე, მზრუნველი, ყურადღებიანი უნდა იყოს... ჩემთვის მთავარია ძალიან ვუყვარდე, დანარჩენი უკვე ინდივიდუალურია.

- რას ურჩევდი მას, ვისაც შენი "გულის დაპყრობა" სურს?


- ყველაფერი უნდა გააკეთოს იმისთვის, რომ მიზანს მიაღწიოს. მიზანდასახული ადამიანები მიყვარს.

- ნინი, რა არის შენი მთავარი მიზანი, რომლისკენაც მიდიხარ?

- ჯერჯერობით კარიერა. მერე ალბათ, ოჯახის შექმნაზე ვიფიქრებ. დიდი და ბედნიერი ოჯახი მინდა, ბევრი შვილით.

- მომიყევი შენი სამომავლო გეგმების შესახებ...

- ნიუ-იორკიდან რაღაც შემოთავაზებები მაქვს, ძალიან მინდა იქ წარმატების მიღწევა, ვნახოთ როგორ განვითარდება მოვლენები.
წყარო