"ტოპ გოგოს" განარჯვებული თაკო თალაკვაძე "კიკალა სტუდიოსგან" 100.000-ს ითხოვს
2 891 ნახვა
"რუსთავი 2"–ის რეალითი შოუ "ტოპ–გოგოს" გამარჯვებული თაკო თალაკვაძე სასამართლოში "კიკალა სტუდიო ტვ"–ის უჩივის ხელშეკრულების დარღვევისა და მორალური და ფიზიკური ზიანის მიყენების გამო. რეალითი შოუს ტელეკომპანიისთვის სწორედ ეს სტუდია ამზადებდა. მისი ხელმძღვანელი, რეჟისორი კიკალა, იგივე გიორგი კიკალიშვილი, თალაკვაძის საპასუხოდ ამბობს, რომ მის კომპანიას ხელშეკრულება არ დაურღვევია. თაკო თალაკვაძემ კი იმაზე მეტიც მიიღო, ვიდრე ეკუთვნოდა.
თაკოს მხარი დანარჩენმა მონაწილეებმაც აუბეს და გადაწყვიტეს, თავი სამართლებრივი გზით დაიცვან, ამისთვის მოდელთა დაცვის ორგანიზაცია ჩამოაყალიბეს. ამაში მათ ადამიანის უფლებათა დამცველი ლაშა ჩხარტიშვილი ეხმარება. თაკო თალაკვაძის ადვოკატობა ასევე მოდელმა ია სირანაშვილმა ითავა. სარჩელი სასამართლოში უკვე შევიდა. მოდელები "კიკალა სტუდიო ტვ"–ისგან 100 ათას ლარს ითხოვენ.
"სარკე" დაპირისპირებულ მხარეებს ესაუბრა. ისინი ერთმანეთს ათასგვარ ბრალდებას უყენებენ და უსინდისობაში ადანაშაულებენ.
თაკო თალაკვაძე: როცა პროექტისთვის შეგვარჩიეს, გვპირდებოდნენ, რომ აბსოლუტურად ყველას შესანიშნავი მომავალი გველოდა. კიკალა გვეუბნებოდა, რომ პირველად ვინც გავარდებოდა, იმ გოგოსაც კი არ დატოვებდნენ დახმარების და პრიზის გარეშე. ნებისმიერ ეტაპზე გავარდნილი გოგო წარმატებული იქნებოდა. ვითომ ისეთი პროექტის ავტორები იყვნენ, რომ მხოლოდ იქ მონაწილეობა კმაროდა, რათა წარმატებისთვის მიგვეღწია. ამას რომ თავი დავანებოთ, კონტრაქტში მითითებული იყო, რომ გამარჯვებულს უნდა ჰქონოდა შეხვედრები დიდი ბრიტანეთის წამყვან სამოდელო სააგენტოებთან. ერთ–ერთი უნდა ყოფილიყო "შტორმი", მის წარმომადგენლებს უნდა შევხვედროდით.
ლონდონში წაგვიყვანეს სამი ფინალისტი გოგო და გადამღები ჯგუფი, მაგრამ გამოვიდა, რომ მხოლოდ ექსკურსიაზე ვიყავით. იქ ერთადერთი, რაც გააკეთეს, ფოტოსესია იყო, რომლის პორტფოლიოები ჩვენთვის არც გადმოუციათ. მხოლოდ რამდენიმე დაბეჭდილი ფოტო მოგვცეს, სადაც საკუთარი თავიც კი ვერ ვიცანი. კონტრაქტში ეწერა, რომ ყველას უნდა მიგვეღო ფასიანი პრიზები. სინამდვილეში ერთადერთი პრიზი მე გადმომცეს – ჯინსის ქურთუკი. რომ გამოაცხადეს, ჯინსის ქურთუკი გადაეცემაო, თავი ისე შეურაცხყოფილად ვიგრძენი, არც შემიხედავს, როგორი იყო, ისე დავტოვე ლონდონში და ვუთხარი, რომ ვითომ წამოღება დამავიწყდა. მაშინ ჯერ კიდევ მეგონა, რომ რაღაც პერსპექტივა კიდევ მქონდა.
– "ტოპ გოგოს" გამარჯვებულის მთავარი პრიზი რა უნდა ყოფილიყო?
– სამოდელო სააგენტო "შტორმთან" უნდა მქონოდა შეხვედრები და იმათ უნდა დავესახელებინე საბოლოოდ გამარჯვებულად და, წესით, ხელშეკრულებაც უნდა გამეფორმებინა. ლონდონში ერთ–ერთ სალონში უნდა გვქონოდა შეხვედრა, მაგრამ ვერც ეს უზრუნველყვეს. მხოლოდ პრიზებზე არ არის საუბარი. 4 თვე ისეთ სახლში ვიყავით, სადაც ჩვენთან ერთად თაგვები ცხოვრობდნენ. ბოლოს სამ გამარჯვებულს ორი თვე ისევ იმ სახლში უნდა გვეცხოვრა, მაგრამ შინ გამოგვიშვეს და გაგვაფრთხილეს, რომ ეს ამბავი არ გაგვემხილა. სახლიდანაც იშვიათად გამოვსულიყავით, რომ ვინმეს არ შევემჩნიეთ. ანუ ქუჩაში გასვლა გვეკრძალებოდა, რომ არავის დავენახეთ. წესით, ლონდონში წასვლამდე იმ სახლში უნდა გვეცხოვრა. ასეთია ამ პროექტის წესი. ერთი პერიოდი ფიქრობდნენ, რომ სახლი სხვაგან დაექირავებინათ, მაგრამ გადაიფიქრეს. როგორც ჩანს, ზედმეტ ხარჯებს მოერიდნენ.
ლონდონში წასვლა რატომღაც იწელებოდა. ამ პერიოდში ჩვენი კვება და სხვა ხარჯებიც უნდა უზრუნველეყოთ. მთელი იმ ოთხი თვის განმავლობაში, როცა მართლა ვცხოვრობდით მათ სახლში, საკვებთან დაკავშირებით ძალიან დიდი პრობლემა იყო. ოჯახებიდან გვიგზავნიდნენ ჭამის ფულს. იმ ფულს დარაჯს ვატანდით და მას ამოჰქონდა ჩვენთვის პროდუქტები. ბევრჯერ ვიყიდე ჩემი ფულით სხვადასხვა ნივთი თუ საკვები, მაგალითად, კბილის პასტა. არასოდეს არაფერს ითვალისწინებდნენ. სპეციალურად უნდა დაგვერეკა და შეგვეხსენებინა, რომ საუზმე თუ ვახშამი თავის დროზე მოეტანათ, თორემ მშივრები ვრჩებოდით. არადა დიეტაზე ვიყავით და გათვლილი გვქონდა, როდის რა უნდა გვეჭამა. რომ ვეტყოდით, ბოლოს 6 საათზე ვჭამთ და ამის მერე აღარაფერს ვიღებთ–თქო, შეიძლებოდა, საჭმელი 7–8 საათზე და უფრო გვიანაც მოეტანათ...
იმდენად მძიმე პირობებში ვიყავით, მრცხვენია კიდეც ამაზე საუბარი. რამდენჯერ მშიერი დავწოლილვარ. ნატურალური წვენი აუცილებლად უნდა მიგვეღო, მაგრამ არ მოჰქონდათ, ალბათ სიძვირის გამო.
– ხომ შეგეძლოთ, ეს ყველაფერი კამერების წინ გაგეპროტესტებინათ?
– აზრი არ ჰქონდა, მაინც არ გაუშვებდნენ და პროექტიდან გამოგვაგდებდნენ. გარე სამყაროსთან ურთიერთობა არ გვქონდა. თუ ვინმეს დაველაპარაკებოდით, გვსჯიდნენ. ჟალუზებს აფარებდნენ და გარეთ გახედვის უფლება არ გვქონდა.
– ასეთი პირობების შესახებ ალბათ პროექტის დასაწყისშივე იცოდით და ვერ შეედავებით.
– კი, ვიცოდით და ამაზე არც ვდაობ, მაგრამ მინდა, აგიხსნათ, თუ როგორი ფსიქოლოგიური ზეწოლის ქვეშ გვიხდებოდა ცხოვრება. წესით, ყველა გოგო დაზღვეული უნდა ვყოფილიყავით, მაგრამ ესეც არ გაგვიკეთეს. უფრო მეტიც, კბილი ამტკივდა და ექიმთან არ წამიყვანეს. ზოგი თავისი ხარჯით მიდიოდა ექიმამდე. მე საშინლად მეშინია ნემსის. წარმოიდგინეთ, როგორ მტკიოდა, რომ კიკალამ თავად გამიკეთა ნემსი კუნთში და ამაზე დავთანხმდი. ექთანიც კი არ მოუყვანიათ.
– როცა პროექტში მიხვედით, რა მოლოდინები გქონდათ?
– რომელიმე უცხოურ სამოდელო სააგენტოში რომ მემუშავა, კარგი კონტრაქტით. ახლა კი არც სამსახური მაქვს და არც არაფერი. ერთადერთი, 150 ფუნტი დაგვირიგეს სამივეს, რომ ლონდონში შოპინგზე წავსულიყავით. მინდა, სამართალი ვიპოვო. ახლა მეორედ იწყებენ ამ პროექტს და არ მინდა, სხვასაც იგივე დაემართოს, თუმცა, რადგან მე ასეთი ამბავი ავტეხე, შეიძლება შეასრულონ კიდეც, რასაც შეჰპირდებიან. 2 წლის ბავშვი დავტოვე და ამ ვითომ პრესტიჟულ პროექტში შევედი. როცა დამთავრდა, საუბარიც კი მიჭირდა. ამდენი დაძაბულობა და სტრესი გამოვიარე და ყველაფრის გარეშე დავრჩი.
სანამ სასამართლომდე მივიდოდით, ადვოკატი მარინა კორძაძე დაელაპარაკა კიკალას და ის ცდილობდა, დრო გაეწელა. რაღაც უცნაური ამბები მოყვა. ვითომ მე რაღაც თანხა გადამიხადეს და დავკარგე. არადა, 150 ფუნტის გარდა, ერთი თეთრი ამიღია.
...
იურისტი ია სირანაშვილი ამბობს, რომ ზარალი, რომელიც თაკო თალაკვაძემ მიიღო, დაახლოებით 100 ათას ლარს შეადგენს. სასამართლოთი ისინი სწორედ ამ თანხის მიღებას ცდილობენ.
ია სირანაშვილი: სარჩელი უკვე შევიტანეთ სასამართლოში. სასამართლომ სარჩელი წარმოებაში მიიღო. ბაჟიც გადავიხადეთ და ველოდებით, რა მოხდება.
– ზარალის საკომპენსაციო თანხა – 100 ათასი – რის მიხედვით გამოთვალეთ?
– ეს იქიდან გამომდინარე დავთვალეთ, თუ რა თანხის პრიზები აქვთ მიღებული სხვა მსგავსი რეალითი შოუების მონაწილეებს. მაგალითად, პროექტების "უკანასკნელი გმირი", "ცეკვავენ ვარსკვლავები" და ა.შ. მონაწილეებს ბინები გადაეცათ, სხვებს – მანქანები, სასტუმროს ნომრები. ამას, რაც თაკოს თავს მოხდა, ხელშეკრულების შეუსრულებლობა და, აქედან გამომდინარე, ზიანის მიყენება ჰქვია. ეს მხოლოდ თაკოს თავს არ ხდება. საერთოდ ეს სფერო მონოპოლიზებულია და მოდელებს შრომა არ უნაზღაურდებათ. ისინი მიჩვეულები არიან მონურ შრომას. ამიტომაც, ჩვენი უფლებების დაცვის მიზნით, ჩამოვაყალიბეთ მოდელთა დაცვის ორგანიზაცია. თაკო ერთ–ერთი პირველია, ვინც ჩვენი მომსახურებით სარგებლობს. უკვე ბევრმა მოგვმართა.
ჩინეთში, მსოფლიოს ეროვნებათა შორის კონკურსში, ჩემი კონტაქტებით წავედი და 8 ტოპ გოგოს შორის აღმოვჩნდი. საქართველოს ასეთი წარმატება, მგონი, არც უნახავს. რომ დავბრუნდი, ტელეარხებმა ჩამწერეს, მაგრამ ეთერში არ გაუშვეს, რადგან მთელი ეს სფერო ია კიწმარიშვილს აქვს მონოპოლიზებული. საქართველოში ნებისმიერი მოდელი უკმაყოფილოა. თაკო კი პირველია, ვინც ხმა ამოიღო.
...
ია სირანაშვილს ადამიანის უფლებათადამცველ ლაშა ჩხარტიშვილთან ერთად სტუდია "ობიექტივში" გადაცემა "გარემო და ჩვენ" მიჰყავს. ჩხარტიშვილმა იქ შეიტყო მოდელების სკანდალის შესახებ და საქმეში ჩაერთო.
– იას შევთავაზე, რომ შეგვექმნა მოდელთა დაცვის ორგანიზაცია, რომ სხვა დროს მათი დაჩაგვრა ვეღარავინ გაბედოს, – გვიამბობს ლაშა ჩხარტიშვილი, – ჩემი შეფასებით, "ტოპ გოგოს" პროექტის ავტორებს თაღლითობამდე არაფერი უკლიათ. ამ დროს ისინი აქტიურ კონტრშეტევაზე გადმოვიდნენ და კამპანია დაიწყეს ჩემი, იას და თაკოს წინააღმდეგ. კიკალას სტუდია პირდაპირ კავშირშია ნაციონალურ მოძრაობასთან, მათი დანამატია. მითური ბიზნესია. პროექტი 4 თვე "რუსთავი 2"–ის ეთერში გადიოდა იმ დროს, რომელიც ძალიან ძვირი ღირს რეკლამის თვალსაზრისით. დარწმუნებული ვარ, "რუსთავი 2"–მაც და "კიკალა სტუდიო ტვ"–მაც ათეულათასობით დოლარი იშოვეს ამ გოგონების მონური შრომის ხარჯზე. ეს პროექტი დაემთხვა არჩევნების პერიოდს, როცა რეკლამის ერთი წუთი ღირდა 5 000 დოლარი. ამხელა შემოსავლის კვალობაზე, ისიც არ იკადრეს, რომ ეს გოგო ცნობილი სამოდელო სააგენტოებისთვის შეეხვედრებინათ. მწირი და ცინიკური პრიზები არ უნდა მიეცათ და შეურაცხყოფა არ უნდა მიეყენებინათ. საქმე ტრეფიკინგის მსგავს შემთხვევასთან გვაქვს და, ჩემი აზრით, ამ კიკალას ადგილი ციხეშია!
...
გიორგი კიკალიშვილი, რომელსაც მოდელები მათდამი უდიერ მოპყრობასა და მათი უფლებების დარღვევაში მთავარ დამნაშავედ ასახელებენ, ირწმუნება, რომ თაკო თალაკვაძე სხვების ზეგავლენის ქვეშ მოექცა და მისი უკმაყოფილება ამის შედეგია. გარდა ამისა, მას სხვა მიზანიც ამოძრავებს – პრესის ყურადღება მიიპყროს.
გიორგი კიკალიშვილი: მეც ვიჩივლებ ინტრიგანობისა და გამოძალვისთვის! თალაკვაძეს, როგორც ჩანს, მორალური და ფსიქიკური პრობლემები აქვს. დამთავრდა პროექტი და ახლა რისი გამოძალვა უნდა, რაში მაინტერესებს?!
– ხელშეკრულების დარღვევაში გადანაშაულებენ.
– ხელშეკრულება არ დაგვირღვევია! გოგონას მოუნდა თავისი თავის პიარი და თქვენ ეხმარებით ამაში. ეს არ იყო კომერციული პროექტი, სადაც ვიღაცამ ფული ჩადო და მერე ის უნდა აეღო. ამ გოგოზე ბევრი რამ დაიხარჯა, ბევრი რამ გავუკეთეთ, მაგრამ ხელი არაფერს მოჰკიდა, არც იმ პორტფოლიოებს, რაც საჩუქრად გადავეცით. მხოლოდ ეს პორტფოლიოები 7 ათას ლარამდე ღირებულების არის. ამ გოგოს ინტრიგანობა აინტერესებს და არა – მოდელობა და იმიჯი. ის ძალიან ცუდად იწყებს კარიერას. თავისი კი არა, სხვისი ჭკუით მოქმედებს. ვიღაცეებმა დაარიგეს, ასე ჯობიაო, ჩხარტიშვილებმა და ვიღაცეებმა გააბრიყვეს. ამ გოგოს ჩვენთან შრომითი ხელშეკრულება კი არ დაუდია, მხოლოდ პროექტის მონაწილე იყო.
– როგორც გამარჯვებულს, რა უნდა მიეღო? მგონი, ჰპირდებოდით, რომ რომელიმე ცნობილ სააგენტოში იმუშავებდა.
– ყველა სამოდელო სააგენტოში დაგზავნილია მისი მონაცემები და არავის ინტერესი გამოუწვევია. არც გაგვიბედავს, რომ ხელშეკრულების გაფორმებას დავპირებოდით. ლონდონში იყო, გადავიღეთ და ჩამოვიდა. ეს ფაქტია. საუბედუროდ, არავის აინტერესებს ეს გოგო და ეს უკვე ჩვენი პრობლემა აღარ არის.
– ანუ ამ პროექტის მიზანი რა იყო? ვერ შეარჩიეთ ისეთი მოდელი, რომელიც რომელიმე ცნობილ სამოდელო სააგენტოს დააინტერესებდა?
– დიახ, ასე გამოდის. მხოლოდ 13 გოგო მონაწილეობდა ამ გადაცემაში. არ ყოფილა კონკურსი და არ აგვიღია ესემეს–ებით ფული. მიიღო მონაწილეობა გადაცემაში, მიიღო ბევრი საჩუქარი, დიდი გამოცდილება. ის ჯინსის ქურთუკიც არ უნდა მიგვეცა! 200–200 ფუნტი გადავეცით გოგოებს და, როგორც ჩანს, ესეც არ უნდა გაგვეკეთებინა, რადგან ხელშეკრულებაში არ იდო. დაბადების დღეზე რომ მოვიდე თქვენთან, "ბანბანერკა" მოგიტანოთ და თქვენ რომ მეჩხუბოთ, ეს რა არისო, ისე მოსდის. რაც გაჩუქეთ, იმაზე მადლობა არ უნდა თქვათ?!
– მშივრები ვიყავითო, ამბობენ. კვება მოწესრიგებული ჰქონდათ?
– უბინძურესად იქცეოდნენ მაგ საკითხში. მშივრები კი არა, მაგრად ნაჭამები იყვნენ და თან ისე, რომ საჭმელი უფუჭდებოდათ, მატლები ეხვეოდა იმ საკვებს და მერე ჩვენ ვყრიდით. კახეთში, ხუთვარსკვლავიან სასტუმროში ცხოვრობდნენ და გაძლიერებულ კვებაზე იყვნენ. რა შიმშილი, ასეთი რამის თქმა როგორ შეიძლება?! მხოლოდ ორი გოგო აკეთებდა იქ საჭმელს, დანარჩენები ხელს არ ანძრევდნენ. ზღვაზეც დავასვენეთ, კარგადაც ვავარჯიშეთ, მოვამზადეთ. ენას ძვალი არ აქვს და ახლა, რაც უნდათ, იმას იტყვიან.
– კიდევ მუშაობთ ამ პროექტზე?
– რა თქმა უნდა! ეს საერთაშორისო პროექტია და გადავწყვიტეთ, პოსტსაბჭოთა ქვეყნებიდან ჩამოგვეყვანა გოგოები. უკვე დაწყებულია გადაღებები. ბალტიისპირელი, უკრაინელი, ბელორუსი გოგოები გვყავს შერჩეული ახალი პროექტისთვის. იქნებ იმათ მაინც დაინახონ, თორემ ქართველებისგან მადლობას ვერ ვეღირსეთ. მაგათ უნდათ "შუბა", ბრილიანტი... ჩვენ მათ შანსი მივეცით და ვერ გამოიყენეს. ეს გოგო ჩვენთან დიდი მადლობებით მოდიოდა. მერე გაქრა, ვიღაცამ ტვინი აურია და, რომ გამოჩნდა, მერე თქვა, მე უფრო მეტი მინდაო. ამ ინტრიგანთან ვიღა დაიჭერს საქმეს, რომელი პროდიუსერი?! სხვის ნამუშევარზე რომ იწყებ საკუთარი თავის პოპულარიზაციას, არასწორია.
დამიჯერეთ, შეგეცოდებოდათ თქვენი თავი, ამდენი სამუშაო რომ გაგეწიათ, მერე ვიღაც მოგტრიალებოდათ და ეთქვა, რატომ მაჩუქეთ ეს და არა – ისო. ეს იყო მასტერკლასი, რომელშიც გოგონები ფულს იხდიან სხვადასხვა სააგენტოში სიარულისას. ჩვენ ძალით ვერ მოვიყვანდით ამ პროექტში კარგ გოგონებს. უამრავი შესანიშნავი გოგოა, რომელსაც ამ პროექტში მონაწილეობა უნდა, მაგრამ მამები, ქმრები და შეყვარებულები არ უშვებენ. იცით, რამდენი კარგი გოგო დარჩა ამ პროექტის მიღმა ოჯახური პრობლემების გამო?! ასე ეუბნებოდნენ, ამ პროექტში შეხვალ და ერთმანეთს დავკარგავთო. ასე რომ, თაკო თალაკვაძე საქართველოს სახე არ არის! ჩვენ არ ვართ შუამავლები და მევახშეები, რომ მერე პროცენტი ავიღოთ. უბრალოდ გვინდა, აღმოვაჩინოთ ახალი სახეები სხვადასხვა სფეროში. პროექტი დამთავრდა თუ არა, თაკოს მაშინვე გამოუჩნდა სამუშაო და ფულიც აიღო ამაში. ერთ–ერთმა კომპანიამ დაპატიჟა და ჰონორარიც გადაუხადა, მაგრამ მერე გადაწყვიტა, ინტრიგანობით გაეგრძელებინა გზა.
გამოსაჯანსაღებელია ქართველი ხალხის ფსიქიკა, რაშიც მე და თქვენ უნდა შევიტანოთ დიდი წვლილი!
რუსუდან ადვაძე
თაკოს მხარი დანარჩენმა მონაწილეებმაც აუბეს და გადაწყვიტეს, თავი სამართლებრივი გზით დაიცვან, ამისთვის მოდელთა დაცვის ორგანიზაცია ჩამოაყალიბეს. ამაში მათ ადამიანის უფლებათა დამცველი ლაშა ჩხარტიშვილი ეხმარება. თაკო თალაკვაძის ადვოკატობა ასევე მოდელმა ია სირანაშვილმა ითავა. სარჩელი სასამართლოში უკვე შევიდა. მოდელები "კიკალა სტუდიო ტვ"–ისგან 100 ათას ლარს ითხოვენ.
"სარკე" დაპირისპირებულ მხარეებს ესაუბრა. ისინი ერთმანეთს ათასგვარ ბრალდებას უყენებენ და უსინდისობაში ადანაშაულებენ.
თაკო თალაკვაძე: როცა პროექტისთვის შეგვარჩიეს, გვპირდებოდნენ, რომ აბსოლუტურად ყველას შესანიშნავი მომავალი გველოდა. კიკალა გვეუბნებოდა, რომ პირველად ვინც გავარდებოდა, იმ გოგოსაც კი არ დატოვებდნენ დახმარების და პრიზის გარეშე. ნებისმიერ ეტაპზე გავარდნილი გოგო წარმატებული იქნებოდა. ვითომ ისეთი პროექტის ავტორები იყვნენ, რომ მხოლოდ იქ მონაწილეობა კმაროდა, რათა წარმატებისთვის მიგვეღწია. ამას რომ თავი დავანებოთ, კონტრაქტში მითითებული იყო, რომ გამარჯვებულს უნდა ჰქონოდა შეხვედრები დიდი ბრიტანეთის წამყვან სამოდელო სააგენტოებთან. ერთ–ერთი უნდა ყოფილიყო "შტორმი", მის წარმომადგენლებს უნდა შევხვედროდით.
ლონდონში წაგვიყვანეს სამი ფინალისტი გოგო და გადამღები ჯგუფი, მაგრამ გამოვიდა, რომ მხოლოდ ექსკურსიაზე ვიყავით. იქ ერთადერთი, რაც გააკეთეს, ფოტოსესია იყო, რომლის პორტფოლიოები ჩვენთვის არც გადმოუციათ. მხოლოდ რამდენიმე დაბეჭდილი ფოტო მოგვცეს, სადაც საკუთარი თავიც კი ვერ ვიცანი. კონტრაქტში ეწერა, რომ ყველას უნდა მიგვეღო ფასიანი პრიზები. სინამდვილეში ერთადერთი პრიზი მე გადმომცეს – ჯინსის ქურთუკი. რომ გამოაცხადეს, ჯინსის ქურთუკი გადაეცემაო, თავი ისე შეურაცხყოფილად ვიგრძენი, არც შემიხედავს, როგორი იყო, ისე დავტოვე ლონდონში და ვუთხარი, რომ ვითომ წამოღება დამავიწყდა. მაშინ ჯერ კიდევ მეგონა, რომ რაღაც პერსპექტივა კიდევ მქონდა.
– "ტოპ გოგოს" გამარჯვებულის მთავარი პრიზი რა უნდა ყოფილიყო?
– სამოდელო სააგენტო "შტორმთან" უნდა მქონოდა შეხვედრები და იმათ უნდა დავესახელებინე საბოლოოდ გამარჯვებულად და, წესით, ხელშეკრულებაც უნდა გამეფორმებინა. ლონდონში ერთ–ერთ სალონში უნდა გვქონოდა შეხვედრა, მაგრამ ვერც ეს უზრუნველყვეს. მხოლოდ პრიზებზე არ არის საუბარი. 4 თვე ისეთ სახლში ვიყავით, სადაც ჩვენთან ერთად თაგვები ცხოვრობდნენ. ბოლოს სამ გამარჯვებულს ორი თვე ისევ იმ სახლში უნდა გვეცხოვრა, მაგრამ შინ გამოგვიშვეს და გაგვაფრთხილეს, რომ ეს ამბავი არ გაგვემხილა. სახლიდანაც იშვიათად გამოვსულიყავით, რომ ვინმეს არ შევემჩნიეთ. ანუ ქუჩაში გასვლა გვეკრძალებოდა, რომ არავის დავენახეთ. წესით, ლონდონში წასვლამდე იმ სახლში უნდა გვეცხოვრა. ასეთია ამ პროექტის წესი. ერთი პერიოდი ფიქრობდნენ, რომ სახლი სხვაგან დაექირავებინათ, მაგრამ გადაიფიქრეს. როგორც ჩანს, ზედმეტ ხარჯებს მოერიდნენ.
ლონდონში წასვლა რატომღაც იწელებოდა. ამ პერიოდში ჩვენი კვება და სხვა ხარჯებიც უნდა უზრუნველეყოთ. მთელი იმ ოთხი თვის განმავლობაში, როცა მართლა ვცხოვრობდით მათ სახლში, საკვებთან დაკავშირებით ძალიან დიდი პრობლემა იყო. ოჯახებიდან გვიგზავნიდნენ ჭამის ფულს. იმ ფულს დარაჯს ვატანდით და მას ამოჰქონდა ჩვენთვის პროდუქტები. ბევრჯერ ვიყიდე ჩემი ფულით სხვადასხვა ნივთი თუ საკვები, მაგალითად, კბილის პასტა. არასოდეს არაფერს ითვალისწინებდნენ. სპეციალურად უნდა დაგვერეკა და შეგვეხსენებინა, რომ საუზმე თუ ვახშამი თავის დროზე მოეტანათ, თორემ მშივრები ვრჩებოდით. არადა დიეტაზე ვიყავით და გათვლილი გვქონდა, როდის რა უნდა გვეჭამა. რომ ვეტყოდით, ბოლოს 6 საათზე ვჭამთ და ამის მერე აღარაფერს ვიღებთ–თქო, შეიძლებოდა, საჭმელი 7–8 საათზე და უფრო გვიანაც მოეტანათ...
იმდენად მძიმე პირობებში ვიყავით, მრცხვენია კიდეც ამაზე საუბარი. რამდენჯერ მშიერი დავწოლილვარ. ნატურალური წვენი აუცილებლად უნდა მიგვეღო, მაგრამ არ მოჰქონდათ, ალბათ სიძვირის გამო.
– ხომ შეგეძლოთ, ეს ყველაფერი კამერების წინ გაგეპროტესტებინათ?
– აზრი არ ჰქონდა, მაინც არ გაუშვებდნენ და პროექტიდან გამოგვაგდებდნენ. გარე სამყაროსთან ურთიერთობა არ გვქონდა. თუ ვინმეს დაველაპარაკებოდით, გვსჯიდნენ. ჟალუზებს აფარებდნენ და გარეთ გახედვის უფლება არ გვქონდა.
– ასეთი პირობების შესახებ ალბათ პროექტის დასაწყისშივე იცოდით და ვერ შეედავებით.
– კი, ვიცოდით და ამაზე არც ვდაობ, მაგრამ მინდა, აგიხსნათ, თუ როგორი ფსიქოლოგიური ზეწოლის ქვეშ გვიხდებოდა ცხოვრება. წესით, ყველა გოგო დაზღვეული უნდა ვყოფილიყავით, მაგრამ ესეც არ გაგვიკეთეს. უფრო მეტიც, კბილი ამტკივდა და ექიმთან არ წამიყვანეს. ზოგი თავისი ხარჯით მიდიოდა ექიმამდე. მე საშინლად მეშინია ნემსის. წარმოიდგინეთ, როგორ მტკიოდა, რომ კიკალამ თავად გამიკეთა ნემსი კუნთში და ამაზე დავთანხმდი. ექთანიც კი არ მოუყვანიათ.
– როცა პროექტში მიხვედით, რა მოლოდინები გქონდათ?
– რომელიმე უცხოურ სამოდელო სააგენტოში რომ მემუშავა, კარგი კონტრაქტით. ახლა კი არც სამსახური მაქვს და არც არაფერი. ერთადერთი, 150 ფუნტი დაგვირიგეს სამივეს, რომ ლონდონში შოპინგზე წავსულიყავით. მინდა, სამართალი ვიპოვო. ახლა მეორედ იწყებენ ამ პროექტს და არ მინდა, სხვასაც იგივე დაემართოს, თუმცა, რადგან მე ასეთი ამბავი ავტეხე, შეიძლება შეასრულონ კიდეც, რასაც შეჰპირდებიან. 2 წლის ბავშვი დავტოვე და ამ ვითომ პრესტიჟულ პროექტში შევედი. როცა დამთავრდა, საუბარიც კი მიჭირდა. ამდენი დაძაბულობა და სტრესი გამოვიარე და ყველაფრის გარეშე დავრჩი.
სანამ სასამართლომდე მივიდოდით, ადვოკატი მარინა კორძაძე დაელაპარაკა კიკალას და ის ცდილობდა, დრო გაეწელა. რაღაც უცნაური ამბები მოყვა. ვითომ მე რაღაც თანხა გადამიხადეს და დავკარგე. არადა, 150 ფუნტის გარდა, ერთი თეთრი ამიღია.
...
იურისტი ია სირანაშვილი ამბობს, რომ ზარალი, რომელიც თაკო თალაკვაძემ მიიღო, დაახლოებით 100 ათას ლარს შეადგენს. სასამართლოთი ისინი სწორედ ამ თანხის მიღებას ცდილობენ.
ია სირანაშვილი: სარჩელი უკვე შევიტანეთ სასამართლოში. სასამართლომ სარჩელი წარმოებაში მიიღო. ბაჟიც გადავიხადეთ და ველოდებით, რა მოხდება.
– ზარალის საკომპენსაციო თანხა – 100 ათასი – რის მიხედვით გამოთვალეთ?
– ეს იქიდან გამომდინარე დავთვალეთ, თუ რა თანხის პრიზები აქვთ მიღებული სხვა მსგავსი რეალითი შოუების მონაწილეებს. მაგალითად, პროექტების "უკანასკნელი გმირი", "ცეკვავენ ვარსკვლავები" და ა.შ. მონაწილეებს ბინები გადაეცათ, სხვებს – მანქანები, სასტუმროს ნომრები. ამას, რაც თაკოს თავს მოხდა, ხელშეკრულების შეუსრულებლობა და, აქედან გამომდინარე, ზიანის მიყენება ჰქვია. ეს მხოლოდ თაკოს თავს არ ხდება. საერთოდ ეს სფერო მონოპოლიზებულია და მოდელებს შრომა არ უნაზღაურდებათ. ისინი მიჩვეულები არიან მონურ შრომას. ამიტომაც, ჩვენი უფლებების დაცვის მიზნით, ჩამოვაყალიბეთ მოდელთა დაცვის ორგანიზაცია. თაკო ერთ–ერთი პირველია, ვინც ჩვენი მომსახურებით სარგებლობს. უკვე ბევრმა მოგვმართა.
ჩინეთში, მსოფლიოს ეროვნებათა შორის კონკურსში, ჩემი კონტაქტებით წავედი და 8 ტოპ გოგოს შორის აღმოვჩნდი. საქართველოს ასეთი წარმატება, მგონი, არც უნახავს. რომ დავბრუნდი, ტელეარხებმა ჩამწერეს, მაგრამ ეთერში არ გაუშვეს, რადგან მთელი ეს სფერო ია კიწმარიშვილს აქვს მონოპოლიზებული. საქართველოში ნებისმიერი მოდელი უკმაყოფილოა. თაკო კი პირველია, ვინც ხმა ამოიღო.
...
ია სირანაშვილს ადამიანის უფლებათადამცველ ლაშა ჩხარტიშვილთან ერთად სტუდია "ობიექტივში" გადაცემა "გარემო და ჩვენ" მიჰყავს. ჩხარტიშვილმა იქ შეიტყო მოდელების სკანდალის შესახებ და საქმეში ჩაერთო.
– იას შევთავაზე, რომ შეგვექმნა მოდელთა დაცვის ორგანიზაცია, რომ სხვა დროს მათი დაჩაგვრა ვეღარავინ გაბედოს, – გვიამბობს ლაშა ჩხარტიშვილი, – ჩემი შეფასებით, "ტოპ გოგოს" პროექტის ავტორებს თაღლითობამდე არაფერი უკლიათ. ამ დროს ისინი აქტიურ კონტრშეტევაზე გადმოვიდნენ და კამპანია დაიწყეს ჩემი, იას და თაკოს წინააღმდეგ. კიკალას სტუდია პირდაპირ კავშირშია ნაციონალურ მოძრაობასთან, მათი დანამატია. მითური ბიზნესია. პროექტი 4 თვე "რუსთავი 2"–ის ეთერში გადიოდა იმ დროს, რომელიც ძალიან ძვირი ღირს რეკლამის თვალსაზრისით. დარწმუნებული ვარ, "რუსთავი 2"–მაც და "კიკალა სტუდიო ტვ"–მაც ათეულათასობით დოლარი იშოვეს ამ გოგონების მონური შრომის ხარჯზე. ეს პროექტი დაემთხვა არჩევნების პერიოდს, როცა რეკლამის ერთი წუთი ღირდა 5 000 დოლარი. ამხელა შემოსავლის კვალობაზე, ისიც არ იკადრეს, რომ ეს გოგო ცნობილი სამოდელო სააგენტოებისთვის შეეხვედრებინათ. მწირი და ცინიკური პრიზები არ უნდა მიეცათ და შეურაცხყოფა არ უნდა მიეყენებინათ. საქმე ტრეფიკინგის მსგავს შემთხვევასთან გვაქვს და, ჩემი აზრით, ამ კიკალას ადგილი ციხეშია!
...
გიორგი კიკალიშვილი, რომელსაც მოდელები მათდამი უდიერ მოპყრობასა და მათი უფლებების დარღვევაში მთავარ დამნაშავედ ასახელებენ, ირწმუნება, რომ თაკო თალაკვაძე სხვების ზეგავლენის ქვეშ მოექცა და მისი უკმაყოფილება ამის შედეგია. გარდა ამისა, მას სხვა მიზანიც ამოძრავებს – პრესის ყურადღება მიიპყროს.
გიორგი კიკალიშვილი: მეც ვიჩივლებ ინტრიგანობისა და გამოძალვისთვის! თალაკვაძეს, როგორც ჩანს, მორალური და ფსიქიკური პრობლემები აქვს. დამთავრდა პროექტი და ახლა რისი გამოძალვა უნდა, რაში მაინტერესებს?!
– ხელშეკრულების დარღვევაში გადანაშაულებენ.
– ხელშეკრულება არ დაგვირღვევია! გოგონას მოუნდა თავისი თავის პიარი და თქვენ ეხმარებით ამაში. ეს არ იყო კომერციული პროექტი, სადაც ვიღაცამ ფული ჩადო და მერე ის უნდა აეღო. ამ გოგოზე ბევრი რამ დაიხარჯა, ბევრი რამ გავუკეთეთ, მაგრამ ხელი არაფერს მოჰკიდა, არც იმ პორტფოლიოებს, რაც საჩუქრად გადავეცით. მხოლოდ ეს პორტფოლიოები 7 ათას ლარამდე ღირებულების არის. ამ გოგოს ინტრიგანობა აინტერესებს და არა – მოდელობა და იმიჯი. ის ძალიან ცუდად იწყებს კარიერას. თავისი კი არა, სხვისი ჭკუით მოქმედებს. ვიღაცეებმა დაარიგეს, ასე ჯობიაო, ჩხარტიშვილებმა და ვიღაცეებმა გააბრიყვეს. ამ გოგოს ჩვენთან შრომითი ხელშეკრულება კი არ დაუდია, მხოლოდ პროექტის მონაწილე იყო.
– როგორც გამარჯვებულს, რა უნდა მიეღო? მგონი, ჰპირდებოდით, რომ რომელიმე ცნობილ სააგენტოში იმუშავებდა.
– ყველა სამოდელო სააგენტოში დაგზავნილია მისი მონაცემები და არავის ინტერესი გამოუწვევია. არც გაგვიბედავს, რომ ხელშეკრულების გაფორმებას დავპირებოდით. ლონდონში იყო, გადავიღეთ და ჩამოვიდა. ეს ფაქტია. საუბედუროდ, არავის აინტერესებს ეს გოგო და ეს უკვე ჩვენი პრობლემა აღარ არის.
– ანუ ამ პროექტის მიზანი რა იყო? ვერ შეარჩიეთ ისეთი მოდელი, რომელიც რომელიმე ცნობილ სამოდელო სააგენტოს დააინტერესებდა?
– დიახ, ასე გამოდის. მხოლოდ 13 გოგო მონაწილეობდა ამ გადაცემაში. არ ყოფილა კონკურსი და არ აგვიღია ესემეს–ებით ფული. მიიღო მონაწილეობა გადაცემაში, მიიღო ბევრი საჩუქარი, დიდი გამოცდილება. ის ჯინსის ქურთუკიც არ უნდა მიგვეცა! 200–200 ფუნტი გადავეცით გოგოებს და, როგორც ჩანს, ესეც არ უნდა გაგვეკეთებინა, რადგან ხელშეკრულებაში არ იდო. დაბადების დღეზე რომ მოვიდე თქვენთან, "ბანბანერკა" მოგიტანოთ და თქვენ რომ მეჩხუბოთ, ეს რა არისო, ისე მოსდის. რაც გაჩუქეთ, იმაზე მადლობა არ უნდა თქვათ?!
– მშივრები ვიყავითო, ამბობენ. კვება მოწესრიგებული ჰქონდათ?
– უბინძურესად იქცეოდნენ მაგ საკითხში. მშივრები კი არა, მაგრად ნაჭამები იყვნენ და თან ისე, რომ საჭმელი უფუჭდებოდათ, მატლები ეხვეოდა იმ საკვებს და მერე ჩვენ ვყრიდით. კახეთში, ხუთვარსკვლავიან სასტუმროში ცხოვრობდნენ და გაძლიერებულ კვებაზე იყვნენ. რა შიმშილი, ასეთი რამის თქმა როგორ შეიძლება?! მხოლოდ ორი გოგო აკეთებდა იქ საჭმელს, დანარჩენები ხელს არ ანძრევდნენ. ზღვაზეც დავასვენეთ, კარგადაც ვავარჯიშეთ, მოვამზადეთ. ენას ძვალი არ აქვს და ახლა, რაც უნდათ, იმას იტყვიან.
– კიდევ მუშაობთ ამ პროექტზე?
– რა თქმა უნდა! ეს საერთაშორისო პროექტია და გადავწყვიტეთ, პოსტსაბჭოთა ქვეყნებიდან ჩამოგვეყვანა გოგოები. უკვე დაწყებულია გადაღებები. ბალტიისპირელი, უკრაინელი, ბელორუსი გოგოები გვყავს შერჩეული ახალი პროექტისთვის. იქნებ იმათ მაინც დაინახონ, თორემ ქართველებისგან მადლობას ვერ ვეღირსეთ. მაგათ უნდათ "შუბა", ბრილიანტი... ჩვენ მათ შანსი მივეცით და ვერ გამოიყენეს. ეს გოგო ჩვენთან დიდი მადლობებით მოდიოდა. მერე გაქრა, ვიღაცამ ტვინი აურია და, რომ გამოჩნდა, მერე თქვა, მე უფრო მეტი მინდაო. ამ ინტრიგანთან ვიღა დაიჭერს საქმეს, რომელი პროდიუსერი?! სხვის ნამუშევარზე რომ იწყებ საკუთარი თავის პოპულარიზაციას, არასწორია.
დამიჯერეთ, შეგეცოდებოდათ თქვენი თავი, ამდენი სამუშაო რომ გაგეწიათ, მერე ვიღაც მოგტრიალებოდათ და ეთქვა, რატომ მაჩუქეთ ეს და არა – ისო. ეს იყო მასტერკლასი, რომელშიც გოგონები ფულს იხდიან სხვადასხვა სააგენტოში სიარულისას. ჩვენ ძალით ვერ მოვიყვანდით ამ პროექტში კარგ გოგონებს. უამრავი შესანიშნავი გოგოა, რომელსაც ამ პროექტში მონაწილეობა უნდა, მაგრამ მამები, ქმრები და შეყვარებულები არ უშვებენ. იცით, რამდენი კარგი გოგო დარჩა ამ პროექტის მიღმა ოჯახური პრობლემების გამო?! ასე ეუბნებოდნენ, ამ პროექტში შეხვალ და ერთმანეთს დავკარგავთო. ასე რომ, თაკო თალაკვაძე საქართველოს სახე არ არის! ჩვენ არ ვართ შუამავლები და მევახშეები, რომ მერე პროცენტი ავიღოთ. უბრალოდ გვინდა, აღმოვაჩინოთ ახალი სახეები სხვადასხვა სფეროში. პროექტი დამთავრდა თუ არა, თაკოს მაშინვე გამოუჩნდა სამუშაო და ფულიც აიღო ამაში. ერთ–ერთმა კომპანიამ დაპატიჟა და ჰონორარიც გადაუხადა, მაგრამ მერე გადაწყვიტა, ინტრიგანობით გაეგრძელებინა გზა.
გამოსაჯანსაღებელია ქართველი ხალხის ფსიქიკა, რაშიც მე და თქვენ უნდა შევიტანოთ დიდი წვლილი!
რუსუდან ადვაძე
