როგორ გამოვიმუშავოთ ნებისყოფა
1 946 ნახვა
ნებისყოფა საჭირო და აუცილებელია ცხოვრების ყველა სფეროში. ნებისყოფა ის უნარია, რომელიც მუდმივად განვითარებას საჭიროებს. ნათქვამია, რომ წარმოსახვას და თვითდარწმუნებას დიდი ძალა აქვს. თუ საკუთარ თავს სისტემატურად დადებითად განაწყობთ, ნებისყოფის გამომუშავებით შეძლებთ, აკონტროლოთ საკუთარი წარმოსახვა.
კარგად განვითარებული ნებისყოფა დაგეხმარებათ, მთელი გონებით გადაერთოთ კონკრეტულ მიზანზე. თუ მიზნებსა და მისწრაფებებს ეტაპობრივად გაამრავალფეროვნებთ, წარმატებებსაც მიაღწევთ.
როგორ განვავითაროთ ნებისყოფა? ისარგებლეთ ჩვენი რჩევებით და გახდით წარმატებული.
• ეცადეთ, გააკეთოთ მეტი: ყოველდღიურად გაზარდეთ თქვენი საქმე თუნდაც მინიმალურად. წაიკითხეთ ერთი გვერდით მეტი, მეტი დრო დაუთმეთ პირად ჰიგიენაზე ზრუნვას, გაისეირნეთ 5–10 წუთით მეტი, ვიდრე განსაზღვრული გქონდათ.
• მიეჩვიეთ საკუთარი გადაწყვეტილებების პატივისცემას. თუ იმსჯელეთ და რამეს გაკეთება გადაწყვიტეთ – ნუ გადადებთ და დღესვე შეუდექით მის განხორციელებას.
• შეიცვალეთ უკეთესისკენ. ნუ დაემონებით საკუთარ ჩვევებს. გააკეთეთ იგივე, ოღონდ ცოტა განსხვავებულად და უჩვეულოდ. გამოიყენეთ შემოქმედებითი უნარები ყოველდღიურობის გასალამაზებლად.
• დაავალდებულეთ საკუთარი თავი, გამოიჩინეთ მეტი ძალისხმევა და პასუხისმგებლობა, რათა წამოწყებული საქმე ბოლომდე მიიყვანოთ.
• დაივიწყეთ პასიურობა და გააქტიურდით. სიზარმაცე ქმედებით ჩაანაცვლეთ. ნუ მიეცემით განცხრომას და დროს უქმად ნუ გააცდენთ.
• თუ რამე ერთხელ გამოგივიდათ – კიდევ სცადეთ. თუ მავნე ჩვევას ერთხელ შეეშვით, მაშინ მის საბოლოოდ დამარცხებასაც შეძლებთ.
• იტრიალეთ თქვენდამი კეთილგანწყობილი ადამიანების წრეში. იმეგობრეთ დადებით და გაწონასწორებულ პიროვნებებთან.
• ნებისყოფა სწრაფად არ გამომუშავდება. ნუ დანებდებით, თუ რაიმე არ გამოგივიდათ; ნუ დაიზარებთ, ყველაფერი თავიდან დაიწყოთ. თუ ჩავარდნა გაქვთ, ნუ დასვამთ წერტილს. ეს წერტილი ახალი წამოწყების ათვლის წერტილად აქციეთ და ნუ დაკარგავთ იმედს.
• ნებისყოფით სავსე ადამიანებს ვერ ამარცხებს წარუმატებლობა. ისინი ყველაფერს თავიდან იწყებენ, მეტი სურვილითა და ამბიციებით.
ინა ნერგაძე
კარგად განვითარებული ნებისყოფა დაგეხმარებათ, მთელი გონებით გადაერთოთ კონკრეტულ მიზანზე. თუ მიზნებსა და მისწრაფებებს ეტაპობრივად გაამრავალფეროვნებთ, წარმატებებსაც მიაღწევთ.
როგორ განვავითაროთ ნებისყოფა? ისარგებლეთ ჩვენი რჩევებით და გახდით წარმატებული.
• ეცადეთ, გააკეთოთ მეტი: ყოველდღიურად გაზარდეთ თქვენი საქმე თუნდაც მინიმალურად. წაიკითხეთ ერთი გვერდით მეტი, მეტი დრო დაუთმეთ პირად ჰიგიენაზე ზრუნვას, გაისეირნეთ 5–10 წუთით მეტი, ვიდრე განსაზღვრული გქონდათ.
• მიეჩვიეთ საკუთარი გადაწყვეტილებების პატივისცემას. თუ იმსჯელეთ და რამეს გაკეთება გადაწყვიტეთ – ნუ გადადებთ და დღესვე შეუდექით მის განხორციელებას.
• შეიცვალეთ უკეთესისკენ. ნუ დაემონებით საკუთარ ჩვევებს. გააკეთეთ იგივე, ოღონდ ცოტა განსხვავებულად და უჩვეულოდ. გამოიყენეთ შემოქმედებითი უნარები ყოველდღიურობის გასალამაზებლად.
• დაავალდებულეთ საკუთარი თავი, გამოიჩინეთ მეტი ძალისხმევა და პასუხისმგებლობა, რათა წამოწყებული საქმე ბოლომდე მიიყვანოთ.
• დაივიწყეთ პასიურობა და გააქტიურდით. სიზარმაცე ქმედებით ჩაანაცვლეთ. ნუ მიეცემით განცხრომას და დროს უქმად ნუ გააცდენთ.
• თუ რამე ერთხელ გამოგივიდათ – კიდევ სცადეთ. თუ მავნე ჩვევას ერთხელ შეეშვით, მაშინ მის საბოლოოდ დამარცხებასაც შეძლებთ.
• იტრიალეთ თქვენდამი კეთილგანწყობილი ადამიანების წრეში. იმეგობრეთ დადებით და გაწონასწორებულ პიროვნებებთან.
• ნებისყოფა სწრაფად არ გამომუშავდება. ნუ დანებდებით, თუ რაიმე არ გამოგივიდათ; ნუ დაიზარებთ, ყველაფერი თავიდან დაიწყოთ. თუ ჩავარდნა გაქვთ, ნუ დასვამთ წერტილს. ეს წერტილი ახალი წამოწყების ათვლის წერტილად აქციეთ და ნუ დაკარგავთ იმედს.
• ნებისყოფით სავსე ადამიანებს ვერ ამარცხებს წარუმატებლობა. ისინი ყველაფერს თავიდან იწყებენ, მეტი სურვილითა და ამბიციებით.
ინა ნერგაძე
