შერონ სტოუნი დღეში 200 000 დოლარად კირკოროვის საყვარელი გახდება

წლის ბოლოს კინოეკრანებზე პოპულარული რუსული კომედიის "სიყვარული დიდ ქალაქში" მესამე ნაწილი გამოვა. პირველ ორ სერიაში მთავარი გმირები ოჯახურ ბედნიერებას წმინდა ვალენტინის დახმარებით პოულობენ, რომელსაც რუსი მომღერალი ფილიპ კირკოროვი განასახიერებს. სცენარის მიხედვით, კირკოროვის გმირი პირველ ორ სერიაში მარტოხელაა. მესამე ნაწილში კი სცენარისტებმა ამ პრობლემის მოგვარება ჰოლივუდის მსახიობის, შერონ სტოუნის დახმარებით გადაწყვიტეს.

54 წლის კინოვარსკვლავი 400 000 დოლარის სანაცვლოდ კომედიის მესამე სერიაში გადაღებას დათანხმდა. სტოუნი ფილიპ კირკოროვის საყვარელს განასახიერებს. ფილმის გადაღებები ლას-ვეგასში მიმდინარეობს. წმინდა ვალენტინის საყვარლის როლზე კანდიდატურა პროდუსერმა შემთხვევით არ
შეარჩია. ცნობილია, რომ რუსი მომღერალი შერონ სტოუნის გულმხურვალე თაყვანისმცემელია.

როდესაც კომედიის პროდუსერმა მარიუს ვაისბერგმა ჰოლივუდის ვარსკვლავის მიმართ კირკოროვის დამოკიდებულების შესახებ შეიტყო, მსახიობის წარმომადგენლებს დაუკავშირდა და კონტრაქტი გააფორმა. გადასაღებ მოედანზე მსახიობის სამუშაო სულ ორ დღეს გაგრძელდება.

მომზადებულია eg.ru-ს მიხედვით.