სალომე შარვაძე დიეტებით ქმარს ნერვებს უშლის
2 723 ნახვა
27 წლის მსახიობი სალომე შარვაძე გათხოვების შემდეგ ზედმეტ 5 კილოგრამს მუდმივად ებრძვის. ამისთვის მკაცრ დიეტებს მიმართავს, მაგალითად, მთელი კვირა მხოლოდ წყალს იღებს. შედეგსაც აღწევს, მაგრამ მერე ტორტის ერთი ნაჭერი ამ გარჯას წყალში უყრის. ახალგაზრდა მსახიობი გარეგნობაში ექსპერიმენტებს არ ერიდება. ახლახან ავტორუჯი ახალი მეთოდით მიიღო, მაგრამ არ გაუმართლა, კანი აუჭრელდა. ყველაზე დიდ ცვლილებებს კი 30 წლის ასაკისთვის გეგმავს – თმის ყვითლად შეღებვას და პლასტიკურ ქირურგებთან ვიზიტს აპირებს.
– სალომე, რატომღაც მგონია, რომ სარკეს დიდ დროს უთმობთ – ჩაცმას მაკიაჟის გაკეთებას.
– თუ განწყობაზე არ ვარ და სახლიდან გასვლა არ მინდა, მაშინ სარკის წინ მართლაც საათობით ვდგავარ. ბოლოს რაც ხელში მომხვდება, იმას ვიცვამ და სახლიდან ისე გავდივარ. მერე დისკომფორტს ვგრძნობ და ისევ შინ ვბრუნდები გამოსაცვლელად.
– ანუ თქვენი გარეგნული იერის მიხედვით შეგვიძლია გავიგოთ, როგორ ხასიათზე ხართ.
– კი, ასეთ დროს თმა უბრალოდ უკან მაქვს გადაწეული და შეკრული. ხანდახან ისეთ ფორმაში ვარ, ვერავინ მცნობს. სულ ვამბობ, რომ ორი ცხოვრება მაქვს – როცა კარგად გამოვიყურები და როცა უბრალოდ მაცვია. თუ ჩემს შვილთან, 5 წლის მართასთან ერთად ვარ, კედებით დავდივარ, რადგან უკან ბევრი უნდა ვსდიო.
– შვილის გაჩენის შემდეგ საკუთარი თავისთვის ცოტა დრო გრჩებათ?
– საკუთარ თავს უფლებას ვერ ვაძლევ, ფორმაში არ ვიყო. თითქმის ყოველთვის მოწესრიგებული ვარ. ის, რომ გცნობენ, გარკვეულ ზეგავლენას ახდენს, ჩვეულებრივად ვეღარ დადიხარ. ძალიან უკვირთ, როცა ბაზრობაზე მხედავენ. ჰგონიათ, რომ ცნობადმა სახეებმა იქ არ უნდა იარონ.
– ყველაზე კრიტიკულად რას უდგებით საკუთარ გარეგნობაში?
– თუ წონაში მომატებული ვარ, მანერვიულებს. წონას ვერ ვარეგულირებ, ვერც ვინარჩუნებ. რაც გავთხოვდი, ზედმეტ 5 კილოს მუდმივად ვებრძვი.
– რა ხერხებით ებრძვით?
– სასტიკი დიეტებით. ქმარი სულ ამის გამო მეჩხუბება, მეუბნება, რომ არ შეიძლება ისეთი დიეტების დაცვა, როგორსაც მე ვირჩევ. ერთ დღეს ვიტყვი, რომ ერთი კვირა მარტო წყალზე ვიქნები. დიეტის მერე სადმე წავალ, კარგ ტორტს გეახლებით და თავიდან იწყება ყველაფერი. ერთი პერიოდი მასაჟებს ვიკეთებდი და დიეტოლოგთან დავდიოდი. თუ ექიმს დაუჯერებ, კარგ შედეგს მიიღებ. მე, როგორც კი ორთვიან დიეტას ვასრულებ, მერე გემრიელ კერძებზე უარის თქმა მიჭირს. როცა ზედმეტი კილოგრამები გაწუხებს, სწორად ჩაცმა უნდა შეგეძლოს, რომ ნაკლი დაფარო.
ახლა გადავწყვიტე, საერთოდ არ ვიფიქრო ამ თემაზე და მგონია, რომ უფრო გავხდები. ფილმის "ჩემი ცოლის დაქალის ქორწილი" გადაღებისას ზედმეტი წონის გამო ძალიან ვნერვიულობდი და, საბედნიეროდ, სასურველ შედეგს მივაღწიე, დავიკელი.
– როგორ უნდა დაფაროს ზედმეტი კილოგრამები გოგონამ, რომელსაც ტიპური ქართული პრობლემა აქვს – სავსე თეძოები.
– ვისაც თეძოების პრობლემა აქვს, დაბალწელიანი და ტანზე მომდგარი შარვლები არ უნდა ატაროს. უპირატესობა გრძელ, თავისუფალ მაისურებს უნდა მიანიჭოს. სამ და ოთხ კილოს სწორად შერჩეული სამოსით თავისუფლად დაფარავ.
– სალომე, გარეგნობაზე ექსპერიმენტების ჩატარება გიყვართ?
– კი, ძალიან მიყვარს. ახლა კანი აჭრელებული მაქვს ზუსტად ექსპერიმენტის შედეგად, რადგან რუჯის ახალი სტილით მიღება ვცადე – შევისხი. რატომღაც ცუდი შედეგი მივიღე. თმა ბევრჯერ შემიღებავს. ვერ ვიტან ერთი და იმავე იმიჯით დიდხანს სიარულს. ჩემს სურათებს რომ ვათვალიერებ, მეცინება, იმიტომ, რომ სულ სხვადასხვანაირი ვარ. თმის ყვითლად შეღებვა კი არასოდეს მიცდია. 30 წლის მერე ამასაც გავაკეთებ. ისე, არ ვიცი, ამ ასაკს რატომ ვუცდი.
სტუდენტობისას ერთ ცნობილ ავანგარდისტ სტილისტს ვთხოვე, თმა ისე შემჭერი, დამეტყოს–მეთქი. სამ წუთში სალონიდან პანკი გოგო გამოვედი – გვერდებზე აპარსული თმით, შუბლზე ქოჩრით და უკან შეკრული ბოლოთი. ყველა მე მიყურებდა. სხვათა შორის, მომეწონა და ეს ვარცხნილობა მოვირგე, ყურიც კი გავიხვრიტე დამატებით. მერე მეგობარმა გოგომ მთხოვა, მეც მინდა ვარცხნილობის ამგვარად შეცვლაო. იმ სტილისტმა მას შუაში გადაპარსა თმა და მხოლოდ გვერდებზე დაუტოვა. ტიროდა, ისე არ მოეწონა. თან იურდიულზე სწავლობდა და საზღვარგარეთ აპირებდა გაცვლითი პროგრამით წასვლას. სურათის გადასაღებად პარიკის მორგება მოუწია.
ჩემს შვილზეც მიყვარს ექსპერიმენტების ჩატარება, მაგრამ დედა მიშლის. მაგალითად, ახლა მინდოდა, მისთვის თმა შემეჭრა და გვერდზე ამეპარსა, მაგრამ გადავიფიქრე.
– მართა პრანჭია გოგოა?
– კი, ჩემს კოსმეტიკას და ტანსაცმელს ძალიან ემტერება, ხან დამტვრეული მხვდება რაღაც, ხან – გაფუჭებული. ამას წინათ სადღაც ვიყავი წასული და სახლში რომ დავბრუნდი, მართა ჩემს სამოსში დამხვდა გამოწყობილი, მაკიაჟი ეკეთა და მაღალქუსლიანი ფეხსაცმელები ეცვა.
– ახლა რომ თავგადაპარსული დაბრუნდეთ სახლში, ქმარს რა რეაქცია ექნება?
– ჩემი მეუღლე არაფერს მიშლის, მხოლოდ იმას აპროტესტებს, როცა მკაცრ დიეტაზე ვდგები. წითელი თმით რომ დავბრუნდე სახლში, რეაქცია არ ექნება. ერთი პერიოდი ცხვირის გახვრეტა და ტატუს გაკეთება მინდოდა. ამაზეც არ ჰქონდა პრობლემა, უბრალოდ მერე გადავიფიქრე. სადღაც გავიგე, რომ ქმარი ცოლისგან მოითხოვდა, გამოპრანჭული და მოწესრიგებული დახვედროდა სახლში. ასეთი რამ ჩემთვის სისულელეა. ქალი მოწესრიგებული უნდა იყოს, მაგრამ სახლში მაღალ ქუსლებზე და მაკიაჟით ვერ ვივლი. ნორმალური ქმარი მყავს, ჩემგან სასწაულებს არ ითხოვს. ვულგარულად, რა თქმა უნდა, არ ჩამაცმევს, თუმცა მე თვითონაც არ ვიცვამ ასე.
– გიფიქრიათ პლასტიკური ქირურგის დანის ქვეშ დაწოლაზე?
– ჯერ – არა და ასაკის მატებასთან ერთად ალბათ ყველანაირ ოპერაციას გავიკეთებ. არ მესმის იმ გოგოების, რომლებიც მოდის გამო იკეთებენ ოპერაციებს. ზოგს კეხიანი ცხვირი უფრო უხდება, ვიდრე მოჭრილი და ჩამოთხელებული.
– შინაურ რეცეპტებს თავის მოსავლელად იყენებთ?
– ხანდახან მომწონს, მაგრამ ამას დრო და ენერგია სჭირდება. ბებო ფარმაცევტი მყავდა. სახის საცხებს სულ თვითონ ამზადებდა და ასე უვლიდა თავს. ჩვენი თაობა გაზარმაცებულია. შევალთ და ვიყიდით ძვირადღირებული ბრენდის პროდუქციას, რომელმაც შეიძლება ისეთი ალერგია გამოიწვიოს, როგორც მე დამემართა რამდენიმე ხნის წინ.
– მაშინ სცადეთ და ბებოს რეცეპტები გამოიყენეთ.
– სამწუხაროდ, ბებოს რეცეპტები არ ვიცი. ერთხელ გამოვიყენე თმის ნიღბად კვერცხი და მაიონეზი, ხოლო კანისთვის – მაწონი. სულ ეს იყო.
– კანს როგორ უვლით?
– კოსმეტოლოგი მყავს, მაგრამ მასთან ისე იშვიათად დავდივარ, რომ მრცხვენია. ვიყენებ მკვებავს და ვცდილობ, მაკიაჟით არ დავიძინო. ერთხელ გადაღებიდან ისეთი დაღლილი დავბრუნდი, ტახტზე ჩამეძინა მაკიაჟით. მეორე დღეს კანი გაღიზიანებული მქონდა.
– როგორია თქვენი მაკიაჟი?
– ძალიან მიყვარს სადა მაკიაჟი. არ მომწონს, როცა წითელი პომადა და ამოშავებული თვალები ერთად აქვთ. ბევრი მაკიაჟი ეკრანზეც არ მიხდება. კორექტორს ვიყენებ, რადგან ხშირად უძილობისგან თვალები მაქვს ჩაშავებული. საერთოდ მოუხერხებელი ვარ. ამდენი ხანია მაკიაჟს მიკეთებენ და ახლახან ვისწავლე ტონალურის წასმა.
– რა არის თქვენთვის აუცილებელი ატრიბუტი ან დეტალი, რის გარეშეც სახლიდან არ გახვალთ?
– ისტერიკა მემართება მაშინ, თუ წარბების გაკეთებას ვერ ვახერხებ. თავად არ შემიძლია, მათ ფორმა მივცე, ამიტომ სტილისტთან დავდივარ. ქალი ყველანაირად მოწესრიგებული უნდა იყოს, მაგრამ ხანდახან არის მომენტი, როცა სრულყოფილად ფორმაში ყოფნა ამა თუ იმ მიზეზის გამო არ გამოდის.
მანანა ნოდია
– სალომე, რატომღაც მგონია, რომ სარკეს დიდ დროს უთმობთ – ჩაცმას მაკიაჟის გაკეთებას.
– თუ განწყობაზე არ ვარ და სახლიდან გასვლა არ მინდა, მაშინ სარკის წინ მართლაც საათობით ვდგავარ. ბოლოს რაც ხელში მომხვდება, იმას ვიცვამ და სახლიდან ისე გავდივარ. მერე დისკომფორტს ვგრძნობ და ისევ შინ ვბრუნდები გამოსაცვლელად.
– ანუ თქვენი გარეგნული იერის მიხედვით შეგვიძლია გავიგოთ, როგორ ხასიათზე ხართ.
– კი, ასეთ დროს თმა უბრალოდ უკან მაქვს გადაწეული და შეკრული. ხანდახან ისეთ ფორმაში ვარ, ვერავინ მცნობს. სულ ვამბობ, რომ ორი ცხოვრება მაქვს – როცა კარგად გამოვიყურები და როცა უბრალოდ მაცვია. თუ ჩემს შვილთან, 5 წლის მართასთან ერთად ვარ, კედებით დავდივარ, რადგან უკან ბევრი უნდა ვსდიო.
– შვილის გაჩენის შემდეგ საკუთარი თავისთვის ცოტა დრო გრჩებათ?
– საკუთარ თავს უფლებას ვერ ვაძლევ, ფორმაში არ ვიყო. თითქმის ყოველთვის მოწესრიგებული ვარ. ის, რომ გცნობენ, გარკვეულ ზეგავლენას ახდენს, ჩვეულებრივად ვეღარ დადიხარ. ძალიან უკვირთ, როცა ბაზრობაზე მხედავენ. ჰგონიათ, რომ ცნობადმა სახეებმა იქ არ უნდა იარონ.
– ყველაზე კრიტიკულად რას უდგებით საკუთარ გარეგნობაში?
– თუ წონაში მომატებული ვარ, მანერვიულებს. წონას ვერ ვარეგულირებ, ვერც ვინარჩუნებ. რაც გავთხოვდი, ზედმეტ 5 კილოს მუდმივად ვებრძვი.
– რა ხერხებით ებრძვით?
– სასტიკი დიეტებით. ქმარი სულ ამის გამო მეჩხუბება, მეუბნება, რომ არ შეიძლება ისეთი დიეტების დაცვა, როგორსაც მე ვირჩევ. ერთ დღეს ვიტყვი, რომ ერთი კვირა მარტო წყალზე ვიქნები. დიეტის მერე სადმე წავალ, კარგ ტორტს გეახლებით და თავიდან იწყება ყველაფერი. ერთი პერიოდი მასაჟებს ვიკეთებდი და დიეტოლოგთან დავდიოდი. თუ ექიმს დაუჯერებ, კარგ შედეგს მიიღებ. მე, როგორც კი ორთვიან დიეტას ვასრულებ, მერე გემრიელ კერძებზე უარის თქმა მიჭირს. როცა ზედმეტი კილოგრამები გაწუხებს, სწორად ჩაცმა უნდა შეგეძლოს, რომ ნაკლი დაფარო.
ახლა გადავწყვიტე, საერთოდ არ ვიფიქრო ამ თემაზე და მგონია, რომ უფრო გავხდები. ფილმის "ჩემი ცოლის დაქალის ქორწილი" გადაღებისას ზედმეტი წონის გამო ძალიან ვნერვიულობდი და, საბედნიეროდ, სასურველ შედეგს მივაღწიე, დავიკელი.
– როგორ უნდა დაფაროს ზედმეტი კილოგრამები გოგონამ, რომელსაც ტიპური ქართული პრობლემა აქვს – სავსე თეძოები.
– ვისაც თეძოების პრობლემა აქვს, დაბალწელიანი და ტანზე მომდგარი შარვლები არ უნდა ატაროს. უპირატესობა გრძელ, თავისუფალ მაისურებს უნდა მიანიჭოს. სამ და ოთხ კილოს სწორად შერჩეული სამოსით თავისუფლად დაფარავ.
– სალომე, გარეგნობაზე ექსპერიმენტების ჩატარება გიყვართ?
– კი, ძალიან მიყვარს. ახლა კანი აჭრელებული მაქვს ზუსტად ექსპერიმენტის შედეგად, რადგან რუჯის ახალი სტილით მიღება ვცადე – შევისხი. რატომღაც ცუდი შედეგი მივიღე. თმა ბევრჯერ შემიღებავს. ვერ ვიტან ერთი და იმავე იმიჯით დიდხანს სიარულს. ჩემს სურათებს რომ ვათვალიერებ, მეცინება, იმიტომ, რომ სულ სხვადასხვანაირი ვარ. თმის ყვითლად შეღებვა კი არასოდეს მიცდია. 30 წლის მერე ამასაც გავაკეთებ. ისე, არ ვიცი, ამ ასაკს რატომ ვუცდი.
სტუდენტობისას ერთ ცნობილ ავანგარდისტ სტილისტს ვთხოვე, თმა ისე შემჭერი, დამეტყოს–მეთქი. სამ წუთში სალონიდან პანკი გოგო გამოვედი – გვერდებზე აპარსული თმით, შუბლზე ქოჩრით და უკან შეკრული ბოლოთი. ყველა მე მიყურებდა. სხვათა შორის, მომეწონა და ეს ვარცხნილობა მოვირგე, ყურიც კი გავიხვრიტე დამატებით. მერე მეგობარმა გოგომ მთხოვა, მეც მინდა ვარცხნილობის ამგვარად შეცვლაო. იმ სტილისტმა მას შუაში გადაპარსა თმა და მხოლოდ გვერდებზე დაუტოვა. ტიროდა, ისე არ მოეწონა. თან იურდიულზე სწავლობდა და საზღვარგარეთ აპირებდა გაცვლითი პროგრამით წასვლას. სურათის გადასაღებად პარიკის მორგება მოუწია.
ჩემს შვილზეც მიყვარს ექსპერიმენტების ჩატარება, მაგრამ დედა მიშლის. მაგალითად, ახლა მინდოდა, მისთვის თმა შემეჭრა და გვერდზე ამეპარსა, მაგრამ გადავიფიქრე.
– მართა პრანჭია გოგოა?
– კი, ჩემს კოსმეტიკას და ტანსაცმელს ძალიან ემტერება, ხან დამტვრეული მხვდება რაღაც, ხან – გაფუჭებული. ამას წინათ სადღაც ვიყავი წასული და სახლში რომ დავბრუნდი, მართა ჩემს სამოსში დამხვდა გამოწყობილი, მაკიაჟი ეკეთა და მაღალქუსლიანი ფეხსაცმელები ეცვა.
– ახლა რომ თავგადაპარსული დაბრუნდეთ სახლში, ქმარს რა რეაქცია ექნება?
– ჩემი მეუღლე არაფერს მიშლის, მხოლოდ იმას აპროტესტებს, როცა მკაცრ დიეტაზე ვდგები. წითელი თმით რომ დავბრუნდე სახლში, რეაქცია არ ექნება. ერთი პერიოდი ცხვირის გახვრეტა და ტატუს გაკეთება მინდოდა. ამაზეც არ ჰქონდა პრობლემა, უბრალოდ მერე გადავიფიქრე. სადღაც გავიგე, რომ ქმარი ცოლისგან მოითხოვდა, გამოპრანჭული და მოწესრიგებული დახვედროდა სახლში. ასეთი რამ ჩემთვის სისულელეა. ქალი მოწესრიგებული უნდა იყოს, მაგრამ სახლში მაღალ ქუსლებზე და მაკიაჟით ვერ ვივლი. ნორმალური ქმარი მყავს, ჩემგან სასწაულებს არ ითხოვს. ვულგარულად, რა თქმა უნდა, არ ჩამაცმევს, თუმცა მე თვითონაც არ ვიცვამ ასე.
– გიფიქრიათ პლასტიკური ქირურგის დანის ქვეშ დაწოლაზე?
– ჯერ – არა და ასაკის მატებასთან ერთად ალბათ ყველანაირ ოპერაციას გავიკეთებ. არ მესმის იმ გოგოების, რომლებიც მოდის გამო იკეთებენ ოპერაციებს. ზოგს კეხიანი ცხვირი უფრო უხდება, ვიდრე მოჭრილი და ჩამოთხელებული.
– შინაურ რეცეპტებს თავის მოსავლელად იყენებთ?
– ხანდახან მომწონს, მაგრამ ამას დრო და ენერგია სჭირდება. ბებო ფარმაცევტი მყავდა. სახის საცხებს სულ თვითონ ამზადებდა და ასე უვლიდა თავს. ჩვენი თაობა გაზარმაცებულია. შევალთ და ვიყიდით ძვირადღირებული ბრენდის პროდუქციას, რომელმაც შეიძლება ისეთი ალერგია გამოიწვიოს, როგორც მე დამემართა რამდენიმე ხნის წინ.
– მაშინ სცადეთ და ბებოს რეცეპტები გამოიყენეთ.
– სამწუხაროდ, ბებოს რეცეპტები არ ვიცი. ერთხელ გამოვიყენე თმის ნიღბად კვერცხი და მაიონეზი, ხოლო კანისთვის – მაწონი. სულ ეს იყო.
– კანს როგორ უვლით?
– კოსმეტოლოგი მყავს, მაგრამ მასთან ისე იშვიათად დავდივარ, რომ მრცხვენია. ვიყენებ მკვებავს და ვცდილობ, მაკიაჟით არ დავიძინო. ერთხელ გადაღებიდან ისეთი დაღლილი დავბრუნდი, ტახტზე ჩამეძინა მაკიაჟით. მეორე დღეს კანი გაღიზიანებული მქონდა.
– როგორია თქვენი მაკიაჟი?
– ძალიან მიყვარს სადა მაკიაჟი. არ მომწონს, როცა წითელი პომადა და ამოშავებული თვალები ერთად აქვთ. ბევრი მაკიაჟი ეკრანზეც არ მიხდება. კორექტორს ვიყენებ, რადგან ხშირად უძილობისგან თვალები მაქვს ჩაშავებული. საერთოდ მოუხერხებელი ვარ. ამდენი ხანია მაკიაჟს მიკეთებენ და ახლახან ვისწავლე ტონალურის წასმა.
– რა არის თქვენთვის აუცილებელი ატრიბუტი ან დეტალი, რის გარეშეც სახლიდან არ გახვალთ?
– ისტერიკა მემართება მაშინ, თუ წარბების გაკეთებას ვერ ვახერხებ. თავად არ შემიძლია, მათ ფორმა მივცე, ამიტომ სტილისტთან დავდივარ. ქალი ყველანაირად მოწესრიგებული უნდა იყოს, მაგრამ ხანდახან არის მომენტი, როცა სრულყოფილად ფორმაში ყოფნა ამა თუ იმ მიზეზის გამო არ გამოდის.
მანანა ნოდია
