ყველაზე ერთგული წყვილი მსოფლიოში - ბედნიერი ოჯახის შექმნის გასაღები.

გინესის რეკორდების წიგნში მოხვდა საოცარი წყვილი - 107 წლის კარამი და მისი 100 წლის მეუღლე კატარი ჩანდი, რომლებიც 87 წელია რაც დაქორწინდნენ და ერთად ცხოვრობენ. თავიდან ისინი ინდოეთში ცხოვრობდნენ, ხოლო მერე ინგლისში გადმოსასხლდნენ ქალაქ ბრედფორდში. გინესის რეკორდის წარმომადგენლებმა, იმიტომ აღიარეს ეს წყვილი, რომ ესენი არიან ყველაზე ერთგული და ყველაზე ხანგრძლივად ცხოვრობენ ერთად. მათ ყავს 8 შვილი და 28 შვილიშვილი. 87 წლის ოჯახური ცხოვრების მანძილზე მათ გაიგეს საიდუმლო, თუ როგორ უნდა შეინარჩუნო ოჯახი და როგორ იცხოვრო ბედნიერად დიდი ხნის მანძილზე. ეს წყვილი ამტკიცებს რომ სიცილი და ერთმანეთისადმი ყურადღება არის გასაღები ბედნიერი ოჯახის შესაქმნელად. კარიმმა პირდაპირ თქვა, რომ "ჩემი ფოკუსი არის ის, რომ მე ყოველთვის ვამხიარულებ ჩემს მეუღლეს, მე მიყვარს მისთვის ანეკდოტების მოყოლა და ყოველთვის ვცდილობ, რომ ჩემმა ცოლმა გაიღიმოს, ვიყო სასაცილო - ეს არის ჩემი მეთოდი ვიყო რომანტიული". გარდა მაგისა, ის თვლის, რომ აუცილებლად დიდი დრო უნდა გაატარო ცოლთან ერთად, იყო პატიოსანი, მართალი, უნდა უსმინო და ეცადო გაუგო, ყოველთვის გვერდში ამოუდგე და რაც მთავარია უნდა გიყვარდეთ ერთმანეთი. არანაკლებ მნიშვნელოვანი არის კიდევ, რომ ისწავლო ერთმანეთთან შერიგება და ყოველ წვრილმანზე არ უნდა გაღიზიანდე. კარამმა განაცხადა, რომ მას ძალიან უყვარს თავისი ცოლი და კიდევ სურს 80 წელი თავის ცოლთან ერთად ცხოვრება. ეს ცოლ-ქმარი ვეგეტარიანელები არიან და ძალიან ყურადღებით უვლიან საკუთარ თავს და ჯანმრთელობას, რაც ეხმარებათ მათ ცხოვრებაში.