ლინდსი ლოჰანი მილიარდერებს ესკორტმომსახურებას უწევს

როგორც ჩანს, სწორედ ასე გადაწყვიტა სკანდალურმა მსახიობმა თავისი მატერიალური მდგომარეობის გაუმჯობესება. ბოლო დროს ხომ სხვადასხვა სამართალდარღვევისთვის სოლიდური თანხებით არაერთხელ დააჯარიმეს.
მხოლოდ საგადასახადო დავალიანების სახით ლინდსის 200 ათას დოლარზე მეტის გაღება მოუხდა. ამას მოჰყვა დავალიანებები სხვადასხვა სასტუმროში; ასევე - საგზაო წესების დარღვევისთვის.

ახლა გაირკვა, რომ ლინდსი თავის ვარსკვლავურ სტატუსს იყენებს და ოლიგარქებს წვეულებებზე ახლავს თან, რაშიც სოლიდურ თანხებს იღებს. "შეძლებული ადამიანები ყველაფერს ანაზღაურებენ -ტრანსპორტს, სასტუმროს, კვებას და ძვირფას სამკაულებს. სანაცვლოდ კი ჩემი ქალიშვილის პროფესიონალური "თანხლება" აქვთ.

მისი სუტენიორი კი დედამისი დინაა. ეს, უბრალოდ, ამაზრზენია", - სწორედ ასეთი განცხადება გააკეთა ლინდსის მამა მაიკლ ლოჰანმა, რომელსაც უკვე წლებია, ქალიშვილთან არც ისე კარგი ურთიერთობა აქვს.

მაიკლ ლოჰანმა კონკრეტული მაგალითიც მოიყვანა. მაგალითად, ბრუნეის პრინც ჰაჯი აბდულ აზიმს ლინდსისთვის 100 ათასი დოლარი გადაუხდია, რომ მასთან ერთად ლონდონში შეხვედროდა ახალ წელს; ესპანელ მხატვარ დომინგო ზაპატას კი ლინდსი საერთოდაც "უქირავებია" უფრო დიდი დროით.

იმავე ბრუნეის პრინცსა და მხატვარ ზაპატას ამგვარი "პრაქტიკა" რა ხანია, აპრობირებული აქვთ. ბრუნეის პრინცს ხან მერაია კერი სტუმრობს და ხან გოლდი ჰოუნი. ზაპატას კი კარგა ხანს კიდევ ერთი ლამაზმანის -სოფია ვერგარას კომპანიაში ხედავდნენ.

როგორც ლინდსის მამა ამბობს, ლინდსის ესკორტმომსახურება საე­რ­თო ჯამში მის დამქირავებლებს, სავარაუდოდ, მილიონ დოლარამდე უჯდებათ, მით უმეტეს, თუ საქმე მხოლოდ "ესკორტს" არ ეხება და ლინდსი მათი საძინებლის ზღურბლსაც გადააბიჯებს.

ჟურნალი "რეიტინგი"