ჯეკი ჩანი პოლიტიკაში წავიდა

მას შემდეგ, რაც ჩინელი მსახიობი ჯეკი ჩანი ქვეყნის ყველაზე რენტაბელურ ფილმში CZ12-ში გადაიღეს, კარიერის გაგრძელება პოლიტიკაში გადაწყვიტა.

როგორც "ჰოლივუდ რეპორტიორი" წერს, 58 წლის მსახიობი ოფიციალურად გახდა ჩინეთის სახალხო პოლიტიკური საკონსულტაციო საბჭოს წევრი. ჯეკი ჩანი ჰონგ-კონგში ორგანიზაციის დელეგატად აირჩიეს.

მსახიობის ამ პოსტზე დანიშვნა არ გაჰკვირვებიათ ჩინეთში, რადგან ბოლო ხანებში ჯეკი ჩანი პოლიტიკური და პატრიოტული განცხადებებით გამოირჩევა. გასულ წელს მას ჩინური მედიის რისხვა დაატყდა თავს, როცა ჰონგ-კონგის ხელისუფლებას მოუწოდა, მიეღო კანონი იმის შესახებ, "თუ რისი დემონსტრირება შეეძლო მას და რისი - არა".

ჯეკი ჩანის ეს განცხადება მოჰყვა ჰონგ-კონგში გამართულ ქუჩის აქციებს, რომლის მონაწილეებიც ჰონგ-კონგის ადგილობრივ საქმეებში ჩინეთის ჩარევას აპროტესტებდნენ. ოფიციალურად, ჰონგ-კონგი ჩინეთის ნაწილია, თუმცა ინარჩუნებს საკუთარ სამართლებრივ და ეკონომიკურ სისტე
მას, ასევე თავისუფალ მედიას.

იანვრის დასაწყიში ჯეკი ჩანმა კიდევ ერთი სკანდალური განცხადება გააკეთა, რომ "აშშ მსოფლიოში ყველაზე კორუფციული ქვეყანაა".

მომზადებულია hollywoodreporter.com-ის მიხედვით.