ზურაბ წერეთელს ქანდაკების აღმართვაზე უარი განუცხადეს

საფრანგეთის ხელისუფლებამ პარიზში პოლონეთის კათოლიკური მისიის ტაძართან,
რომის პაპის, იოანე პავლე მეორეს ქანდაკების განთავსებაზე უარი თქვა.
აღნიშნული ძეგლი ქართველ მოქანადაკეს, რუსეთის სამხატვრო აკადემიის პრეზიდენტ ზურაბ წერეთელს ეკუთვნის. ამის შესახებ ინფორმაცია საფრანგეთში პოლონეთის კათოლიკური მისიის ხელმძღვანელმა სტანისლავ ეჟმა გააკეთა.
მისივე თქმით, პარიზის ხელისუფლებამ თავისი გადაწყვეტილება
ესთეტიკური მოტივებით ახსნა. ექსპერტთა კომისიის შეფასებით, 3, 6 მეტრის სიმაღლის ქანდაკება პოლონური ეკლესიის არქიტექტურულ სტილში არ ჯდება.
"მე მიმაჩნია, რომ უარყოფით გადაწყვეტილებას იდეოლოგიური მოტივები აქვს", - განაცხადა პოლონელმა ღვთისმსახურმა. მისივე თქმით, პარიზის 5 ათასი მოსახლის ხელმოწერა იოანე პავლე მეორეს ქანდაკების განთავსების მხარდასაჭერად, საფრანგეთის ხელისუფლებამ მხედველობაში არ მიიღო.

იოანე პავლე მეორეს, ზურაბ წერეთლის მიერ შესრულებული ქანდაკება საფრანგეთში პირველად, 2006 წელს, ქალაქ პლოერმელში განთავსდა.

საინფორმაციო სააგენტო "ივერონი"