"უნაზესი" - ხორცის რულეტი ბეკონით

საჭირო მასალა:

საქონლის ფარში 600 გრ

ღორის ხორცის ფარში 200 გრ

ხახვი 2-3 თავი

ნიახური 1/2 კონა

ოხრახუში 1/2 კონა

კარაქი 50 გრ

თეთრი პურის გული 50 გრ

კვერცხი 1 ცალი

ბეკონი 5 თხელი ნაჭერი

მარილი, პილპილი

ზეთი საცხობ ფორმაზე წასასმელად

მომზადების წესი:

ღუმელი წინასწარ გააცხელეთ 200 გრადუსამდე. ცეცხლზე დადგით ტაფა და გაადნეთ ზედ კარაქი, ჩაყარეთ წვრილად დაჭრილი ხახვი, მოხრაკეთ დაბალ ცეცხლზე. დაჭერით ნიახური და დაამატეთ ტაფაში, სადაც ხახვი იხრაკება. მიღებული მასა დაუმატეთ ერთმანეთში შერეულ საქონლისა და ღორის ხორცის ფარშს. მერე ჩაუმატეთ დაჭრილი ოხრახუში, თეთრი პურის გული, კვერცხი, მარილი და პილპილი.

ყველაფერი კარგად შეურიეთ ერთმანეთს. არ ათქვიფოთ ბლენდერით. ხის კოვზით ურიეთ მანამდე, სანამ ყველა კომპონენტი კარგად არ შეერთდება. ამ გზით ფარში წვნიანი და ნაზი დარჩება.

მოგრძო საცხობ ფორმას წაუსვით ზეთი და გადაიტანეთ მომზადებული ფარში. ზედაპირი კარგად მოასწორეთ და ზემოდან ბეკონის ნაჭრები დააფინეთ.

შედგით წინასწარ გახურებულ ღუმელში დაახლოებით 1 სთ-ით. გამზადებული რულეტი გადმოიღეთ და გააჩერეთ დაახლოებით 10 წუთით, რომ ზედმეტი წვენი დაიწუროს. შემდეგ დაჭერით და მიიტანეთ სუფრასთან.