ჟოლო, მოცვი და მარწყვი სიმსივნის განვითარების რისკს აფერხებს

თითოეული მათგანი უამრავ სასარგებლო ნივთიერებას შეიცავს და ხელს უშლის სხვადასხვა სერიოზული დაავადების განვითარებას.

მაშ ასე, ყველაზე სასარგებლო პროდუქტებად აღიარეს: ჟოლო, მოცვი და მარწყვი. ეს კენკროვნები არ შეიცავს ცხიმებს. სამაგიეროდ, მათში უხვადაა ვიტამინები, ანტიოქსიდანტები, უჯრედისები. ისინი აძლიერებს იმუნიტეტს და აფერხებს სიმსივნური დაავადებების განვითარების რისკს.

სიის მომდევნო საფეხურს იკავებს თხილეული და პარკოსნები. ისინი ამცირებს კიბოს განვითარების რისკს. გარდა ამისა, იცავს სიმსუქნისა და შაქრიანი დიაბეტის განვითარების საფრთხისგან.

თევზი - მდიდარია ცხიმმჟავა ომეგა-3-ით, სასარგებლოა იმით, რომ დადებითად მოქმედებს თავის ტვინის მუშაობაზე. აწესრიგებს სისხლის წნევას და ხელს უშლის გულის დაავადებების განვითარებას.

ბროკოლსა და პეკინურ კომბოსტოს ორგანიზმიდან ტოქსინები გამოჰყავს, ნიორი და ხახვი კი იმუნიტეტს აძლიერებს.

ცხოველური წარმოშობის საკვებიდან ყველაზე სასარგებლოდ აღიარეს კვერცხი და ახალი ხორცი. ამასთან, გაითვალისწინეთ, ხორცი უნდა იყოს არა ფერმაში ჰორმონების გამოყენებით ნაკვები, არამედ ბუნებრივ პირობებში გაზრდილი საქონლის.

ექსპერტების განმარტებით, ყველა ზემოჩამოთვლილი პროდუქტი მაქსიმალურად სასარგებლოა უმი სახით. საჭიროების შემთხვევაში, თერმული დამუშავება მინიმალური უნდა იყოს