15 წლის გოგონა ქალაქის მერი გახდა
მოზარდი მერად ადგილობრივი მთავრობის პროგრამის ფარგლებში დანიშნეს: ეს პროგრამა ახალგაზრდების რეგიონის პოლიტიკურ ცხოვრებაში ჩაბმას უწყობს ხელს. ოტმანი ყველა იმ საკითხზე იქნება პასუხისმგებელი, რომელსაც მუნიციპალიტეტი წყვეტს და ფინანსური საბუთების გარდა, ყველა ოფიციალურ დოკუმენტს მოაწერს ხელს.
ახალგაზრდა მერს დახმარებას ქალაქის მოქმედი მმართველი, ალარ სუფიან შადიდი გაუწევს. "ფულადის გარდა, ახალგაზრდების წახალისების მრავალი ხერხი არსებობს. უპირველესად, მოზარდებს ის დაბრკოლებები უნდა მოვუხსნათ, რომლებიც მათ პროფესიულ განვითარებას უშლის ხელს", - განაცხადა შადიდმა.
გოგონამ კი აღნიშნა, რომ მშობლიური ქალაქის მერობა მისთვის დიდი პატივია. "ამ საქმიანობის წყალობით მომავალში სახელმწიფო დაწესებულებებში სამსახურისთვის უკეთ მომზადებულები ვიქნებით", - დასძინა მან
