"გრემის" ცერემონიალზე მონაწილეებს მკერდისა და უკანალის გამოჩენას უკრძალავენ

წლევანდელი, მუსიკალური ჯილდოს, "გრემის" გადაცემის 55-ე ცერემონიალი, რომელიც ხვალ, 10 თებერვალს გაიმართება, ამბობენ, რომ ძალიან პურიტანული იქნება. დაჯილდოებამდე რამდენიმე დღით ადრე, მონაწილეებს (განსაკუთრებით კი ქალებს), ჩაცმულობასთან დაკავშირებით სარეკომენდაციო წერილები გაუგზავნეს. ვარსკვლავებს სთხოვენ, თავი შეიკაონ მკერდისა და უკანალის მოშიშვლებისგან.

წერილის ფრაგმენტები საიტმა Deadline.com გამოაქვეყნა:

"უმორჩილესად გთხოვთ, მოერიდოთ სხეულის შიშველი ნაწილების გამომზეურებას. კონკრეტულად კი მკერდისა და უკანალის მოშიშვლებას" - დააკონკრეტეს წერილის ავტორებმა.

ასევე ვარსკვლავებს სთხოვეს, არ ჩაიცვან გამჭვირვალე სამოსი, საიდანაც დეტალურა ჩანს საცვლები ან სხეულის ნაწილები.

"ძალიან გთხოვთ, დარწმუნდით, რომ გენიტალიების ზონა საგულდაგულოდ დაფარულია" - წერენ სარეკომენდაციო წერილის ავტორები.

ასევე მონაწილეებს სთხოვეს, არ ჩიცვან მაისურები სხვადასხვა ბრენდის სახელწოდებებით (თუ წინასწარ არ იქნება შეთანხმებული), უწმაწური გამოთქმებითა და სხვა.

"გრემის" დაჯიდლოების წლევანდელ ცერემონიალზე მონაწილეებს შორის იქნებიან რიანა, სტინგი, სერ ელტონ ჯონი, ტეილორ სვიფტი და კელი კლარკსონი. თუმცა, გავრცელებული ხმებით და წერილის შინაარსის მიხედვით, ცერემონიალს ასევე დაესწრებიან შეიხები აღმოსავლეთის ქვეყნებიდან.

მასალის წყარო: Time