მშობლებმა შვილი მხოლოდ იმიტომ გააშვილეს, რომ ის ოროსანი იყო

ბევრი მშობელი იძულებული ხდება შვილი ბავშვთა სახლში დატოვოს. ზოგჯერ მიზეზი ისეთი სერიოზულია, რომ ვერც გაამტყუვნებ მათ. აი დონის როსტოვში მამამ უარი თქვა ვაჟზე, მიზეზი კი ისაა, რომ ბიჭი ოროსანი იყო. თავდაპირველად მშობლებმა შესაბამის სამსახურებს მიმართეს თხოვნით, ბავშვთან ფსიქოლოგიურად ემუშავათ, თუმცა როცა არც ამან გაჭრა, გადაწყვეტიელბა ერთხელ და სამუდამოდ მიიღეს. დედამ გაშვილების მიზეზი მოკლედ ახსნა, არ სწავლობდა და სკოლას აცდენდაო. სასამართლოზე ბავშვის მუდარამ ვერ გაჭრა, ბიჭი სახლში დაბრუნების სანაცვლოდ იფიცებოდა კარგად ვისწავლი და ყველაფერს დაგიჯერებთო, თუმცა ამაოდ. მამამ კი სიამაყითაც განაცხადა, რომ ის დონელი კაზაკია და არ აიტანს შვილის ამგვარ საქციელს. მამამ ბავშვი საფულედან ფულის მოპარვაშიც დაადანაშაულა.სასამართლოს კი სხვა გზა არ ჰქონდა, გარდა იმისა, რომ დაეკმაყოფილებინა მშობლების მოთხოვნა, რომლებიც უარს ამბობდნენ შვილის მოვლასა და შენახვაზე. ბიჭი ბავშვთა სახლში გაამწესეს. საზოგადოების მხრიდან მშობლებს კრიტიკის მოსმენამაც მოუწია, მაგრამ ვის ანაღვლებდა სხვისი აზრი. ცოლ-ქმარი მტკიცედ დგას და საკუთარ საქციელს არ ნანობს. მსგავსი მიზეზით მსოფლიოში არცერთი ბავშვი არ მიუტოვებიათ მშობლებს. ცხოვრებაშიც და მსოფლიოშიც რაღაც აუცილებლად ხდება პირველად. პრეცედენტი კი უკვე სახეზეა. ასე, რომ ბავშვებო უმჯობესია სწავლას მოუმატოთ, თორემ მშობლები თქვენც გაგამწესებენ ბავშვთა სახლში.