ტონი ბრექსტონი ემშვიდობება მუსიკას, მას ახლა ლესბოსელობა სურს

ამერიკელმა მომღერალმა ტონი ბრექსტონმა განაცხადა, რომ ასრულებს 20-წლიან მუსიკალურ კარიერას. "გრემის" ექვსგზის მფლობელს სურს, რომ კინოზე გადაერთოს.

"უნდა მომწონდეს ის, რასაც ვაკეთებ... ჩემთვის მნიშვნელოვანია აზარტი, ის კი აღარ მაქვს", - განაცხადა 45 წლის მომღერალმა.

"არ ვაპირებ აღარანაირი ახალი ალბომის ჩაწერას. შესაძლოა, ხანდახან გამოვიდე სხვადასხვა ქვეყანაში სოლოკონცერტით, მაგრამ არა ისეთი დატვირთვით, როგორც ადრე. და აღარანაირი ახალი პროექტი", - დასძინა ბრექსტონმა.

ტონი კინოში წასვლას აპირებს, თანაც ზუსტად იცის, რა როლს შეასრულებს. მას ლესბოსელის განსახიერება სურს.

"მინდა, ლესბოსელის როლი შევასრულო... არ ვიცი, რატომ, მაგრამ მინდა, ვითამაშო მთელი არსებით. გავაკეთო ისეთი რამ, რასაც ადამიანები ჩემგან მოელიან", - ამბობს ვარსკვლავი და დასძენს, რომ მისი ლესბოსელი გმირი ქალური არ იქნება.

"მე ზუსტად ვიცი, რაც მემართება... იქნებ ეს საშუალო ასაკის კრიზისია?" - განაცხადა მან შოუში Good Morning America ("დილა მშვიდობისა, ამერიკა").

აღსანიშნავია, რომ ფილმში ტონი აუტიზმით დაავადებული 9 წლის ვაჟის, დიზელის გადაღებასაც აპირებს