განხეთქილების ვაშლი

პელევსისა და თეტისის ქორწილში დაუპატიჟებლობით განაწყენებულმა ქალღმერთმა ერისმა ოქროს ვაშლი გააგორა,რომელზედაც წარწერილი იყო ,,უმშვენიერესს''. ქორწილში მყოფ სამ ქალღმერთს შორის,რომლებიც ამ წუთებამდე მშვიდობიანად ბაასობდნენ,დავა ატყდა. ყოველ მათგანს მიაჩნდა,რომ ვაშლი მას ეკუთვნოდა. ეს სამნი იყვნენ ჰერა,ათენა და აფროდიტე.
მათ შორის ჩხუბი ატყდა. ზევსი იძულებული გახდა,დავაში ჩარეულიყო, თუმცა დავის გადაჭრა მან თავის თავზე ვერ აიღო. სამაგიეროდ ჰერმესს ნება დართო,ქალღმერთები იდას მთაზე წაეყვანა ,რათა დავა პარისს გადაეწყვიტა.


ჭაბუკი იდას მთაზე ძროხებს აძოვებდა,როდესაც მასთან ჰერას,აფროდიტესთან და ათენასთან ერთად მოსულმა ჰერმესმა ზევსის დანაბარები აუწყა. პარისი დაინტერესდა თუ როგორ უნდა განესაჯა ქალღმერთები, თუმცა მან კონკრეტული პასუხი ვერ მიიღო.


ჰერა მას დაპირდა,თუ კი მას მშვენიერად ცნობდა, მთელი აზიის მბრძანებლად აქცევდა და ადამიანთა შორის ყველაზე ძლიერ ადამიანად გადააქცევდა.
ათენა მას ყველა ბრძოლაში გამარჯვებას დაპირდა. და მსოფლიოში ულამაზეს და უბრძნეს ადამიანად გადაქცევაც აღუთქვა.


აფროდიტე კი მას მშვენიერ და ვნებიან ქალს დაჰპირდა,რომელიც იმ ჟამად სპარტელი ელენე იყო. ამ წინადადებამ მოხიბლა პარისი და სწორედ მას არგუნა უმშვენიერესისათვის განკუთვნილი ვაშლი.
ელენეს მოტაცების მიზეზით კი როგორც იცით ტროას ომი დაიწყო.