ლარი ფეიჯი - Google-ის დამაარსებელი, რომელმაც პოპულარობით მარკ ცუკერბერგს გაუსწრო

ლაურენს „ლარი“ ფეიჯი 1973 წლის 26 მარტს, ლანსინგში, მიჩიგანის შტატში, ებრაულ ოჯახში დაიბადა. მამა, კარლ ვიქტორ ფეიჯი მიჩიგანის შტატის უნივერსიტეტის კომპიუტერული მეცნიერების პროფსორია. დედა, გლორია ფეიჯი პროგრამირების პედაგოგი იმავე უნიევრსიტეტში.

დაამთავრა ლანსინგის საშუალო სკოლა. მიიღო მიჩიგანის უნიევრსიტეტის კომპიუტერული მეცნიერების ბაკალავრის დიპლომი და სტენფორიდ უნივერსიტეტის მაგისტრის ხარისხი.

სტენფორდში სწავლისას ფეიჯმა ასპირანტი მათემატიკოსი სერგეი ბრინი გაიცნო. მასთან ერთად ინტერნეტ-კომპანია Google შექმნა, რომელიც 1998 წელს ამოქმედდა.

2011 წლის 4 აპრილიდან კომპანიის აღმასრულებელი დირექტორია, ამ თანამდებობაზე ერიკ შმიდტი ჩაანაცვლა. რომელიც Google-ის გენერალური დირექტორის თანამდებობას 2001 წლიდან იკავებდა. თუმცა, ეს არ ნიშნავს, რომ ერიკი კომპანიიდან სამუდამოდ წავიდა, მან დირექტორთა საბჭოში განაგრძო მუშაობა. ასევე, ლარისა და სერგეის მრჩეველია.

2010 წელს კომპანიის შემოსავალი 2,54 მილიარდი დოლარით გაიზარდა.

ფეიჯი პლანეტის უმდიდრესი ადამიანების სიაშია. „ფორბსის“ 2011 წლის მონაცემებით ფეიჯი აშშ-ში მეთერთმეტე, მსოფლიოში კი 24-ე მდიდარი ადამიანია.

2012 წლის მონაცემებით, ლარი ფეიჯი 18,7 მილიარდი დოლარის მფლობელია. უკანასკნელი გამოკითხვებით კი ირკვევა, რომ მან პოპულარობით „ფეისბუქის“ დამფუძნებელს, მარკ ცუკერბერგსაც გაუსწრო და რეიტინგების მაჩვენებელში პირველი პოზიცია დაიკავა.

დაქორწინებულია მეცნიერ ლუსინდა საუსვორსზე. წყვილის ქორწინება 2007 წელს კარიბის კუნძულებზე შედგა. ჰყავთ ერთი შვილი.