დემი მურმა ახალი რომანის შესახებ იცრუა

დემი მურმა შეთხზა ამბავი, თითქოს ის და ახალ ზელანდიელი მსახიობი მარტინ ჰენდერსონი ერთმანეთს ხვდებიან. დემი ცდილობს, ყველას დაუმტკიცოს, თითქოს აღარ აღელვებს მისი ყოფილი მეუღლე, ეშტონ კატჩერი, რომელიც ახალგაზრდა მსახიობს, მილა კუნისს ხვდება.

"ეს რომანი მთლიანად დემის სცენარით არის დადგმული. ის მარტინთან ერთად საზოგადოებაში იმიტომ გამოდის, რათა ყველას დაანახოს, რომ ახალი მამაკაცი ჰყავს და ეშტონ კატჩერი მის ცხოვრებაში აღარ არსებობს",- განუცხადა ამერიკულ ტაბლოიდ National Enquirer-ს წყარომ.

ტაბლოიდის ინფორმაციით, მარტინი და დემი მხოლოდ მეგობრები არიან, ამიტომ ახალ ზელანდიელი მსახიობი დემის ამ ფარსზე უარს ვერ ეუბნება. მარტინი ცდილობს, მის მეგობარს როგორმე გადაატანინოს მძიმე პერიოდი და ხასიათი გამოუკეთოს.

დემი მური და ეშტონ კატჩერი ერთმანეთს რამდენიმე თვის წინ დაშორდნენ, რის შემდეგაც 49 წლის ვარსკლავი დეპრესიაში ჩავარდა. განქორწინების ოფიციალური მიზეზი არ დასახელებულა, თუმცა უცხოურ მედიაში წერენ, რომ კატჩერს ბავშვის ყოლა სურდა, დემი მურს კი ასაკის გამო შვილის გაჩენა აღარ შეეძლო.