რომანტიკული ვახშამი – 5 დოლარი, ლოყაზე კოცნა – 8 დოლარი - ჩინეთში შეგიძლიათ ბოიფრენდი დაიქირაოთ
არ გყავთ მეორე ნახევარი? ჩინეთში ამ პრობლემას ადვილად მოგიგვარებენ, თუნდაც დროებით. ჩინეთის ყველაზე პოპულარული on-line-მაღაზია გთავაზობთ ბოიფრენდის გაქირავებას.
პორტალი Taobao გოგონებს სთავაზობს, 300 ახალგაზრდა მამაკაციდან აირჩიოს ერთ-ერთი, მისთვის სასურველი. მამაკაცის დაქირავება ერთი დღით ქალს 50 დოლარი დაუჯდება. ამ ფასში ის (დაქირავებული მამაკაცი) ისეირნებს თქვენთან ერთად ხელჩაკიდებული, მოგეხვევათ და გაგიღიმებთ.
სხვა მომსახურებაზე განსხვავებული პრეისკურანტებია. მაგალითად, რომანტიკული ვახშამი (მას, რა თქმა უნდა, თქვენ გადაიხდით) საათში 5 დოლარი დაგიჯდებათ, ლოყაზე კოცნა კი – 8 დოლარი.
თუ დაქირავებულ ბოიფრენდთან რომელიმე დღესასწაულის (მაგალითად, ახალი წლის) შეხვედრას განიზრახავთ, 80 დოლარის გადახდა მოგიწევთ, მაგრამ ის ამ ფასში თქვენთან ერთად არ დაიძინებს. თუ დივანზე დააწვენთ, ამაში დაქირავებული ბოიფრენდი 95 დოლარს გამოგართმევთ. აღსანიშნავია, რომ ჩამონათვალში ინტიმური მომსახურება არ შედის.
"ეს ხომ ძალიან საინტერესოა. იქნებ ასე ვიპოვო ქალი, რომელიც ჩემს ინტერესებს გაიზიარებდა. და ორივე ბედნიერი ვიქნებოდით", - აღნიშნა ერთ-ერთმა "ბოიფრენდმა გაქირავებით".
უცნაური ექსპორტი ჩინეთში ახალი წლის დამდეგს გაჩნდა. აქტუალური ეს მომსახურება, სავარაუდოდ, მინიმუმ წმინდა ვალენტინის დღემდე, 14 თებერვლამდე იქნება.
