ქალი დის მკვლელს ცოლად გაჰყვა
არგენტინაში ქალი საკუთარი დის მკვლელს ცოლად გაჰყვა. წმინდა ვალენტინის დღეს 23 წლის ედიტ კასასმა ვიქტორ სინგოლანიზე ოქორწინა. ადგილობრივი სასამართლოს დადგენილებით, ორი წლით ადრე ვიქტორ სინგოლანიმ კასასის ტყუპისცალი ჯოანა გულმკერდის არეში ცეცხლსასროლი იარაღიდან ორი გასროლით მოკლა.
ადრე სინგოლანი და ჯოანა კასასი შეყვარებულები იყვნენ, გარკვეული პერიოდის შემდეგ გოგონამ მამაკაცი მიატოვა და სხვასთან წავიდა. სასამართლომ დამნაშავედ სინგოლანი სცნო და მას 13 წლით თავისუფლებს აღკვეთა მიუსაჯა. ედიტ კასასმა სინგოლანისთან ურთიერთობა გააგრძელა. გოგონა ამტიკიცებდა, რომ სინგოლანი დამნაშავე არ იყო.
ცერემონიის დროს ქორწინების
რეგისტრაციის დაწესებულების გარშემო აღშფოთებული ადგილობრივი მაცხოვრებლები შეიკრიბნენ, რომელთაც ქალის გადაწყვეტილება დაგმეს. ბრბომ შენობას ქვები და კვერცხები დაუშინა. პატარძალს რამდენიმესაათიანი ლოდინი მოუწია, რომ დაწესებულების ტერიტორია უსაფრთხოდ დაეტოვებინა. ცერემონიის დასრულების შემდეგ პოლიციელებმა სინგოლანი ციხეში დააბრუნეს.
ახალდაქორწინებულის ოჯახი შეეცადა გოგონას გადაწყვეტილებას წინ აღდგომოდა, მაგრამ მომრიგებელმა მოსამართლემ კასასის უფლება, დაქორწინებულიყო დის მკვლელზე აღიარა.
"მეშინია, მას რამე არ შეემთხვეს, რადგან სინგოლანი მკვლელი და მანიპულატორია",- აცხადებს პატარძლის დედა.
მკვლელის მეუღლეს ქოწრილის შემდეგ კომენტარი არ გაუკეთებია.
