ბარბარე თურქესტანიშვილი ___ ცნობილ ნახატზე გამოსახული ქალბატონი...

დარწმუნებული ვარ ყოველ ჩვენგანს ერთხელ მაინც აქვს ნანახი
ცნობილი მხატვრის ივან კრამსკოის “უცნობი ქალი“–ს პორტრეტი. საკმაოდ ბევრი ვერსია არსებობს იმისა, თუ ვინ არის ტილოდან მომზირალი მშვენიერი ქალბატონი, თუმცა თავად მხატვარს აღნიშნულის შესახებ არანაირი ინფორმაცია არ გაუცია და არც მის პირად წერილებში არის ცნობები ქალბატონის ვინაობის შესახებ. ერთ–ერთი ვერსიის მიხედვით ტილოზე გამოსახულია ქართველი უმშვენიერესი ქალბატონი –– ქ.თელავში 1775წ. დაბადებული, მეფე ვახტანგ VI–ის მრჩევლის ბაადურ თურქესტანიშვილის შვილიშვილი ბარბარე თურქესტანიშვილი. ბარბარეს მამა– ილია თურქესტანიშვილი რუსეთის არმიის რიგებში მსახურობდა და გენერლობასაც
მიაღწია, დედა კი გახლდათ – მარია ალექსეევნა ერიოპკინა. მშობლები ბარბარეს მალე გარდაეცვალა და 20 წლის ასაკში უდედმამო ბარბარე რუსეთის იმპერატორის კარზე იმპერატრიცა მარია ფიოდოროვნას ფრეილინა გახდა. ვარია თურქესტანოვა – ასე მოიხსენიებდნენ მას რუსეთში, გახლდათ ძალიან ლამაზი და ჭკვიანი ქალბატონი. ბარბარეს ტრაგიკული ბედი მის სიყვარულის ისტორიასთანაა დაკავშირებული, როგორც ცნობილია მას რუსეთი იმპერატორი ალექსანდრე I ეტრფოდა და 1819 წლის 20 მარტს მათ ქალიშვილი მარია (მიმი) შეეძინათ, რომელიც ოფიციალურად თავად
გალიცინის შვილად ითვლებოდა. იმპერატორს მალევე აუცრუვდა გული ბარბარეზე და არც შვილთან ჰქონდა ურთიერთბა, ბრაბარემ შვილის გაჩენიდან ორ თვეში თავი მოიწამლა, გარდაცვალების ოფიციალურ მიზეზად კი ქოლერა დასახელდა. განსვენებული
დაკრძალვამდე სასახლეში ესვენა და მას ლოცვებს თავად იმპერატრიცა მარია ფიოდოროვნა უკითხავდა...

ყოველივე ამის შესახებ ა.პუშკინმა, რომელიც კარგად იცნობდა ბარბარეს (ისინი სასახლეში გამართულ საღამოებზე ხშირად ხვდებოდნენ ერთმანეთს) დატოვა ჩანაწერი თავის დღიურში. ჩანაწერი დათარიღებულია 1836წ. 18 მარტით და მასში მოცემულია თავად ციციანოვის (ციციშვილის) მონაყოლი იმპერატორისა და ფრეილინა თურქესტანოვას ტრაგიკული სასიყვარულო ურთიერთობის შესახებ, რომელიც მეცხრე თვეს ქალიშვილის გაჩენისა და 1819 წელს ბარბარეს თვითვმკვლელობით დასრულდა...

ამ ვერსიას მხოლოდ ქართველები როდი ემხრობიან ___ცნობილმა რუსმა ჟურნალისტმა, იგორ ობოლენსკიმ გამოსცა წიგნი, რომლის გარეკანზე სწორედ ეს პორტრეტია გამოსახული. წიგნს „სილამაზის ბედი - ქართველი ცოლების ისტორია“ ჰქვია. თვითონ ობოლენსკი წერს:
„ახლა, როცა მე ტრეტიაკოვის გალერეაში ვარ, სურვილი მიჩნდება, მომსახურე პერსონალს შევეხმიანო და შევთავაზო პორტრეტის სახელწოდება შეცვალონ. და დააწერონ, რომ დიდი ოსტატის ტილოზე გამოსახულია საკმაოდ ცნობილი ქართველი თავადის ქალი, ბარბარე თურქისტანიშვილი, ვისმა ბედისწერამაც ამ პორტრეტის შექმნისკენ უბიძგა ივან კრამსკოის...“

ბარბარე თურქესტანიშვილის ფოტო

ივან კრამსკოი (ვტოპორტრტი)