რიტა მორენო: "მარლონ ბრანდომ თავის მოკვლა გადამაწყვეტინა"

პუერტორიკოელი მოცეკვავე და მსახიობი რიტა მორენო 81 წლისაა. რიტა და მსახიობი მარლონ ბრანდო 8 წელი ერთად ცხოვრობდნენ. რომანი სკანდალით დასრულდა და ქალბატონმა თვითმკვლელობა სცადა. ასაკოვანი მსახიობი ინტერვიუებზე იშვიათად თანხმდება, მაგრამ თუკი მარლონზე ეკითხებიან, მიუხედავად ტკივილიანი განშორებისა, რიტა მასზე აუგს არასდროს ამბობს.

"ბრანდო გადასაღებ მოედანზე გავიცანი, მაშინ 22 წლის ვიყავი. მის დანახვაზე ძალიან ავნერვიულდი და ისეთი შეგრძნება დამეუფლა, თითქოს მდუღარე წყალში ჩამაგდეს", - იხსენებს რიტა.

მორენო ამბობს, რომ მათი რომანი ისევე კარგად ვერ გაგრძელდა, როგორც დაიწყო. წყვილმა ერთმანეთის მიმართ პატივისცემა დაკარგა. ბრანდო სისტემატურად ღალატობდა რიტას. მორენო ფიქრობდა, რომ საყვარელი ასეთი საქციელისთვის უნდა დასჯილიყო და ღალატით ეპასუხა. შეურაცხყოფილი და ღალატით განადგურებული რიტა მარლონის ჯიბრზე პაემნებზე დადიოდა, მას უფრო ხშირად ხედავდნენ პოპულარული მამაკაცების მკლავებში.

მოგვიანებით წყვილი შერიგდა და ერთად ცხოვრება განაგრძო. მაგრამ ბრანდო ღალატს განაგრძობდა. რომანი ვერც რიტას ფეხმძიმობამ გადაარჩინა. ბრანდომ რიტას აბორტის გაკეთება მოსთხოვა და შვილის მოსაცილებლად ფულიც კი გადაუხადა. შემდეგ ბრანდომ საყვარელი მიატოვა და გადასაღებ მოედანს დაბრუნდა. რიტამ შეიტყო, რომ მას სხვა ქალი შეუყვარდა. როგორც მორენო ამბობს, გაზეთში გამოქვეყნებული ფოტო, სადაც მარლონი ახალ საყვარელს კოცნის მისი მოთმინების ბოლო წვეთი აღმოჩნდა. 1962 წელს

რიტამ თვითმკვლელობის მიზნით მედიკამენტების ჭარბი დოზა დალია. საბედნიეროდ, ექიმებმა ის გადაარჩინეს.

რიტა დღემდე აგრძელებს სამსახიობო კარიერას. ის 1965 წელს კარდიოლოგ ლეონარდ გორდონზე გათხოვდა. ვარსკვლავს ერთადერთი ქალიშვილი ფერნანდა ჰყავს. დღეს რიტა ორი შვილიშვილის, ჯასტინისა და კამერონის ბებიაა.

მომზადებულია dailymail.co.uk-ის მიხედვით.