"ძმაკაცებმა მამას ჩემზე უთხრეს, შენი შვილი "პუტანკას" ჰგავსო"
2 386 ნახვა
სახლიდან წამოსვლა მინდა. მამამ ისე მცემა, რომ მისი დანახვაც არ მსურს. ვიცი, ძალიან ცუდ რამეს ვამბობ, მაგრამ სიმართლეა. თქვენ იმიტომ გწერთ, რომ გულახდილი ლაპარაკი შემიძლია. სხვებთან ამდენი რამის ახსნას ვერ დავიწყებ და ვერც იმის თქმას გავბედავ, რომ მამა აღარ მიყვარს. მას არ ჰქონდა უფლება, ასე სასტიკად მომქცეოდა. ისე მცემა, რომ რამდენიმე დღე გარეთ ვერ გავდიოდი, რადგან სახეზე მისი ნათითურები მეტყობოდა. დედაც მეუბნება, რომ ამის ღირსი ვიყავი, რადგან მას არ დავუჯერე.
ჩემი ცემის მიზეზი ის გახდა, რომ მამას ძმაკაცებმა უთხრეს, შენი შვილი "პუტანკასავით" იცვამსო. ისეთი არაფერი მაცვია, რასაც მათი შვილები არ ჩაიცვამენ, უბრალოდ ჩამოსხმული ტანი არ მაქვს, პუტკუნა ვარ. ამ ბოლო დროს წონაში ძალიან მოვიმატე. მიზეზს მეც ვერ ვხვდები, რადგან ბევრს ნამდვილად არ ვჭამ.
ყოველთვის შარვლები და მოკლე კაბები მეცვა. სხვანაირად ჩაცმა ვერ წარმომიდგენია. კოჭებამდე კაბას ნამდვილად ვერ ჩავიცვამ. იმ დღეს მეცვა კაბა, რომელიც მუხლზე ოდნავ მაღლა იყო. თმა მქონდა გაშლილი და, ჩემდა ჭირად, წითელი პომადაც მესვა. თურმე მამას მეგობრებმა ქუჩაში დამინახეს და მაშინვე თავიანთ ძმაკაცს აცნობეს, შენს შვილს ყურადღება მიაქციეო. ისიც სახლში მოვარდა და...
დედა მეუბნება, ვერ შეგასმინე, რომ მოკლე კაბები აღარ გიხდება, არც შარვლები უნდა ჩაიცვაო. მაშინ რა ჩავიცვა? საერთოდ აღარ გავალ გარეთ! ფართხუნა კაბები ჩავიცვა?! მე ხომ ჯერ 15 წლის ვარ. რაც ჩემს თანატოლებს აცვიათ, მეც ის მინდა. ამის უფლება არ მაქვს?!
შეიძლება არ უნდა ვამბობდე, მაგრამ მამაჩემის ძმაკაცებმა ჯობია, თავიანთ შვილებს მიხედონ. უბრალოდ მათ "ფეისბუქში" შეიხედონ და ნახონ, როგორ ფორმაში აქვთ ფოტოები გადაღებული, რა კომენტარებს და სტატუსებს აკეთებენ. შეყვარებულებს ყოველდღე იცვლიან, მე კი მხოლოდ კლასელ ბიჭებთან მაქვს ურთიერთობა, შეყვარებული არასოდეს მყოლია. სკოლის ჟურნალში რომ ჩაიხედონ, ერთი რვიანიც კი არ მიწერია. აბა, თავიანთი შვილების სწავლის ქულებიც შეამოწმონ და მერე ილაპარაკონ ჩემზე!
აღარც სწავლა მინდა და აღარც ქუჩაში გავლა. ასე მგონია, რომ მთელი ქვეყანა ჩემი მტერია. ვერავინ მიგებს, ერთი ადამიანიც არ არის ისეთი, ვისაც გულს გადავუშლი და დაველაპარაკები. მადლობა თქვენ, რომ ჩემი სათქმელის დაბეჭდვის საშუალება მომეცით.
ჩემი ცემის მიზეზი ის გახდა, რომ მამას ძმაკაცებმა უთხრეს, შენი შვილი "პუტანკასავით" იცვამსო. ისეთი არაფერი მაცვია, რასაც მათი შვილები არ ჩაიცვამენ, უბრალოდ ჩამოსხმული ტანი არ მაქვს, პუტკუნა ვარ. ამ ბოლო დროს წონაში ძალიან მოვიმატე. მიზეზს მეც ვერ ვხვდები, რადგან ბევრს ნამდვილად არ ვჭამ.
ყოველთვის შარვლები და მოკლე კაბები მეცვა. სხვანაირად ჩაცმა ვერ წარმომიდგენია. კოჭებამდე კაბას ნამდვილად ვერ ჩავიცვამ. იმ დღეს მეცვა კაბა, რომელიც მუხლზე ოდნავ მაღლა იყო. თმა მქონდა გაშლილი და, ჩემდა ჭირად, წითელი პომადაც მესვა. თურმე მამას მეგობრებმა ქუჩაში დამინახეს და მაშინვე თავიანთ ძმაკაცს აცნობეს, შენს შვილს ყურადღება მიაქციეო. ისიც სახლში მოვარდა და...
დედა მეუბნება, ვერ შეგასმინე, რომ მოკლე კაბები აღარ გიხდება, არც შარვლები უნდა ჩაიცვაო. მაშინ რა ჩავიცვა? საერთოდ აღარ გავალ გარეთ! ფართხუნა კაბები ჩავიცვა?! მე ხომ ჯერ 15 წლის ვარ. რაც ჩემს თანატოლებს აცვიათ, მეც ის მინდა. ამის უფლება არ მაქვს?!
შეიძლება არ უნდა ვამბობდე, მაგრამ მამაჩემის ძმაკაცებმა ჯობია, თავიანთ შვილებს მიხედონ. უბრალოდ მათ "ფეისბუქში" შეიხედონ და ნახონ, როგორ ფორმაში აქვთ ფოტოები გადაღებული, რა კომენტარებს და სტატუსებს აკეთებენ. შეყვარებულებს ყოველდღე იცვლიან, მე კი მხოლოდ კლასელ ბიჭებთან მაქვს ურთიერთობა, შეყვარებული არასოდეს მყოლია. სკოლის ჟურნალში რომ ჩაიხედონ, ერთი რვიანიც კი არ მიწერია. აბა, თავიანთი შვილების სწავლის ქულებიც შეამოწმონ და მერე ილაპარაკონ ჩემზე!
აღარც სწავლა მინდა და აღარც ქუჩაში გავლა. ასე მგონია, რომ მთელი ქვეყანა ჩემი მტერია. ვერავინ მიგებს, ერთი ადამიანიც არ არის ისეთი, ვისაც გულს გადავუშლი და დაველაპარაკები. მადლობა თქვენ, რომ ჩემი სათქმელის დაბეჭდვის საშუალება მომეცით.