Backstreet Boys მზად არის, სიმართლე გაამხილოს
1 700 ნახვა
ბექსტრიტ ბოიზი, რომელიც 1993 წელს შეიქმნა, პოპ-მუსიკის ისტორიაში ერთ-ერთი ყველაზე წარმატებული ბოი-ბენდი გახლავთ. ოცი წლის შემდეგ, კი ჯგუფის წევრები მზად არიან თავიანთი განვლილი გზის შესახებ საზოგადოებას დაუფარავად უამბონ. ცნობილი გახდა, რომ მალე ეკრანებზე ახალი დოკუმენტური ფილმი გამოვა, რომელიც, როგორც შემქმნელები გვპირდებიან, ბენდის თითოეული წევრის ისტორიას გულახდილად მოგვითხრობს. „ჩვენ მსგავსი ფილმის გადაღება ყოველთვის გვინდოდა, ახლა კი ამისათვის იდეალური მომენტია. ჯგუფს კევინი დაუბრუნდა და ჩვენ ახალ ალბომზე ვიწყებთ მუშაობას. ჩვენს კოლექტივს უკვე 20 წელი უსრულდება, რაც იმას ნიშნავს, რომ ჩვენი ამბის მოსაყოლად საუკეთესო დრო დადგა“, - ნათქვამია ბექსტრიტ ბოიზის ოფიციალურ განცხადებაში. სურათზე რეჟისორი სტივენ კიდჯაკი მუშაობს და მისი თქმით, ფილმში გულწრფელ აღიარებებს ნამდვილად უნდა ველოდოთ. „რამაც ამ პროექტში მიმიზიდა ის გახლავთ, რომ ჯგუფის სოლისტები მზად არიან მათთვის არასასიამოვნო საკითხებსაც შეეხონ, მაყურებლის მიმართ იქნებიან გულწრფელნი და გადამღებ ჯგუფს სრულად მიენდობიან“.
