ლიმონისა და თაფლის ნიღბები ქერტლისა და თმის ცვენის წინააღმდეგ

ამ ნიღბების უცვლელი კომპონენტი თაფლია. ის უამრავ ვიტამინს, ფერმენტსა და მინერალს შეიცავს. თაფლი კვებავს თმის ბოლქვებს, ხელს უწყობს ქერტლისა და კანის სიმშრალის პრობლემების მოგვარებას.

გარდა ამისა, ასეთი ნიღაბი თმას არბილებს, ელასტიკურსა და ბზინვარეს ხდის.

ლიმონისა და თაფლის ნიღაბი

ნიღაბი აჯანსაღებს და ამაგრებს თმას. მის მოსამზადებლად მხოლოდ 5 წუთი დაგჭირდებათ, შედეგი კი სასიამოვნოდ გაგაკვირვებთ.

ერთმანეთში კარგად აურიეთ ერთი ლიმონის წვენი და 60 გრამი თაფლი. მიღებული მასა წაისვით თმის მთელ სიგრძეზე. დაიხურეთ პოლიეთილენის ქუდი. 10 წუთის შემდეგ თბილი წყლით ჩამოიბანეთ.

ნიღაბი თმის ცვენის წინააღმდეგ

მოსამზადებლად დაგჭირდებათ: 30 გრამი თაფლი, 20 გრამი კონიაკი, 20 გრამი ზეითუნის ზეთი, ერთი კვერცხის გული.

ყველა ინგრედიენტი ბლენდერში ათქვიფეთ ერთგვაროვანი მასის მიღებამდე. წა­ისვით თმაზე და 30 წუთის შემდეგ თბილი წყლით ჩამოიბანეთ. გაიკეთეთ ეს ნიღაბი კვირაში ერთხელ სამი თვის განმავლობაში.

ნიღაბი ქერტლის წინააღმდეგ

თაფლთან ერთად ამ ნიღბის შემადგენლობაში შედის გვირილა ან ბარამბო. ცნობილია, რომ ამ მცენარეებს ანთების საწინააღმდეგო თვისებები აქვს, რაც ასე აუცილებელია სებორეული სოკოს წინააღმდეგ ბრძოლის პროცესში.

ორ-სამ სუფრის კოვზ გვირილას დაასხით დაახლოებით 400 მილიგრამი წყალი და შეურიეთ 60 გრამი თაფლი. მიღებული მასა წაისვით დაბანილ თმაზე და 10 წუთის შემდეგ თბილი წყლით ჩამოიბანეთ.