სიყვარული ცაში: რომელი ქვეყნის ტურისტებს აქვთ ყველაზე ხშირად სექსი ფრენისას?

საძიებო პორტალმა Skyscanner-მა ჩაატარა გამოკვლევა იმისათვის, რომ გამოერკვია, ყველაზე ხშირად რომელი ქვეყნის წარმომადგენლებს აქვთ სექსი თვითმფრინავში.

700-ზე მეტი ბორტგამცილებელი ქალის გამოკითხვის შედეგად დადგინდა, რომ თვითმფრინავში სექსი ყველაზე ხშირად აქვთ ტურისტებს ავსტრალიიდან, გერმანიიდან, საფრანგეთიდან და ბრაზილიიდან. რუსმა მოგზაურებმა რეიტინგში მეექვსე ადგილი დაიკავეს.

ყოველდღიურად მთელი მსოფლიოს მასშტაბით მილიონობით ტურისტი დაფრინავს. ეკიპაჟის წევრების გამოკითხვის შედეგად დადგინდა, რომ მათ უმეტესობას მგზავრებისგან ხშირად მიუღია შეთავაზება, შეხვედროდნენ და ურთიერთობა ბორტს მიღმა გაეგრძელებინათ.

სტიუარდესების უმეტესობა ასეთ წინადადებას არ თანხმდება, რადგან არ სურს, პრობლემები შეექმნას სამსახურში. თუმცა ბევრი პაემანზე წასვლის ცდუნებას ვერ უძლებს – გამოკითხვის შედეგებით, თვითმფრინავის ბორტზე ფლირტის 14% მიწაზე ნამდვილი სასიყვარულო თავგადასავლით მთავრდება. ეს კი სტატისტიკურად ყოველი მეშვიდე შემთხვევაა!