ბრიტნი სპირსს ახალი რომანი აქვს

ჟურნალისტები ვარაუდობენ, რომ ბრიტნი სპირსმა ჯეისონ ტრავიკთან დაშორების შემდეგ პირადი ცხოვრების ხელახლა დალაგება უკვე მოასწრო. ყოველ შემთხვევაში ვარსკვლავი ვალენტინობის დღეს მარტო არ დარჩენილა. პაპარაცებმა მომღერალი უცნობ მამაკაცთან ერთად შენიშნეს. წყვილმა კალიფორნიის ქალაქ კალაბასასში რესტორან „Banzai Sushi“-ში ივახშმეს. იმავე დღეს, ცოტა უფრო ადრე ბრიტნი დედასთან ერთდ შოპინგზე გახლდა. სპირსისა და ტრავიკის განშორების შესახებ იანვარში გახდა ცნობილი. წყვილმა შეხვედრა 2009 წელს დაიწყო, ხოლო ორი წლის შემდეგ დაინიშნენ. თუმცა, საქმე ქორწილამდე არ მისულა. პრესამ მათი რომანის დასრულების მიზეზად ის დაასახელა, რომ ჯეისონს შვილების ყოლა სურდა. თავად ყოფილმა შეყვარებულებმა ამ თემასთან დაკავშირებით კომენტარი არ გააკეთეს.