ტესტი: უყვარხარ – არ უყვარხარ...
ეჭვობ, რომ მისი გრძნობა შენს მიმართ გაცივდა? გაიარე ტესტი და გაიგე, უყვარხარ თუ არა შენს რჩეულს.
როცა თავს ცუდად გრძნობ...
ა) მისთვის სულერთია;
ბ) ის მზრუნველი და თბილია, ყველაფერს გააკეთებს იმისათვის, რომ უკეთ იგრძნო თავი;
გ) მას სხვა, უფრო მნიშვნელოვანი საზრუნავი აქვს... ახლა ხომ ფეხბურთია!
სამსახურში დაგაწინაურეს. მისი რეაქცია:
ა) "მაგარია, როგორც იქნა, ვიყიდით ახალ მაცივარს!"
ბ) გულწრფელად უხარია შენი წარმატება და საქებარ სიტყვებს არ იშურებს.
გ) "ანუ ჩემზე მეტი ხელფასი გექნება?!"
თქვენი ერთობლივი ცხოვრების ღირსშესანიშნავ დღეს ის:
ა) თუ გაახსენდა – მოგილოცავს;
ბ) გჩუქნის ყვავილებს, კანფეტებსა და სხვა საჩუქრებს;
გ) მან არ იცის, რომ გაქვთ ერთად აღსანიშნავი თარიღები და უკვირს, რატომ ჩუქნი თვეში ერთხელ ახალ პერანგს.
ხშირად იღებ კომპლიმენტებს ან საქებარ სიტყვებს მისგან?
ა) იშვიათად;
ბ) გამუდმებით;
გ) რა არის კომპლიმენტები?!
თუ მარტო ყოფნა გინდა, ის:
ა) არ გაქცევს ყურადღებას;
ბ) აფასებს შენს პირად ამ სურვილს და არ გაბრაზდება ამის გამო;
გ) სწყინს და ნერვიულობს.
შენს მშობლებთან გატარებულ საღამოს ის თვლის:
ა) დროის უქმად დაკარგვას;
ბ) კიდევ ერთ ნაბიჯს შენი გულისკენ სავალ გზაზე;
გ) ცდილობს, საერთოდ არ გადაეყაროს შენს მშობლებს, მაგრამ თუ ასე მაინც მოხდა – მოთმინებით ზის და დუმს.
თქვენ ორს შორის ვინ იღებს გადაწყვეტილებებს?
ა) ბოლო სიტყვა შენზეა;
ბ) თუ თქვენი აზრი ორად გაიყო, ეძებთ კომპრომისს და საერთო გადაწყვეტილებამდე მიდიხართ;
გ) არ ითვალისწინებს შენს აზრს, როგორც ის იტყვის – ყველაფერი ისე იქნება.
შენი რჩეული შემთხვევით ყოფილ შეყვარებულს შეხვდა. მისი რეაქცია:
ა) ისე მოიქცევა, თითქოს ვერ შენიშნა;
ბ) მიესალმება და შენც გაგაცნობს;
გ) ღიად და დაუფარავად ეფლირტავება, უღიმის და ისე იქცევა, თითქოს შენ მისი უმცროსი და ხარ.
როგორ გიყურებს?
ა) ცდილობს, არ შეგეჩეხოს თვალებით საუბრისას;
ბ) შეუძლია, ძალიან დიდხანს და ყურადღებით, თვალმოუშორებლად გიყუროს.
გ) შიგადაშიგ გესვრის გამომცდელ მზერას.
ეუბნები, რომ თქვენს ერთობლივ მომავალს ერთ დიდ, მეგობრულ ოჯახად ხედავ. მისი პასუხი:
ა) "უცნაურად საუბრობ, რაზე მიმანიშნებ?"
ბ) "ჩემს აზრებს კითხულობ!"
გ) "მაცოცხლე ხვალამდე"...
ახლა კი დაითვალე პასუხები და წაიკითხე შედეგები:
თუ შენს პასუხებში ჭარბობს "ა": წყნარი ოკეანეა. შენი რჩეული შენს მიმართ გულგრილია. ან მისი გრძნობა გაცივდა, ან ძალიან მშვიდი და ჩაკეტილი ადამიანია. თუ ადრე ასეთი არ იყო, შეეცადე, გულახდილად დაელაპარაკო. შესაძლოა, თქვენს გრძნობებს განახლება სჭირდება.
თუ შენს პასუხებში ჭარბობს "ბ": ვნებების ქარიშხალი. შენი რჩეული გიჟდება შენზე! ის გამუდმებით ზრუნავს შენზე და შენთან საერთო მომავალს ხედავს. ასეთ ურთიერთობას აუცილებლად უნდა გაუფრთხილდე ისე, როგორც განძს.
თუ შენს პასუხებში ჭარბობს "გ": სავარაუდოდ, მან უბრალოდ არ იცის, როგორ დაასრულოს შენთან ურთიერთობა, რომელიც დიდი ხანია, ჩიხში მოექცა. მთავარია, რომ გაიგო ეს და სწრაფად გათავისუფლდე იმ მამაკაცისგან, რომელიც პატივს არ გცემს და რომელსაც შენს მიმართ არანაირი გრძნობა არ აქვს.
